سؤال : عن الشقق الفندقيه بالبحرين

[(كويتيه عسل)]

السلام عليكم بنات
شلونكم

ابي اسألكم عن الشقق الفندقيه اللي في البحرين

ابيها تكون بسعر معقول
ونظيفه
حق عوايل
وقريبه من مدينة عيسى لان جامعتي هناك

اختكم <<<< تدرس بالبحرين تقريبا كل اسبوعين تروح البحرين

 

[طير البحرين]

كويتية عسل اكيد انتي في الجامعة الخليجية مووو حبيبتي لا تستغربين لأن الجامعة قريب البيت واااااااايد وايد عن خطوتين مشي واوصل للجامعة الباب بالباب>>>>> كأني مصخته ووصفت البيت ورسم خريطته،،

المهم حبيبتي شقق فندقية في مدينة عيسى ما راح تلاقين إلا اذا شقق شهرية لأن مدينة عيسى مافيها شقق فندقية فيها شقق تمليك اي نعم،، الا اذا كنتي تبين شقة عادية مفروشة اكيد بتلاقين وبقوة ونظيفين بعد ومفروشين،،،

راح تلاقين شقق فندقية اقرب شيء لمدينة فندق فرساي بيكون على شارع السهلة يعني ربع او عشر دقايق للجامعة الخليجية او مدينة عيسى،،،

واذا حابة اضيفج في البيت ما عندي مشكلة يا لغلا على العين والراس لهل الكويت وطوايفهم،،،

واي شيء يالغالية تبينه لا يردج إلا كيبوردج هااااااا تراني في الخدمة مو تستحين،،،

تحياتي

 

[(كويتيه عسل)]

تسلميييييين ياقلبي هذا من ذوقج حبيبتي


شلون اسعار فندق فرساي ؟


حبيت اسألج عن عنوان الشقق المفروشه التمليك اللي قلتي عنهم في مدينة عيسى وين صايرين ؟

ماتعرفين سايت فيه عن الفنادق والشقق اللي في البحرين عيزت ادور على سايت من هالنوع مالقيت


مشكووووووره حبيبتي

 

[طير البحرين]

هلا حبيبتي فيه سايت حبيبتي بعطيج اياه تقدرين تستفيدين منه وايد اسمه عقار وهو للشقق والفنادق وكل شيء،،،

تفضلي:

www.bahaqars.com

للإستفسار وهذا رقم الخاص بالمكتب: +97336630229

وعن شقق التمليك حبيبتي حبيبتي بتلاقينها في سند وبتلاقين مكتوب على البناية شقق للتمليك بحاول ابحث عن ارقامهم وبدزهم لج في اقرب وقت،، لأني في الدوام الحين وصعبة ادخل النت بس دخلت عشان خاطر عيونج،،،

حبيبتي سامحيني بحاول اجيب اسعار فندق قصر فرساي اليوم العصر لين رديت البيت،،،

تحياتي يالغلا

 

[(كويتيه عسل)]

مشكووووووووووره حبيبتي ماقصرتي رايتج بيضه

سامحيني دوختج بالاسئله شنو المناطق القريبه من مدينة عيسى وفيها شقق مفروشه ؟

 

[noorq8]

واذا حابة اضيفج في البيت ما عندي مشكلة يا لغلا على العين والراس لهل الكويت وطوايفهم،،،

:ggdw: :ggdw: :ggdw: :ggdw:
والله انج اصيييييلة و اجودية و بنت حماااااااايل
الله لا يحرمنا من اهل البحرين
صاجين يوم قالوا عنا عيال عم


وايد عجبني ردج و كبرتي بعييينيييي ... مو غريبه على اهل البحرين والله مو غريبه :fun:




كويتية عسل ما اقدر افيدج بس شدني رد طير البحرين :ggdw:
الله لا يحرمنا منهم :gathering:

 

[(كويتيه عسل)]

noorq8

شفتي شلون خليجنا واحد

بذذذذذذذذذذمتج مو البحرينين احسن من بعض الجنسيات اللي يشتغلون عندنا في الكويت

اخييييييييه انا ميتيه من الحره _03BA: لما الاتفاقيه اللي بعد الغزو ماتمت
اللي اهيا تعيين البحرينين في الوزارات الكويتيه ومعاملتهم معاملة الكويتين بدال الزلمات نااكرين الجميل و اللي خانونا في الغزو