سؤال عن الشفط والشد الله يوفقها دنيا واخره الى ترد على

[معا الى القمه]

بنات السلام عليكم
انا سويت قبل شهر ونصف عمليه شد وشفط لبطني بتخدير موضعي
وللاسف صار عندي التهاب شديد فى الجرح وقالى الدكتور اني لازم اشيل المشد
لانه بيعرقل التام الجرح فشلته
الحين طبعا البطن لازال فيه قساوه شوى يعنى للحين ماشفت نتايج زينه
سؤالى للخبيرات الله يوفقهم
هل عدم لبس المشد رح ياثر على نتيجه العمليه
الشي الثاني انا الدكتور قال انه ماسوى لى شد عضلات هل يفرق فى النتيجه
يعنى وش الفرق بين الى يسوون شد للعضلات مع شد للجلد وشفط والى بس شد للجلد من غير شد للعضلات
الشي الثاني سمعت من بعض البنات انه غلط الواحد يسوى شفط وشد فى نفس الوقت لانه مابيطلع شكله حلو وبيكون فيه انتفاخ من جهة المعده ياليت الى سبقونا يقولون لنا
هل فعلا حصل لهم كذا

واخير هل منطقه العانه تغيرت شكلها عندهم---- انا عندي صارت بارزه فى البنطلون
هل هذا بيروح لانى خايفه يستمر الشكل


دمتم بصحه وسعاده يارب

 

[معا الى القمه]

وينكم بنات الله يوفقكم استنا جوابكم

 

[تعويذه الحب]

هلا حبوبه
شوفي انا بقولج شي وادري انج راح تخافين عمليتج كلها غلط بس اول شي بسئلج البنج كان ابره ظهر ولا لاء؟
بالنسبه حق القساوه اللي ببطنج هذي القساوه نتيجه الماي والاوساخ المتجمعه بالبطن جراء العمليه لان حبيبتي عمليه الشفط عباره عن ابر يحقونها بالشحم عشان يذوب وبعدين يشفطونه عشان جذي يحطون لج البرابيش عشان يتجمع فيه الدم والماي الناتج من الابر اللي تذوب الدهن
فهذا سبب الانتفاخ

اما بالنسبه حق لبس المشد فاكييييييييييد أكيد انه لبسه مهم بعد العمليه و انج لازم تلبسينه مده شهرين كاملين وانا الحين بشرحلج شنو وظيفه المشد
حبيبتي بعد عمليه الشفط راح ينتج فراغ بين الجلد مال البطن والبطن نفسها والمعده فوظيفه المشد انج اذا لبستيه ولازم يكون صغير عليج يعني اصغر من مقاسج وهذا لامشد راح يساعد على التصاق الجلد بالبطن ويخلي هالفراغ يختفي ويصير بطنج لازق بظهرج

وحبيبتي لازم يشد عضلات البطن عشان البطن يبين مسموت مو لين
اما بالنسبه للخوات اللي قالولج ان ما يصير شد وشفط بنفس الوقت فهالمعلومه غلط مع احترامي لهم لان عمليه الشد مرتبطه بالشفط وانا عن نفسي سويت العمليتين مع بعض والنتيجه بينت بعد اسبوعين

اما بالنسبه حق منطقه العانه انتي حاسه انها ارتفعت شوي عن مكانها الطبيعي وهالشي طبيعي مع الوقت راح يخف الانتفاخ
حبيبتي نصيحه روحي حق الدكتور وقوليله بالحرف الواحد يا اما تصلح العمليخ اللي سويتها يا اما راح اشتكي عليك واطالبك بتعويض

وحبيبتي ترى هالمعلومات اللي قلتها لج مو مني من الدكاتره اللي قعدت معاهم قبل العمليه لانهم شرحولي كل شي بالتفصيل الملل وحرصوا علي اني ما افصخ المشد الا بعد شهرين والحمدلله مشيت على كلامهم والنتيجه روعه وصارلي الحين 3 سنين مسويتها و ما تغير شي كلش

وما تشوفين شر انشالله

 

[معا الى القمه]

يابعد عمري و الله يوفقك ويسعدك يارب ويتمم عليك
انا كنت حاسه ان فيه شي موكامل بس ماكنت عارفه ايش
اما من ناحيه خوفتينى بالعكس المفروض الواحد يعرف الى غلط علشان يتلاحق عمره ويصلح وعلى الاقل اذا ناقشته يبين انى فاهمه ويصلح الى يقدر يصلحه
والبنج ماكان ابرة ظهر------ كان على كلامه فى المويه الى عباها فى البطن
تخيلى طول العمليه وانا صاحيه لا وبعد قاعده اقول له اشفط هنى ولا تنسى هناك ركز على هذي الجهه
وهذا كوم ويوم قام يقص ويخيط كوم ثاني عذاب نفسي رهيب بس الحمدلله على كل حال
الله يجزاك خير مره ثانيه
وياليت البنات يشاركونا بالى سمعوه او تجاربهم ولهم الاجر

 

[أربيعينية]

الله يشفيك حبيبتي
بس مو دايما لازم شد العضلات
يعني اذا في ترهل بالعضلات يستلزم شد حسب تشخيص الدكتور
انا كان عندي ترهل شديد علشان جذيه كان لازم أسوي شد للعضلات مع شد البطن
بس ممكن يا قلبي نعرف منو الدكتور ووين سويتي العملية ؟

 

[<ظبيه>]

ألف الحمدالله على السلامه حبيبتي
انا مستغربه بصراحه من عمليتج
يشق ويخيط بدون بنج؟؟
وشنو يعني المخدر بالماي اللي عبى البطن فيه؟
الماي اوكي للشفط بس الشد والخياط وين بنجهم؟؟
والمشد ضروري لعملية الشفط شلون قالج افصخيه جذي تخرب العمليه
كان يقدر يعالج الالتهاب والمشد عليج
ما دري حبوبه انا متحيره بعمليتج
منو هالدكتور يالغاليه؟
ربي يشافيج ويعافيج ويقومج بالسلامه

 

[قطوه سوده]

ع العموم الحمدالله على سلامتج........
وانشالله كل شي يتصلح.....

 

[معا الى القمه]

حياكم الله اخواتى جيعا
ايوالله يابنات وانا فى كامل قواى العقليه وهو يخيط ويشفط
طبعا لان الخياطه كانت فى مكان اصلا مشفوط منه الشحوم علشان كذا كان متخدر وازيدكم من الشعر بيت المخدر هذا جلس فتره طويله مخدر الجرح ولا كنت احس فيه
اما وين سويت العمليه سويتها فى امريكا--- مالت عليهم
شكرا لكم اخواتى وجزاكم الله خير على مروركم
ونستنا المزيد من التجارب الله يوفقكم جميعا

 

[ii DareeN ii]

ماتشوفين شر ضيقتي خلقي روحي حق دكتور ثاني يعدل العملية واذا في وصخ يسحبة لج

 

[شمريه بلا حظ]

الحمدالله على سلامتج


اول شي نصيحة اخت لاختها وعن تجربه



تعرفين المــرّه ؟؟ اللي عند العطار ..؟؟


اخذيها دقّيها وحطيها في بطل وحطي عليها ماي دافي

خل تنقع شوي وبعدين اخذي قطن او شاش طبي


ومسحي على الجرح وشربي منها وشميها بقوووه


وكرري هالشغله يوميا ويفضل مرتين باليوم


والله تشوفين العافيه


انا نفسج التهبت الجروح بس تذكرت المررره الحمدالله الجروح طابت


وتقدرين بعدها تلبسين الكورسيه لان لبسه بالبدايه شي مهم عشان يشد الجلد



هذا اللي اقدر افيدج فيه



والباقي البنات انشاءالله مايقصرون

 

[حبيبة ماماتي]

ماتشوفين شر يا غالية بس بغيت اعرف اذا سويتها منطقة العانة راح تبرز اكثر لأن بصراحه اهي بارزة شوي عندي بعد الزواج وانا موحابة هالشي .. واذا طلعت بارزة اكثر اقدر اسويلها شفط ولا لأ

 

[معا الى القمه]

حياكم الله اخواتى شكرا لمروركم والله يستر على من ذ العمليه
اختى حبيبه ماماتي اي تقدرين تشفطين المنطقه بس اكيد يعور

 

[carrot^cake]

انا اول مره اسمع بعملية شد بنج موضعي
الحمدلله على سلامتج

والمشد لالالالالالالالالالالالازم ينلبس
انا كنت اقول حق الدكتور اني مليت قالي لازم عشان النتايج
والبطن ياخذ شكله بالمشد
انه يكون شاد وسيده
ومنطقة العانه
اي برزت لفوق
لانه رفع الجلد فترتفع المنطقة مع الشد

 

[*قمر 2005*]

بصراحة انا عن تجربة لاحدى قريباتي طلب منها الدكتور خلع المشد بعد شهر ونص بالضبط وقالها علشان ما تتعود عضلات بطنها على المشد وبعدين ترتخي مع العلم انها مسويه شد وشفط لبطنها ولها الحين بالضبط 3 شهور البطن بالاسفل اوكي ولكن صوب المعدة والخصر كلش مو ذاك الزود
والحين عزيزتي معا الى القمة بعد هالفترة من الوقت شلون تقيمين عمليتك وشلون صار شكل بطنك وشكل المعدة وهل انتي راضية عن شكلهم ؟؟؟؟

 

[معا الى القمه]

هلا والله وغلا اياوالله اختى كيروت كيك والله يشفطون ويخيطون وانا عيونى تبارق فيهم
هو صدق اقل خطوره من ناحيه البنج بس والله الم نفسي انك تشوفين الدكتور وهو يخيط ويطرز فى بطنك
اما المشد طبعا مهم وانا كنت حاسه انه فيه شي مابيصير تمام بس الدكتور قال مادام الجرح التهب كذا انتبهي تحطين المشد واصلا هو من الاساس قال المشد اسبوعين بس ماادري وش عنده مدري هو عنده سالفه او لعب فينى



اختى اولادي كل حياتي انا بالضبظ نفس مدة قريبتك ونفس النتايج مع اني كنت محذرته وهو جالس يشفط قلت لها انا ماابي فوق المعده يكون شحم مااحب هذا المنظر لانى شايفته من قبل على وحده وطول ماهو يشفط وانا ارجعه على نفس المكان بس انا اتوقع السبب من عدم شد العضلات الى فوق المعده هى الى تسبب هذا المنظر
اما تقييمى طبعا النتايج زي ماقلتى مهيب الى فى بالى مره ولا هى قد الخساير والالم بس احسن بكثير من اول قولى 70%

شكرا لمروركم جميعا اخواتى

 

[*قمر 2005*]

حبيبتي انصحك تسوين رياضة لشد البطن والمعدة وعليك بجهاز اب شيبر لشد البطن اللي بالوسيط ما يتعدى سعره 15 دينار والله بلا عمليات وخسارة فلوس ومخاطر ما يعلم فيها الا الله واطباء ما همهم الا الربح المادي وبس
وللعلم قريبتي اللي قلتلك عنها مسويه شد عضلات يطنها ومخيطهم لها ولكن على الطل خرطي :bye22:

 

[توتا5]

الحمدالله على سلامتج

 

[^^المهره^^]

عسى الله يشافيج ويعافيج ويحققلج اللي في بالج ان شاءالله
انا حبيبتي مسويه شفط وشد للبطن من 10 شهور
بس والله النتيجه ممتازه ولله الحمد
وشدلي عضلات البطن طبعا
والكورسيه لي يومج ماقطيته
تميت 6 شهور البسه 24 ساعه حتى وقت النوم
وعقب يعني الحين لا البسه يعني لا ييت اطلع لاني تعودت عليه وايد يطلع الجسم حلو مع اللبس
بس مايمر يوم الا البسه فيه عالاقل 4 ساعات واحيانا البسه للدوام
حرصي على لبسه قد ماتقدرين حبوبه

 

[معا الى القمه]

هلا والله اخواتى
انا الصراحه ------- فى بالي البس المشد حتى لو بعد كل هذي الفتره ماعليه
اولا يضغط على المعده ومايخلين اجوع كثير (عن تجربه)واشبع اسرع
وثاني شي علشان انا اامن بان الضغط يغير ويعيد توزيع الشحوم فى الجسم خاصه انى قبل فتره كنت فى عياده وكنت اسولف مع وحده من الممرضات عن السمن والتنحيف وطرقه
الممرضه قامت ورفعت البلوزه حقتها وثاريها لا بسه مشد بس غير كل المشدات الى شفتها من قبل
اولا الشناكير كلها من قدام (هو نصف علوي الى اسفل البطن) ثاني شي وهذا الاهم انه مبطن من الداخل
بطبقه مطاط يعنى يكتم كانه بلاستك وقالت انها تلبس تيشرت تحته علشان اذا عرق الجسم يمتصه التيشرت
وانه معروف فى بلدها للتنحيف والكل يستخدمه هناك عاد من شفته وانا الفكره داشه مخي من كل الجهات
ومفكره استخدم معه دهان فكس يقولون ينحف او اوراق الملفوف لان منطقه المعده عندي بارزه شوي


اختى اولادي حياتى زي قلتى لى انها مسويه شد على الاقل مااتحسر واحس ان عدم الشد هو السبب
الله يخليلك عيالك يارب
اختى توته الله يسلمك من كل شر والشر مايجيك ان شاء الله
اختى المهره والله ياعمري ان فكرتك زينه من كل ناحيه اقلها الظهر يصير مستقيم
بصير مثلك خاصه ان الشتاء قرب وماعاد يضايق المشد زي اول
ياجعلكم تسلمون حبيباتى وجزاكم الله خير واكسبكم الله الجسم الجميل المتناسق