سؤال ضروري(هل يستطيع الانسان العيش بكلية واحدة)

[حوريه خليجيه]

هل يستطيع الشخص العيش بكليه واحدة
وهل لها آثار سلبيه بعد ازاله احدي الكليات
ردوا علي ضروري

 

[ii DareeN ii]

اختي انا الي اعرفة ان في عملية زرع الكلى الخطر يكون اكبر على المتبرع هذا بشق العملية الجراحي


وهم اعرف وايد ناس من الاهل قامو بتبرع بالكلى حق اقاربهم وعايشين الحمدالله بصحة

 

[غلاكم]

هلا حوريا خليجية
اشلونج عساج بخير

انشاء الله يتشافى الوالد ويقوم بالسلامه

الامر جدا عادي ويعيش انشاء الله العمر المديد

 

[نووووونا]

هلا اختى سبحان الله اذا انشالت كليه وحده من الانسان

الله سبحان وتعالى يعوضه ان الثانيه تشتغل وتعوض عمل الثانيه

والانسان العادى حتى يقدر يعيش بربع كليه ,, هذا من رحمة رب العالمين

بس المفروض يكون فى اهتمام اكثر بنوعيه الاكل والحفاظ على ضغط الدم ما يرتفع

والوقايه من الالتهابات المتكرره لانها ممكن تاثر على عمل الكليه .. وزيادة الوزن بعد

ممكن تزيد ضغط الدم ,,,,,

والف الف سلامه حبيبتى ,,,,

 

[حوريه خليجيه]

راح اقولكم قصتي وشنوصار معاي
في يوم من الأيام تعب ولدي حيل وقاعديرجع وطول حيل بالترجيع 5 ايام وهو يرجع وديته لمستشفي الهادي واطلبت الدكتوره الله يجزاهاسونار عليه وفجاءة وبدون مقدمات تقول اولدج في عيب خلقي :eh_s(16)::eh_s(16):من الولادة الكليتان شكلها نفس حذوه الفرس والكليه اليمين زينه بس المشكله بالكليه اليسار وهو عمره 10 سنين تخيلوااا صدمه حيل ماادري كل هاذي السنين وحولتني لمستشفي ابن سينا واهني الطامه الكبري والحمدلله علي كل حال انا مؤمنه وراضيه بقضاء ربي وعقب الأشعة
قال الدكتور وحده من الكلي تشتغل بنسبه 6% وفي بعد انسداد في الحالب ولازم نشيلهاواهني قدعت ابكي حيل:eh_s(16)::eh_s(16): وحسبي الله ونعم الوكيل ولدي مسكين مايدري انه مقررين له عمليه يقولون يمه والله تعبت من الأبر خلاص انا مافيني شي
وان الحين احاتي وشلون العمليه وشلون الطريقة وعادي اسويها بالكويت مافيها خطر علي حياته
طمنوني الله يجزاكم خير
واشكر كل اللي ردو علي ونصيحة لكل اخت سووا فحص شامل علي اعيالكم
والحمدلله علي كل حال
اللهم اني لا أسألك رد القضاء ولكن اسألك اللطف فيه

 

[حاااايره]

انا بعد يوم كنت حامل قالولي ولدي فيه توسع بحوض الكلى ولما ولدت قعدت اتابع فإبن سينا قالولي عنده ارتجاع وعطوني موعد شهر 2 بسووله فحص البربيش واشعه نوويه عشان يعرفون شكثر الكلى شغاله وقتها يكون عمر ولدي حبيبي 10 شهور نتفه
والحين يوميا معطيني له مضاد وقائي تخيلو من عمره يومين وهو ياخذ هالمضاد وانا اعرف واحد نفس حالته شالو كليه وحده والحين الحمد لله مااافيه الا العافيه من جم سنه عايش بكليه وحده بس


الله كريم انشاءالله والف اللهم لك الحمد على كل حال الله يشافي ولديي وجميع المرضى ياااارب

 

[نووووونا]

راح اقولكم قصتي وشنوصار معاي
في يوم من الأيام تعب ولدي حيل وقاعديرجع وطول حيل بالترجيع 5 ايام وهو يرجع وديته لمستشفي الهادي واطلبت الدكتوره الله يجزاهاسونار عليه وفجاءة وبدون مقدمات تقول اولدج في عيب خلقي :eh_s(16)::eh_s(16):من الولادة الكليتان شكلها نفس حذوه الفرس والكليه اليمين زينه بس المشكله بالكليه اليسار وهو عمره 10 سنين تخيلوااا صدمه حيل ماادري كل هاذي السنين وحولتني لمستشفي ابن سينا واهني الطامه الكبري والحمدلله علي كل حال انا مؤمنه وراضيه بقضاء ربي وعقب الأشعة
قال الدكتور وحده من الكلي تشتغل بنسبه 6% وفي بعد انسداد في الحالب ولازم نشيلهاواهني قدعت ابكي حيل:eh_s(16)::eh_s(16): وحسبي الله ونعم الوكيل ولدي مسكين مايدري انه مقررين له عمليه يقولون يمه والله تعبت من الأبر خلاص انا مافيني شي
وان الحين احاتي وشلون العمليه وشلون الطريقة وعادي اسويها بالكويت مافيها خطر علي حياته
طمنوني الله يجزاكم خير
واشكر كل اللي ردو علي ونصيحة لكل اخت سووا فحص شامل علي اعيالكم


والحمدلله علي كل حال

اختى الف سلامه واطمئنى واستعين بالصبر ,, انا اعرف وحده نفس حالة ولدج بالضبط بس من 4 سنين

تقريبا ,, بس كانت البنت صغيره وكليتها اليسار تعبانه وظائفها 17 بالميه وما منها فايده بل بالعكس

تسويلها اللتهابات متكرره ,, الى ان قرروا يشيلون الكلى ,,بعد عدة عمليات فاشله بمستشفى

ابن سينا ,,,,,

استشاروا عدة اطباء من بينهم خليل العوضى ,, كامل الرشيد قررورا يشيلونهاا وشالوها

ولله الحمد حالتها مستقره وما فيها الا العافيه,,

واى سؤال بالخدمه عزيزتى

والصبر عند البلاء من اعظم النعم واحتساب الاجر لا تنسينه ,,

 

[حوريه خليجيه]

مشكوره حبيبتي نجد
والحمدلله انا صابره والله العام ومؤمنه بقضاء الله سبحانه
بس انا احاتي ولدي والعمليه واخاف اسويها بالكويت
انتي شنوتنصحيني فيه واللي يبي يسوي العمليه دكتور عبد الناصر اشرايج فيه بمستشفي ابن سينا

 

[نووووونا]

شوفى حبيبتى اهيا ترا العمليه سهله ليش ؟؟ لانها على قولة الطبيب قص وشيل عفوا بالتعبير

يعنى مو تصليح .......فباذن الله سهله ,, بس ايللى اعرفهم سووها بجده لانهم عانوا من اطباء الكويت

بعد عدة عمليات فاشله ,, عشان جذيه سووها بالالمانى السعودى ,,

بصراحه انا ما اعرف دكتور عبدالناصر !!كويتى ؟؟

اعرف دكتوره سليمه رمضان

دكتور صفوت مصرى

دكتور عادل الحنيان

دكتور ابراهيم بسيونى استشارى مصرى

بس معلوماتى قديمه !!

 

[sweeta77]

انا بعد يوم كنت حامل قالولي ولدي فيه توسع بحوض الكلى ولما ولدت قعدت اتابع فإبن سينا قالولي عنده ارتجاع وعطوني موعد شهر 2 بسووله فحص البربيش واشعه نوويه عشان يعرفون شكثر الكلى شغاله وقتها يكون عمر ولدي حبيبي 10 شهور نتفه
والحين يوميا معطيني له مضاد وقائي تخيلو من عمره يومين وهو ياخذ هالمضاد وانا اعرف واحد نفس حالته شالو كليه وحده والحين الحمد لله مااافيه الا العافيه من جم سنه عايش بكليه وحده بس


الله كريم انشاءالله والف اللهم لك الحمد على كل حال الله يشافي ولديي وجميع المرضى ياااارب

الله يشافيه انشالله ...انا وحده معاي بالدوام صار فيها نفس الشي وقالوا لها مضاد وقائي على طول....ما عجبها كلامهم وسافرت ودت بنتها بره وقالوا ماكو شي والبنت ما شالله عليها عمرها 4 سنين مثل الورده....ما تسوى خرعه امها عليها

 

[sweeta77]

صاجه وحده من الخوات اخذي راي عادل الحنيان لانه فاهم

 

[حوريه خليجيه]

انا سمعت بدكتور عادل الحنيتان ويمدحونه حيل
ودكتور((( عبد الناصر))) حيل يمدحونه دارس في كندا واهو كويتي
وهذا دكتور الحنيتان يسوي عمليات اخاف اسوي العمليه عند خاص اخاف تصير مضاعفات الله لايقول له
ويودونه الحكومه
رجاءا اذا احد من البنات يعرف دكتور عبد الناصر في مستشفي ابن سينا جراحة اطفال لا يبخل علي بالردود
تكفوون طلبتكم
واشكر كل اللي ردوا علي مره ثانيه والحمدلله علي كل حال

 

[حوريه خليجيه]

خواتي طلبتكم
ردوا علي ضروري والله اعلم بحالي :eh_s(11)::eh_s(11)::eh_s(11)::eh_s(11):
تكفووووووووووووووووون
اللي تعرف شي عن الدكتور (( عبد الناصر)) في مستشفي ابن سينا ترد علي:eh_s(7)::eh_s(7):

 

[MassComm]

اي باذن الله يقدر يعيش

 

[توت عنكبوت]

ما يشوف شر ان شاء الله الوضع طبيعي والعملية سهلةة ان شاء الله

الله يشفيه ويقومه بالسلامة

 

[نووووونا]

على فكره اختى عندنا بالكويت ما يسوون عمليات حق الاطفال الا بابن سينا

جراحة اطفال ,, الخاص ما يسويها ,, اذا انتى سامعه انه زين خلاص توكلى على الله

وادعى ايللى ما ينسى عباده صلى استخاره وسويها وان شاءالله انها سهله ,,

وترا السهاله من الله سواء عبد الناصر او غيره ,, واهما لازم طاقم الاطباء يكون معاهم

استشارى يعطيهم التعليمات ,, والف الف سلامه وطمنينا عن حالته ,,,,,,

 

[حوريه خليجيه]

الله يجزاكم خير
وما قصرتوا

 

[حاااايره]

انا اراجع عند عبدالناصر وحيييييييل زحمه عنده وشكله زين الله كرييييييييييم يشافي وليدي ووليدج يارب

 

[حوريه خليجيه]

بقول لكم آخر تطوات حاله ولدي انا رحت لدكتور عادل الحنيان يقول لازم تسوين العملية ضروري قبل لايصير ارتجاع في البول
ياربي والله احترت اصدق دكتور عبدالناصر اللي يقول ليش مستعجلة علي العملية والا اصدق د عادل الحنيان
يالله :eh_s(16)::eh_s(16)::eh_s(16):ماادي شسوي وحاله اولدي شسوي فيها
انتو شرايكم د- عادل الحنيان شاطر والا لأ يقول ابي اسويلج العمليه بمستشفي السلام والميزانيه الله يعلم
اعيش بس حق يومي والله المستعان
ا فيدوني جزاكم الله خير:0bee2e8d89::0bee2e8d89::0bee2e8d89::eh_s(11)::وتعبتكم معاي والحمدلله علي كل حال

:yaaaaaarb: وادعوا لولدي الله :yaaaaaarb:يقومه سالم معافي بإذن الله:yaaaaaarb:

 

[بنت الفقيد]

ممكن ان يعيش بكليه واحده عندي وحده من اهلي سوت عمليه وشالت وحده وبقت وحده والحمدلله عايشه وما فيها اي شي ولا تغير في صحتها اي شي ماشالله

ولا تحاتين سهالات انشالله


وتمنياتي لكل مريض بالشفاء العاجل