سؤال ضروري ضروري لقسم الاجازات,,,او اي وحده خبيره بالاجازات

[نظره عقلانيه]

والي يعافيكم الي تعرف اجابه سؤالي او تعرف احد يشتغل بهلمجال تساله
هل صحيح ان اجازه الوضع يصير اخذها قبل الولاده بشرط اولد بهلفتره
يعني خلال الشهرين لازم اولد
وابي اعرف اذا كانت المرضيات الي اخذها من الخاص تنحسب نفس حسبه الطبيات الي من المستوصف الحكومي
ولا لها حسبه بروح
لاني سمعت انه غير ال15 يوم من المستوصف يصير اخذ 15 يوم من الخاص ماتنخصم بعد
ويقولون ان المستشفى الحكومي له حسبه بروح بعد
وتكون دبل مده المستوصف
يعني اقدر اخذ من المستوصف 15 يوم بدون خصم
ومن المستشفى 30 يوم بدون خصم
صج ؟

 

[[[ عيون جابر ]]]

بالنسبه للمرضيات سواء يبتيهم من خاص او من حكومه كلهم ضمن ال15 يوم الي براتب كامل وعقبها يبلش الخصم الا في حالة وحده اذا يبتي المرضيه فوق ال7 ايام هذي ماتنخصم ولاتنحسب ضمن ال15 لأن تكون ضمن ال30 يوم الي لج من رصيد المستشفيات .. انشالله تكونين فهمتي علي
اما الوضع ماعندي معرفه كافيه فيه

 

[جنى الجنتين888]

Up up up

 

[نظره عقلانيه]

فراوله اهلي
يعني مرضيات المستشفى ماتنحسب بشرط تكون فوق 7 ايام؟
لازم مستشفى الحكومه
ولا عادي مستشفى خاص

 

[نظره عقلانيه]

فراوله اهلي
يعني مرضيات المستشفى ماتنحسب بشرط تكون فوق 7 ايام؟
لازم مستشفى الحكومه
ولا عادي مستشفى خاص

 

[mostshar]

رد : سؤال ضروري ضروري لقسم الاجازات,,,او اي وحده خبيره بالاجازات

حسب علمي اذا خاص 30 يوم براتب واذا مستوصف 15 يوم براتب

وحسب ما سمعناه في الفتره الحالية الخاص صار حاله حال المستوصف

15 يوم براتب و15 يوم بنصف راتب 15 يوم ربع راتب وبعدها بدون راتب .

في هذي الحاله المرضيات اللي تليها إجازة وضع تعتبر مرضيات مستثناه براتب على مادة 36

لازم تسوين كتاب (احاله للمجلس الطبي العام لسوء الحالة الصحية ) وقسم الإجازات عندكم يوجه كتاب إلى

المجلس الطبي العام ويتعبرونها اجازات مرضيه مستثناه ( براتب ) حتى تاريخ الوضع

وترجع لج المبالغ المخصومه من الراتب بسبب المرضيات​

 

[[[ عيون جابر ]]]

فراوله اهلي
يعني مرضيات المستشفى ماتنحسب بشرط تكون فوق 7 ايام؟
لازم مستشفى الحكومه
ولا عادي مستشفى خاص

مرضيات المستشفى الي فوق ال7 ايام ماتنحسب لج من ضمن ال15 يوم ملوتج لأ تصير برصيدج ال30 يوم من المستشفيات يعني ماعليهم خصم كللللللللللللللللش
والمستشف الخاص والحكومي بو يوم ويومين وثلاثه واربعه وخمسه كللللللهم ينحسبون ضمن ال15 يوم ملوتج
هذا الي ماشي بوزارتنا الحين والأكيد اخذيها مني
انشالله يكون شرحي واضح :hjy5jewf:

 

[خزامى]

حبيبتي الله يقومج بالسلامة أنا أول هالسنة كنت أمر بنفس ضروفج وقالوا لي شوون الموظفين ان مرضيات المستشفي صارت نفس المستوصف يعني 15 يوم وعقب يبلش الخصم وكتيت كتاب اطلب فيه عرضي على المجلس الطبي وأرفقت معاه تقريري الطبي وتوقع وتمت الموافقة عليه ورحت المجلس الطبي اللي عطوني موعد متأخر الله يهداهم فطول الفترة اللي كنت قاعدة انخصم مني بس من طلع قرار المجلس الطبي اني حالتي تستدعي الراحة ماقاموا يخصمون بس ماردوا لي اللي انخصم ((راحت علي)) فبسرعة طيري وكتبي كتاب بخط اليد وأرفقي معاه تقرير دكتورتج وخل توقعه مسوولتج وامشي بالاجراءات والله يعينج بس نصيحتي روحي باسرع وقت ترى مواعيدهم اشبعدها

 

[خزامى]

واي خدمة راسليني عالخاص لأن نوعي ما ارجع اشوف الموضوع بالسلامة

 

[ملاله كويتيه]

رد : سؤال ضروري ضروري لقسم الاجازات,,,او اي وحده خبيره بالاجازات

ماقصروا البنات بخصوص المرضيات
أما بالنسبه حق إجازة الوضع فمايصير تطلبينها بالطريقه لي قلتي عنها لأنه يحسبونها من يوم خروجج من المستشفى
والله يقومج بالسلامه