سؤال صغير : تشققات البطن تصير قبل أو بعد الولادة ؟

[دنيا أبوها]

السلام عليكم ....
شلونكم يا أحلى كويتيات ، آنا بجرية و دايما أفكر بهالسؤال : تشققات الجلد تصير للحامل قبل الولادة و إلا بعدها ، أو في نوعين للتشققات ، يعني بعضهم ما يطلعون إلا بعد الولادة ؟؟؟؟
و يعطيكم ألف ألف ألف عافية مقدما :eh_s(8):

 

[ام ساره 4]

التشققات تطلع بعد الولاده وخصوصا منطقة البطن وإذا بتحافظين استخدمي زيت اوكريم من الصيدليه عشان يمنع او يقلل من التشققات بعد الولاده

 

[iLLuMinaTion]

الاغلب بعد الولاده

بس في بعضهم قبل الولاده

 

[دنيا أبوها]

وااااي ما كنت متوقعة إنها بعد الولادة !!!!!!!!
الله يسهل على كل الحوامل و يعيننا ..
مشكورين خواتي أم سارة٤ ، إلومنيشن ....

 

[om MaRyooM]

قبل الولادة .. تكون حمرة
وبعد الولادة تتحول للون الاصفر

لوول خوش وصف

 

[anooma_86]

تطلع قبل الولاده و تزيد بعد الولاده

 

[زين ودلال]

قبل الولاده لان البطن قاعد يتمدد وحتى الجسم..عقب الولاده تبدي تخف

 

[تبطي عظم!]

ماعندي فكره لاني نفسج بجريه بس البنات ماقصرو

 

[مواصله]

اتوقع تبين اكثر بعد الولاده

 

[ScarletteO'Hara]

انا بلشت معاي قبل الولادة
و اختي بعد الولادة
كل وحدة و جسمها و بشرتها
انا بمجرد ما بلشت امتن طلعت لي على فخودي و بطني على نهاية الثامن
الله يستر بعد الولادة شنو بيصير

 

[نور الدنيا 88]

و الله مادري
بس انا بخلص السادس و ماكو شي للحين

بجرية مثلج

 

[بتبوتااا]

على حسب الجسم انا يطلع لي قبل الولاده وبعد الولاده تبين اكثر بس بعدين تصير شبه شفافه ..

 

[دنيا أبوها]

أمبيييييييييييه أمبيه بنات ، عن جد ما كنت أتوقع إنها تزيد بعد الولادة ، عسى الله يسهل علينا و يعيننا و يرزقنا الذرية الصالحة السليمة المعافاة الحسنة الخَلق و الخُلق ...... و يعيننا على إننا نرد مثل قبل الحمل و أحسن ....
خواتي الغاليات :
بتبوتااا
نور الدنيا
أم مريوم
مواصلة
تبطي عظم
زين ودلال
سكارليت
أنوما
يعطيكم العافية عالردود و ماقصرتوا يا الغاليات

 

[Winter Q8]

أنا بجر و بالثامن و طلع لي خطوط حمرا
يمكن لان اهملت بطني ما ادهن كل يوم
الحين من طلعوا قمت ادهن جود تخف

 

[دنيا أبوها]

ثانكس أختي winterq8
يارب تخف الخطوط اللي طلعت فيج ....