سؤال حول دكتورة معصومة مخصيد

[Dilly & Milly]

السلام عليكم بنات

الله يعافيكم عندي لي سؤال و الله يعافي كل وحدة بتفيدني
اي وحدة لها تجربة مع دكتورة معصومة سواء ايجابية او سلبية
و يا حبذا تكون تجربة ولادة .. يعني مو بس امراض نسا ...

بنات حبيباتي انا سمعت إن دكتورة معصومة بالفترة الاخيرة على شكاوي
من ناحية التوليد و في مشاكل قاعد تطلع و كلام سلبي عنها ...
مع انها غنية عن التعريف ..

فا يا ريت يا ريت كل وحدة تشاركني بتجربتها او باللي تعرفه او اللي سمعته
بأسرع وقت يا بنات :eh_s(7):
الحالة اللي عندنا ولادتها قريبة و متوترة من اللي تسمعه

بإنتظاركم يالغاليات

:eh_s(7):

 

[MiiMoo]

ما عندي معلومه يفيدونج الي مجربين

 

[حلا vip]

انا قرروا لي عمليه قيصريه فجأه المهم نزلت غرفة العمليات ماشفتها بعد ماطلعت قالو ان اللي سوت لي العمليه دكتوره معصومه وبصراحه ماشاءالله والحمدلله عمليتي حييييل زينه بعدين شفتها شحلات اسلوبها تهبل هذي بس تجربتي بس سمعت اخر شي في بنات يذمونها عاد ما ادري اذا صج ولا اشاعه

 

[أم عبود 2011]

بالنسبة لي مو مجربتها بس مثلج أعرف ناس يمدحونها وناس يذمونها احترنا والله

 

[al7reyaa]

السلام عليكم
اول شي انا اراجع عند معصومه من اكتوبر 2001 لي اليوم ولله الحمد انسانه عجيبه شاطره تبارك الرحمن روحي وانتي مرتاحه وحده اتعرف شغلها زين للعلم انا رايحتلها عقب ما اعفسوني بالمواساة والحكومه تبارك الرحمن اتعرف شغلها مع اني اعاني من من مشاكل بالحمل 9 اشهر كامله طلق مبكر من 5 او 7 لي الولاده واشياء غيرها

 

[sweeta77]

انا سمعت ان فتره ياتها وقفت ما كانت تولد بس الحين اسمع انها ردت تولد

 

[جوري الكويت]

اعرف ناس عالجوا عندها للحمل و يابوا عيال

بس ولاده ما ادري لأني ولادتي كانت قيصريه

 

[Talyan Rose]

والله انا كامراض نسا الوحيده الي عرفت الي فيني وايد شاطره كولاده مادحينها واايد
بس انا حاليا كنت اراجع عندها بس سكرتاريه الي بالعياااده زفت الزفت من مواعيد واخلاق حشاج
واخر مرة دقو عليي على اساس يذكروني بالموعد اخر شي يقولون لي الدكتورة مشغوله وفي دكتورة ضيفه من سوسيرا يايه عاد قلت يالله ادخل عندها لاني بس بسوي سونار
دقو علي قبل موعدي بيومين عشان يذكروني اني عندي موعد جان تقول عندك موعد عند دكتورة منى ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,و
أي منى ؟!!!!!!
منى من سويسرا مثلا ؟!!!!
عاد من هني قلت النصب بدا وكافي كل زياره تصك الفاتورة 200 ولا 150

بصراحه كدكتورة اهيا ممتازة بس كتعامل مو دوم على حسب المزاج واذا شفت حالتج سهله ما تهتم لج كثر الي حالتها صعبه مثلا الله لا يقول الي عندها اجهاض متكرر او اي مشكله ثانيه اتطنشج وتجابل الي عندها مشكله