سؤال : ترضين فيه كـ زوج ؟؟ شاركوني آرائكم !!

[انا لحبيبي .]

مو نفس الجنسيه مستحيل ارضى

كل واحد ياخد من توبه

 

[ام بوحنة]

مو من العايله عادي جدا ويكون افضل
بس نفس مستوانا ومن مواخذينا

الجنسية غير لا صعبة ما ابي عيالي يتعقدون

 

[femmi]

عادي اذا مو من العايله بس اهم شي معنا بالمنطقه

 

[ضماي هو وهناي]

الجنسيه كويتي والاصل معروف وسمعه طيبه له ولابوه ...
كويتي ليش .. لاني كويتيه وبنظر كل انسان غير كويتي عايش بالكويت ان الكويتي معزب بالتالي راح يحس ريلي بيوم ان فيني زود عنه ان ماكنت انا فغيري يحسسه حتى بدون قصد مني لو معامله دخول اليهال المدارس...
الاصل معروف عشان ماادور بتاريخ اهله يعني اعرف من اي اصل اصلهم
سمعته وسمعة ابوه ... الحب يطلع على بذره ... واخاف على نفسي وعلى العيال من القيل والقال ...
وان كان مثل الله يرحمه عمي راعي علوم طيبه ... عيالي جدا فخورين فيه واحس ثقتهم بالاعتماد على انفسهم تقوى اكثر كل ما انذكر جدهم رحمة الله عليه ... انا امهم كله اقول لهم .. عمي الله يرحمه لو يعصب على احد اول ما يشوف احد غريب او يشوفني وانا جنته يبتسم الله يرحمه .....
كل وحده تاخذ من جنسيتها احسن لها حتى لا هي ولا هو يحس بالتقصير

 

[حكستار]

مو نفس القبيله ممكن
مو نفس الجنسية لااااااااااااااااااااا.

 

[اميره1980]

الكويتي و بسسسسسسسسسسسسسس
ماني مستعدة على اي خلاف ياخذ عيالي و ينحاش ديرته
معاي بالدوام صارت وايد الام كويتية و الاب جنسية ثانية بس صار خلاف بينهم قوم يا الابو و طلع لهم جوازات و اخطفهم من المدارس و طير فيهم ديرتك بلا رجعه

 

[تآعِبنْ قَلْبِيْ]

لآ مآأقبل

 

[زوجة عزيز]

من نفس جنسيتي اكيد ارضى لكن من الاهل لا ماارضى لو شيصير

 

[EndlessLove]

عادي من قبيله ثانية
ولازم كويييتييييي غيره لآلآلآ

 

[حبيبته]

مو من قبيلتي عااادي اصلا مابيهم لووووول

ومو كويتي صعبه شوي لان هني عيال الكويتياات متلعوزين الصراحه

احس صج مظلومين وانا مابي عياالي ينظلمووون

انا عاادي اخذ موكويتي بس مو كل الجنسياات طبعا يعني

سعودي عااادي اهلنا واخوانا الباجي نووووو والسموحه منهم



ومشكوووررة ع الموضووووووع

 

[ملح و سكر]

انا برايي ماكو احسن من ولد ديرتها على قوله المثل مالج الا خشمح حتى لو عوج....

 

[الأميرة الحزينة]

انا متزوجه بس بجاوبج ..من غير قبيلتي عاادي بدوي حضري سني شيعي اللي يصير كلنا وااحد مافي فرق وكل الناس فيها البركه اهم شي اخلاقه وخوفه من الله وحرصه علي ...
بس غير كويتي لأ مو نقص بالجنسيات الثانيه ونعم فيهم بس مستحييييييييييييل اقدر اعيش بديرة غيير الكويت عسى الله يحفظها لنا ولا بعيد عن اهلي ..وما اتنازل لا عن جنسيتي ولا وظيفتي عشان احد..ودايما الواحد بديرته ياخذ حقوقه كامله ..وعيالي بعد ابيهم ياخذون حقوقهم كامله بديرتهم ويكونون كويتيين مو غير كويتيين ..

 

[حور بنت علي]

مسائكم ورد طبعا عادى أخذ واحد مو من قبيلتى بس مو كويتى مستحيل مو علشانى علشان اليهال حرام يتبهذلون

 

[أحلى شمريه]

الجنسية لا

القبيله والاصل على حسب الظروف

بس افضل من قبيلتي حلاة الثوب رقعته منه وفيه

 

[ام شووووق]

حلاة الثوب رقعته منه وفيه

بس الوحده ماتدري وين نصيبها

 

[Adorable]

متزوجه بس ما عندي مانع اخذ غير جنسيتي طالما وضعه المادي زين و يقدر يعيشني و يعيش عيالي بالطريقه الي انا عايشتها ليش لا اما اذا كان منتف عالمعاش اكيد لا ان كان غير كويتي او حتى كويتي

 

[زهره الجلنار]

مومن نفس القبيله او العايله اي عادي اخذ

بس موكويتي مستحييييل اكيد لا

 

[leeny]

غير عايلتي عادي بس الجنسيه كويتي او سعودي او قطري بس ليش مادري والله *

 

[ايمان 24]

<< اشجع المنتج الكويتي للتكاثر

 

[غمزه وإبتسامه]

القبيله عادي بس الجنسيه نوو الا اذا كان شيخ من شيووخ الخليج