سؤال : ترضين فيه كـ زوج ؟؟ شاركوني آرائكم !!

[بنت النفيعي]

السلام عليكم

آخباركم متزوجات وعزابيات ؟؟ ان شاء الله مناااح

قبل كم يوم قعدنا نتكلم عن الزواج من غير القبيلة او غير البلد

وكان في مؤيد ومعارض

بس شفت الاغلب اهم شي يكون من نفس القبيلة حتى لو مو نفس الجنسية :bbbiu:

وحبيت اطرح السؤال واشوف رايكم

سواء كنتي متزوجة او لا جاوبي

ترضين بالزواج من واحد مو من نفس قبيلتج او عايلتج ؟؟

ترضين بالزواج من واحد مو نفس جنسيتج ؟؟


وابي اجاباتكم وحياكم الله


:eh_s(7):

 

[آنا من دونك أندمر]

مو من نفس أصلي أو عايلتي اوكيك عادي..
بس مو كويتي ممكن باستثناء بعض الجناسي

 

[منار البربرية]

ذكرتيني بموضوع بس بقسم المناقشات الجادة عنوانها تتزوجين لبناني ؟؟
تلقين ردود البنات يعني قصدها كل شي نفسج كلام وعايش هني و و و بس جنسية غير ؟؟
انا عن نفسي افضل عيال ديرتي والله كريم

 

[amoona89]

ترضين بالزواج من واحد مو من نفس قبيلتج او عايلتج ؟؟
&&مومن نفس قبيلتي اي عآآدي ارضى ...
ترضين بالزواج من واحد مو نفس جنسيتج ؟؟
&&لاا ما ارضى

&&يسلمووو عالموضووع​

 

[aṕriliå]

لالالا مااوافقهم الرآي

مستحيل ارضى بغير الكويتي
الحين كل شي يمشي على الجنسية مو الاصل
وابي عيالي ان شاء الله يكونون نفس جنسيتي
واعيش حياتي بديرتي

مو نفس قبيلتي وكويتي : عادي مافيها شي
بس يكون من القبايل او العوائل المحببة لي ..

 

[حلوه ولمآحه]

مادري،،
بس اناقبيله زوجي من نفس قبيلتي بس مو نفس جنسيتي

 

[سحابة طيف]

نفس الجنسية اما القبيلة عادي

 

[عالم البزنس]

السؤال الاول ترضين تتزوجين واحد مو نفس قبيلتج؟
اي عادي <<< مو بدويه
السؤال الثاني ترضين تتزوجين واحد مو كويتي؟
-لا طبعا لاني موظفه مابي اخسر وظيفتي وانا احب اصرف على نفسي وادلع نفسي بمعاشي ماحب اخذ مصروفي من احد.
-وثاني شي مابي اعيش بعيد عن اهلي.
- ابي عيالي يتجنسون عالجنسيه الكويتيه عشان تتوفر لهم العيشه الكريمه.
- ماقدر اعيش بعيد عن ديرتي وتراب ديرتي.
- حقوقي محفوظه بديرتي من كل النواحي وماراح ارضى ابديل.


تقبلي ودي

 

[رذآذ آلمطر]

نفس الجنسية ونفس القبيله

 

[مس ^_^ تكانه]

مو من قبيلتي عااادي مافيهااا شي

مو نفس جنسيتي لا ماارضىىى دهنا بمكبتنااا

 

[أتراب]

مو من نفس قبليتي
عادي
مو نفس الجنسيه
لا ما ارضي
​

 

[G!RLooNa]

انا حضريه ف ماعندنا سوالف قبايل لكن من غير عايلتي عادي اصلا ماحب زواج الاهل

بس من جنسيه ثانيه لا ما ارضى و مابي عيالي يكونون غير كويتيين

 

[كرز مرر]

حلات الثوب رقعته منه وفيه

 

[pinkcandy]

حلات الثوب رقعته منه وفيه

وياج

 

[alzeen- almuteri]

انا بدويه
وعادي ناخذ مو نفس القبيله وهم ناخذ حضري عاادي

بس اهم شي يكون كويتي
لاني احب عيال ديرتي واحب قوانين ديرتي
وابي عيالي وزجي نفسي​

 

[يارب ترحمنا اذا]

امممم موضوع حلو
وانا من رايي ماخذ الا كويتي
والقبيله عادي مدري ليش التعقيد اللي ماياخذ االا من اصله
التوفيق من الله سبحانه. وشكرا

 

[Beauty is Me]

امممممم انا مو بدويه ما عندنا سالفه القبايل بس من عايلتي لا وع مو كفو روح بعيد ورد سالم
وطبعا لازم كويتي وشكرااااااااااااااا

 

[خـورآفيــه]

المفروض سؤالج أهلج يرضون ولآ لأ ؟!!
من غير موآفقتهم صعبه حتى لو إنتي موآفقه
‏<‏<< متعقده

بس عن نفسي مو من نفس القبيله إي اوآفق بس على قولة وحده قبلي يكون من القبائل المحببه لي
بس مو نفس الجنسيه لآ صراحه مو حلوه يعني أقلها افكر بعيآلي ... !

 

[بنت اوسكو]

مو نفس قبيلتي وكويتي : عادي مافيها شي​

 

[عسل سل]

حسب الشخص ...وحسب اذا نحب بعض او لا


عاد تصدقين انا احب التغيير واحب البعااد ماحب من العاايله