سؤال بخصوص غسيل العبي

[hanham]

السلام عليكم شلونكم بنات؟

خواتي انا العبي ملوتي كلهم خام الصالونة وغالين بس ما اعرف شلون اغسلهم وبصراحة انا وحدة وسواسية يعني بس ارجع من الدوام لازم اغسل العباة
المشكلة اني بالأول كنت اغسلهم بالغسالة مع صابون برسيل مال العبي بس لاحظت الخام يتعب من الغسالة والخيوط تبتدي تنسل وتتفلل مع اني كنت احطهم على أقل سرعة وما استعمل النشافة حقهم

المهم بديت اسبحهم بس بالمال انقعهم مع ماي شوية صابون وبعدين أشرهم عشان ينشفون على راحتهم بس ما ادري هل هالطريقة صح ولا غلط حق العبي؟؟

وعندي مشكلة ثانية في ضراب الأوتي ان دايما طرف العباة من تحت يصير مقوس لفوق يعني الطرفين ما يطبقون على بعض مع اني اغط عليهم حيل بالأوتي وقاعدة استعملهم اوتي ثقيل مو خفيف بس ما كو فايدة فأضطر اوديهم المصبغة

فجانزين اللي عندها خبرة بغسيل العبي وضراب الأوتي لهم تفيدني بهالموضوع

وجازاكم الله خير

 

[ابلة رسم كتكوته]

في شامبو مخصوص حق العبي
بيرسيل وانواع وايد
والغسيل يكون بالايد وتشرينها معلقه بعلاق
واستخدمي اوتي البخار احسن

 

[شيــوخه]

في شامبو مخصوص بلعبايات واذا ماتعرفين للعبايات او خايفه انهم يختربون وديهم المصبغه
واله يعينج وان شاء الله البنات يفيدونج

 

[مسك]

انا اوديهم المصبغه بصراحه غالين واخاف يكشون او يخترب الشغل الي فيهم

بس الي اعرفه انج تسبعينهم بماي ما يكون حار مع صابون خاص للعبي موجود بالجمعيه

وتشرينهم بعلاق ينشون بروحهم

وكويها بأوتي الابخار احسن شي

 

[ايام العمر]

العباية بالغسالة تخرب فما بالك انتي يومياً

طريقتي من زمان انقعها بماي وشامبوا للعبايات لونه وردي وعليه صورة محجبة ( لي عودة بإسمه ) لمدة 10 دقائق

اشطفها بعد على ايدي وبعدين ثواني معدودة بالنشافة عشان ماتتكرمش وتتكسر اوك وعلى طول اعلقها ولا احتاج كوي لأن القماش

ماشاء الله لا قوة الا بالله يساعد ..


ان شاء الله استفدتي ..

 

[hanham]

مشكورين خواتي ما قصرتوا

خواتي انا اوديهم المصبغة بس مو دايما المصبغة تخلص العباة بالوقت اللي تبينه يعني الأسبوع الل فات خليت السايق يودي العبي تقريبا 8 عبايات وخليتلي عباتين في البيت وظليت اسبوع كامل على ما اخذت العبي من المصبغة عشان جذيه ما ودي اعتمد على المصبغة بشكل تام ومثل ما انا قلت العبي غالية وشغلها متعووب عليه لكن ودي بطريقة لغسيبها بالبيت اضمن وقت ما احتاجهم القاهم مو دايما اعتمد على المصبغة خصوصا اذا في طريقة لغسيلهم في البيت

وانا عندي اوتي البخار بس ما كنت اظن اني اقدر استخدمه للعبي خصوصا ان خامها صالونة وثقيل

واستعمل لغسالهم برسيل الخاص بالعبي:d

 

[hanham]

up
up
up

 

[مجوهرات]

غسليهم بماي دافي و صابون خاص بالعبي

 

[hanham]

مشكورة اختي مجوهرات:eh_s(6):

 

[~Luxury]

انا عن نفسي اوديهم المغسله دايم


بس احيانا اذا ماكو وقت اخلي الخدامه تغسلهم بيدها وماتفركهم حيل

بعدين تعلقهم بالعلاق لين ينشفون ويكون بالمقلوب

وبعدين تكويهم بالبخار

 

[am_kshaa]

اانا اغلب العبى خامت بوكنان واغسلهم بالغساله على اقل درجه ونص ساعه بس ووالنشافه خفيف واعلقهم احسن
والكواي البخار احسن شى
او انى اكويهم بالمقلوب علشان مايطبع الاوتى

 

[Fanar90]

العبايه ماتنغسل بالغسالة تتعب ماتتحمل ...حطي ماي بارد وفيه شامبو مخصوص للعبايه نقعيها شوي وبعدين حطي ماي غيره مع شامبو وغسليها بالايد وعصريها وعلقيها بعلاق الملابس لين تنشف ...انا موكل يوم اغسلها بس لازم كل يوم اغسل اطرافها ...اذا غسلتيها بالغساله تطلع خيوطها وبعد ماتنشف يصيير شكلها جنها عتيجه ومكروفه ...وديري بالج شامبو العبايه يحافظ على لونها مايخليها مجولحه