سؤال بخصوص (سلة الصمون) اللي قدمونها مع الزبده .. اللي بالمطاعم (صور)

[شمــ{جابر}ــوخ]

السلام عليكم حبايبي ​

أنا بخاطري أتعلم طريقة الصمون اللي يقدمونه بسلع مع الزبده .. اللي بالمطاعم ​

يعني كل صمونه العجينه خالطين معاها كذا شغله وكل وحده غير عن اثانيه .. ولذيييييييييييذ ​

تعرفون المكونات ؟!
أبي تشكيله مختلفه من حشوة العجين >>> الحشوه تنخلط مع العجين .. (يارب فهمتوني) :eh_s(2):​

شوفوا الصور حدهااااااا تشوق :ggdw:
​

​

​

ومشكووووووووووورين حبايبي ​

 

[جارة القمر]

تفضلي طلبك
http://www.q8yat.com/t914659.html

http://www.q8yat.com/t804171.html



http://www.q8yat.com/t893575.html





ساندويشات ومعجنات

صمون بالحليب

هالوصفه تعطي صمون طري .. اخذتها من الانترنت لاريام 200 .. سويتها بخليط طيحن اسمر وابيض لانها افيد اذا كان عندكم نوع الطحين القاسي او طحين الخبز بيكون افضل لهالوصفه عشان يكون طعمه خبز ومافيه فراغات هوا وايد مثل الصوره

البيضه اذا صغيره استخدمو 2 .. وممكن تبدلون كميه الماي بحليب… ومثل ما اقولكم دايما كميه السائل والطحين تعتمد على الجو ودرجه حراره المطبخ فضبطو الكميات على حسب احتياجكم .. انا ضفت قفشتين كبار بذر حب شمسي اذا ما تحبونه الغوه


المقادير:

اربع ونص كوب طحين مخلوط اسمر وابيض

كوب حليب

نص كوب ماي

ربع كوب زبده

م ك خميره فوريه

2 م ك سكر

2 م ص ملح

بيضه كبيره

قفشتين كبار بذر حب شمسي

الطريقه :

نذوب الزبده مع الماي والحليب اول ما يكون دافي نطفي عليه

نسوي الاسفنجه عن طريق خلط كوب وثلاث ارباع طحين مع الخميره والشكر وخليط الحليب والزبده ونتركه 10 دقايق وبعدين نضيف نص كوب من الطحين بالتدريج ونعجن وكل ما عجنا اكثر كل ما كان احسن … نتركها تخمر بطاسه مدهونه لين يتضاعف حجمها

نقطعها ونشكلها حسب الرغبه ونرد نخمرها ربع ساعه بعد ما نغطيها بفوطه.. بهالاثناء نسخن الفرن على حراره 200

اذا كنتو تبون شكل الصمون العادي .. نفردها بشكل دائري وتالي نلفها على بعض ونسكر الاجناب … اذا كنتو تبون شكل الكرواسون بعد ما نفردها بشكل دائري نقطعها على هئيه مثلث وبعدين نشكلها … والدائريه مجرد كوروها

نمسح ويها ببيضه مخلوطه بحليب ونرشها بسمسم او بطحين وندخلها الفرن 10 دقايق او ربع ساعه لين تتحمر وتستوي وبعد ما نطلعها نرد نغطيها بفوطه شوي عشان تكون اطرى واحشوها واكلوها بالف عافيه

منقوووووووووووووووول​

 

[جارة القمر]

الخبز الايرلندي الاسمر بالحبوب

هالوصفه اخذتها من مجله cookinglight

بتشوفون هالخبز جدا سريع لان ما فيه تخمير ولا يحتاج عجانه مجرد خلط المكونات السائله مع الجافه وندخله الفرن وخلاص.بالضبط جنه قاعدين نسوي كيك او مفن .. بس ننتبه ما نخلط المزيج بكثر مجرد 5 لفات كفايه المهم انها تتمازج

ممكن تشرحونها مثل التوست وتحشونها او تحمصونها وتاكلونها مثل الشابوره وبكل الطرق حلوة.. عن نفسي حبيتها مع الشوربه لان التوسته نفسها غنيه فما احتجت احشيها شي

هالخبز جدا مفيد لانه يحتوي على جنين القمح والشوفان والطحين الاسمر والحبوب .. الكميه حق قالب واحد .. السعرات الحراريه بالشريحه 160 كالوري بالقالب اذا شرحت 12 شريحه

​

المقادير :

كوبين ونص قمح اسمر كامل

نص كوب طحين متعدد الاستخدامات

نص كوب شوفان

قفشتين كبار سكر اسمر

قفشه كبيره جنين القمح

ربع كوب بذور مشكله غير محمصه ( بذر قرع وحب شمسي وسمسم وكتان الخ ) متوفره بكل المطاحن وتقدرون تاخذونها من ارض الطبيعه بعد واذا ما عندكم مو ضروري لان هالاضافه انا زدتها من عندي

قفشه صغيره بيكنغ بودر

قفشه صغيره بيكربونات الصوديوم

نص قفشه صغيره ملح

كوبين لبن قليل الدسم ( المراعي او نادك او اللبن الخاثر من كي دي دي ) وخرو عن الشراب لان كله ماي وملح

بيضه كبيره او بيضتين صغار

الطريقه :

نغطي القالب بورق زبده ونرشه بشبراي … نسخن الفرن على 170-180

نخلط المقادير الجافه مع البذور مع بعض ونخلط البيض مع الحليب مع بعض بروحهم

نصب السوائل فوق الطحين ونخلطهم مجرد ما يتمازجون نوقف ونصبهم بالقالب ونرش الويه بالشوفان او اي شي تحبونه وندخله الفرن لين يستوي ( طريقته نفس الكيك ندخل عود خشب بالنص واذا طلع ناشف معناه استوى ) بالوصفه يقعد تقريبا من 50 دقيقه لي ساعه

يشرح بعد ما يبرد عشان لا يتفتفت وعليكم بالعافيه

منقوووووووووووول​

 

[جارة القمر]

ضفاير الفلفل الاحمر والزعتر

​

اساس هالوصفه من منال العالم وباجي الاضافات من عندي… اليديد فيها وخلاني اجربها استخدام الزبده والبيض وطلعت فعلا هشه بس نصيحتي اكلوها بنفس اليوم لانها تنشف ثاني يوم… ممكن تحشونها جبن ابيض قبل لا تضفرونها او تسونها صمون وتحشونها بالللي تبون

الصوره مو مبينه .. بس لونها احمر فاتح يشوق وممكن تضيفون بابيركا بالمقادير لتعزيز الون … الفلفل امشوي اخذته من مركز سلطان واذا مالكم خلق تتعنون تقدرون تشوون الفلفل على النار وبعدين حطوه بجيس شويه وقشروه بتشوفون الفلفل يتقشر بسهوله

ملحوظه جدا مهمه : كميه الطحين من مكان الى الثاني تختلف حسب حراره المطبخ وحراره السائل ونوع الطحين نفسه …زيدو طحين اذا شفتوها وايد لينه وغير متماسكه وزيدوها حليب اذا شفتوها وايد ناشفه

المقادير: عطتني 6 حبات من الحجم المتوسط

كوبين ونص طحين وانا خلطت بين نوعين اسمر وابيض

قفشتين كبار فليفله حمره مشويه ومقطعه صغار

قفشه كبيره سمسم محمص

قفشه كبيره زعتر اخضر طويل مجفف او فرش

ربع قفشه صغيره بيكنغ بودر

قفشه صغيره خميره فوريه

قفشه صغيره عسل .. اعتقد اني حطيت قفشه ونص

بيضه

ثلاث ارباع كوب حليب

ثلاث قفاش كبار زبده.. القفشه الكبيره 13 غ

ثلاث ارباع قفشه صغيره ملح

رشه فلفل اسود

الطريقه :

نخلط المكونات الجافه مع بعض… الطحين والخميره والملح والبيكنغ بودر والفلفل الاحمر والزعتر المجفف والسمسم والفلفل الاسود

نذوب الزبده مع الحليب على النار ونخلط معاها العسل ونخطلها مع المكونات الجافه .. نتاكد انها دافيه مو حاره عشان لا تقتل الخميره وبعدين نضيف البيض

نعجنها بالايد او العجانه لمده لا تقل عن 10 دقايق ونتركها تتخمر بمكان مدهون حتى يتضاعف حجمها

بعدين نشكلهاعلى هيئه خيوط وما نخليها ضعيفه.. نلزق بدايه ال3 مع بعض ونعجفها عادي نتركها ترتاح شوب واذا تحبون دهنو ويها بالبيض عشان تحمر انا كان عاجبني شكلها وما دهنتها بولا شي

تاخذ تقريبا ربع ساعه على حراره 180 .. ريحتها تينن وتمتعو فيها ساخنه وبالف عافيه

 

[جارة القمر]

خطوة بخطوه : معجنات البرغر

رح انزل خطوات معجنات البرغر .. الصور مو واضحه لانها من موبايلي بس اتوقع الفكره واضحه. :>

ومثل ما قلت لكم استخدمو ربع كرافت سلايس السميكه طعمها بيكون احلى .. هالمره انا ضفت لها حمسه مشرم طريقتها بعد ما شويت البرغر حمست المشروم بالزيت اللي نزل من اللحم وضفت له ملح وفلفل اسود

االمقادير والشكل النهائي

المواد الجافه بالعجين... طبعا تقدرون تضيفون لها اي شي ثاني تحبونه مثل البابريكا.. نخاله.. شوفان ... طماط مجفف ... شبنت ...بذور حب شمسي او حب قرع الخ ... ونضيف لها المكونات السائله ونخليها تخمر لين يتضاعف حجمها

بعد ما خمرت نقطعها على هيئه كور ونخليها ترتاح شوي تقدرون تغطونها اذا تحبون على مانشوي البرغر ونخليه يبرد ..

نفرد العجينه

نضيف المكونات.. البرغر المشوي وشوي من صلصه مايوتشيب

نحط شريحه جبن او 2 اذا تحبون.. بس وحده اتوقع كفايه

واخيرا وليس اخرا المشروم ... وبعدها نطبقها على هيئه كره ونمسح ويها بالبيض المخلوط بالفلفل الاسود والماي ونرش عليها سمسم وندخلها الفرن لين تستوي وبالف عافيه



منقووووووووووووول

 

[جارة القمر]

خبز صغير بالحليب

المقآآدير:

300جم طحين

ملعقه صغيره ملح

ملعقتين كبآر سكر

ملعقه كبيره من الخميره الفوريه

130ملل حليب دآفئ

60 جم زبده مذآآبه

حبة بيض

طحين إضآفي

لدهن الخبز:
صفآر بيضه مع ملعقة حليب وملعقة سكر

الطريقه:

1.ينخل الدقيق ويضآآف السكر والزبده ثم يخلطو جيدآ..

2.تضآف الخميره..

3.تخلط البيضه مع الحليب وتضآف تديجيآ إلى الطحين مع العجن ونوآصل العجن من 10 إلى 15 دقيقة..

4.تقسم العجينه كرآآت صغيره ثم تشكل لى شكل أسطوآني..

5.توضع في صنيه مدهونه ومرشوشه بالطحين..

6.تترك لتخمر حتى يتضآآعف حجمهآ..

7.يدهن وجههآ بصفآآر البيض المخلوط بالحليب والسكر.

8.بوآآسطة سكين حآد يرسم فوق كل حبه خطوط حسب الذوق..

9. توضع في فرن سآخن درجة حرآرته 200 درجه مئويه لمدة 15 إلى 20 دقيقه من تحت ثم تحمر من فوق
إلى أن تكتسب لونآ ذهبيآ جميلآ.

العجينة اللي استخدمتها عجينة العشر دقايق ,,,,​

فطائر باشكال جديده وشهيه:

العجينة اللي استخدمتها عجينة العشر دقايق ,,,,​

المقادير:​

فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق.​

الطريقه:​

تخلط هذه المقادير مع بعض وتترك لمدة 10 دقائق ​

بعدالعشر دقائق يضاف لها​

3 كاسات دقيق /نصف كاس زيت.​

وتعجن جيدا وتستخدم حسب الشكل المرغوب​

هذي العجينة فبل التخمير ​

​

بعد التخمير​

​

بسم الله نبدأ​

الشكل الاول ​

مقادير الحشوه​

7​

2 بطاطس متوسطة مسلوقة و مهروسة ناعمة​

1 بصله متوسطة مفروم

1 فلفل رومي متوسط مقطع قطع صغيرة

2 طماطم متوسطة مفرومة في آله البصل
ملعقة سماق
ملح ، فلفل,باربيكو
7
الطريقة
7
نضع البصل و الفلفل الرومي على النار مع قليل من الزيت حتى يذبل ثم نضع الطماطم ونتركة حتى ( يتسبك )
نضع عليه السماق و الملح والفلفل والباربيكو و نتركة لمدة دقيقة ثم نرفعة من النار
نضع عليه البطاطس المهروسة و نحركة بالملعقة حتى تندمج المقادير مع بعضها
7
هذه الحشوه
7​

​

تفرد العجينة وتقطع مستطيلات ​

​

نضع الحشوة في الطرف ​

​

نعمل شقوق بفرامة البقدونس او بالسكين​

​

ثم نلف​

​

تدهن بيض مخلوط مع حليب ​

​

وترش بالسمسم او حبة البركة​

​

​

وممكن نلصق الطرفين ببعض ​

​

​

الشكل الثاني ​

مقادير الحشوة ​

7

تسلق نصف دجاجة وتفتت ثم تحمس مع بصل وملعقة زيت ثم البهارات فلفل اسود/كاري/ملح

وتبشر عليها جزرة
الخضار( فاصوليا /بازيلا/ذرة)​

هذة الحشوة​

​

الطريقة​

تفرد العجينة وتقطع دوائر وتحشى​

 

[جارة القمر]

نضع فوق الحشوة دائرة ثانية

وتشكل باليد بهذي الطريقة

تمسح ببيض وترش جهتين سمسم وجهتين حبة البركة

الشكل الثالث


وردة الجوري













الحشوة





جبن كيري يقطع مربعات







تقطع دوائر






ثم

ثم نضع الجبن وتلف جزء من الورق

ثم

ثم

الشكل الرابع












الحشوة





زعتر /وزيت زيتون






تفرد العجينة وتقطع بقالب قلب

وتوزع الحشوة

وهذي الفطائر بصورة عامة




ماشاء الله

​

منقوووووووووووووووول

 

[جارة القمر]

الـتـوسـت والـصـمـون بـأنـواعـه روعة والله وكأنه جــاهز ..
جربو يابنات هالطريقة سهلة والنتيجة مذهلة والله مثل الجاهز وريحة التوست والصمون وااااو كأنج بمخبز ، والاحلى المدح اللي راح يجيلك من الكل ..

المقادير :
الابيض:
6 ك طحين خبز
1/2 ك زبدة لينة
1 1\2 م ك خميرة
1\3 ك سكر ناعم
2بيضة مضروبة بالشوكة على الخفيف + م ص خل ابيض
م ش ملح
ماء دافئ للعجن

الاسمر:
3 ك طحين خبز اسمر
3 ك طحين خبز ابيض
1 ك زبدة لينة
4 م ك خميرة
1\3 ك سكر ناعم
2بيضة مضروبة بالشوكة على الخفيف + م ص خل ابيض
2-3 م ك كاكاو بودرة
2 م ك نسكافيه مذوب بـ 1\4 ك ماء
م ش ملح
ماء دافئ للعجن

للتغطية:
2 بياض بيض مخلوط مع ماء وم م خل ابيض "م م تعني ملعقة متوسطة"
حبوب "سمسم ، حبة البركة ، بوبي سيد أو جنين القمح "

وهذي صورة الطحين الابيض اللي استخدمته ، الاسمر سبق وحطيت صورته ..

ملاحظة : وقت تخمير العجينة من الطحين الاسمر ضعف وقت تخمير العجينة من الطحين الابيض ..

الطريقة لعمل العجينتين :
اولا نذوب الخميرة في كوب ماء دافئ مع م ك سكر حتى تفور لمدة 10 دقايق تقريبا "حتى نتأكد من صلاحيتها"..
ثم نضع الخميرة في ونضيف عليها ملعقة اخرى سكر و 2 ك دقيق و ك ماء دافئ ونحرك حتى يصبح لدينا عجينة رخوة جدا ، نغطيها ونتركها تتخمر لمدة ثلاث إلى اربع ساعات ..

اسفنجة العجين الابيض ..

اسفنجة العجين الاسمر اتركيها تتخمر لمدة اربع إلى ست ساعات ..

بوعاء العجانة نضيف الاسفنجة مع باقي المقادير ماعدا الطحين بالتدريج ونشغل العجانة حتى تتشكل لدينا عجينة طرية وشوي تلتصق باليد ، ثم نتركها لمدة 10 دقايق على السرعة المتوسطة ..

عمل العجينة بالطحين الابيض ..

 

[جارة القمر]

عمل العجينة بالطحين الاسمر ..

نضع العجينة بالطحين الابيض بوعاء مدهون شوية زيت ونغطيه ونخليه يتخمر مدة ساعة بمكان دافىء ،اما العجينة بالطحين الاسمر تحتاج اكثر من ساعتين تخمير ، انا اخليها اربع ساعات ..

ثم نخرجها من الوعاء ونضغط عليها براحة اليد لنخرج منها الهواء ونتركها ترتاح لمدة 10 دقايق قبل البدأ بالعمل بها ..

العجينة بالطحين الابيض ..

العجينة بالطحين الاسمر ..

لـعـمـل الـتـوسـت ..

نفرد العجينة مستطيل بحجم يناسب القالب ثم نلف العجينة على شكل اسطوانة ثم نضعها في قالب مدهون "انا استخدم بخاخ الزيت" ، نضغط عليه حتى تتوزع العجينة بالقالب كله ..

وبالنسبة للتوست الحلزوني "فكرة جديدة" ..

نفرد العجينة البيضاء لمستطيل والعجينة السمراء كذلك ثم نضعهم فوق بعض مع دهن وجه العجينة الاولى بشوية ماء حتى تلتصق ونفردهم بحجم يناسب القالب ثم نلف العجينة على شكل اسطوانة ثم نضعها في قالب مدهون "انا استخدم بخاخ الزيت" ، نضغط عليه حتى تتوزع العجينة بالقالب كله ونخليه يتخمر لمدة 11\2 - 2 ساعة ..

 

[جارة القمر]

لـعـمـل الـصـمـون ..

نفرد العجينة نشكل مستطيل ثم نقطعها بالتساوي إلى مستطيلات صغير "الحجم اللي يناسبج" ثم نلف كل مستطيل إلى اسطوانة صغيرة مع قرص العجين حتى لا ينفك عند الخبز " أو نشكلها على شكل دوائر لتكون صمون برجر " ، ضعي الصمون بصينية مدهونة للتخمير النهائي ..

وهذا الاسمر ومدة التخمير ضعف المدة للعجينة البيضاء "يعني لعمل الاسفنجة نخلي الخميرة 5-6 ساعات والتخمير الاولي 4 ساعات والثاني ساعتين والاخير ساعتين الى ثلاث ساعات " ..

نترك الصمون والتوست يتخمر تخمير نهائي لمدة ساعة مع وضع كوب ماء ساخن ليصدر بخار ليساعد على عملية التخمير النهائي "وهذي نصيحة اخرى من نصايح الغالية دردشة ، ربي يقومها بالسلامة " ..

هذا التوست بعد التخمير ..

ندهن العجينة بخليط "بياض البيض والماء" وممكن نرش الحبوب المفضلة ..

 

[جارة القمر]

نرش الفرن بشوية ماء عدة مرات لتكوين بخار ..

ندخل التوست في الفرن على درجة حرارة 190 لمدة عشرين دقيقة ..

ثم نفتح الفرن نلف القالب للجهة الاخرى حتى تتوزع الحرارة ونتركها لمدة 15 إلى 20 دقيقة اخرى ولكن نخفض الحرارة إلى 175 ..

اضغطي هنا لمشاهدة الصورة بحجمها الأصلي

ندخل خبز الصمون في الفرن على درجة حرارة 190 لمدة 15 دقيقة ثم نخفض الحرارة إلى 175 وندور الصينية لمدة 10-15 دقيقة ..

بعد مانخرج الصواني من الفرن نغطيها على طول حتى ترطب شوي "10 دقايق تقريبا" ..







خلي التوست يبرد شوي ثم قطعيه شرايح ، ودايما غطيه حتى لا ينشف ..

وهذا الشكل النهائي للمعجنات ..

وهذا الصمون بعد الحشو " حشيته شرايح جبن رومي وخس وطماطم " ..

هذا الصمون من داخل ، لاحظوا شلون اسفنجي وطــــري جدا جدا ..

وهذا التوست من داخل ، لاحظوا شلون اسفنجي وطــــري جدا جدا ..

واتمنى انه يعجبكم يالغلا ، وبالعافية على قلوبكم ..



منقوووووووووووووووووول

 

[شمــ{جابر}ــوخ]

مشكوووووووووووووووووووووووووووره ياجاره والله انج مشرفه تستاهلين كل خير وماتقصرين الله لا يقصر بعمرج

والله عز الطلب .. :eh_s(9):

جزاج الله خير يالغاليه :eh_s(22):​

 

[ام الدرر]

ماقصرت جارة القمر
اضافة
انا جربت طحين المطاحن للمعجنات اللي نزلوه برمضان للفطاير حسيته ناشف وينفع للصمون
وفعلا عجنته بنفس الطريقة اللي مذكورة عالكيس
وبعد ما تختمر كورتها بحجم كرة البيسبول
فرمت بصلة -شبنت - كزبر
فردتها الكرة دائرة صغيرة ونثرت بصل والخضرة ورجعت كورتها الى ان يختلط البصل مع العجين
وخليتها تخمر ربع الى نص ساعة
وعقب بالفرن
عجبت عيالي وزوجي
وكنا نفطر فيها برمضان مع الشوربة​

 

[شمــ{جابر}ــوخ]

ام الدرر فديييييييج مشكوووووووووره ياقلبي

وعلى طاري الصمون اللي مع شبنت .. مره بواحد من المطاعم كانو تارسين العجين مال الصمون شبنت وصايره خضرااااااا يابها حاااااااره .. وحدها تينن ولذيييييييييييييذه مع الزبده

فديتج ماقصرتي

 

[جارة القمر]

مشكوووووووووووووووووووووووووووره ياجاره والله انج مشرفه تستاهلين كل خير وماتقصرين الله لا يقصر بعمرج​

والله عز الطلب .. :eh_s(9):​

جزاج الله خير يالغاليه :eh_s(22):​

تستاهليييييييييييييييييييييين الطيب حبيبتي



ومشكووووووووووووووووره وبالعافييييييييييييييييييييييية:eh_s(9):

 

[جارة القمر]

ماقصرت جارة القمر

اضافة
انا جربت طحين المطاحن للمعجنات اللي نزلوه برمضان للفطاير حسيته ناشف وينفع للصمون
وفعلا عجنته بنفس الطريقة اللي مذكورة عالكيس
وبعد ما تختمر كورتها بحجم كرة البيسبول
فرمت بصلة -شبنت - كزبر
فردتها الكرة دائرة صغيرة ونثرت بصل والخضرة ورجعت كورتها الى ان يختلط البصل مع العجين
وخليتها تخمر ربع الى نص ساعة
وعقب بالفرن
عجبت عيالي وزوجي

وكنا نفطر فيها برمضان مع الشوربة​

حبيبتي





وتسلمييييييييييييييييييييييييين






تسلم ايدج حبيبتي امبين لذيذه