سؤال بخصوص دكاتره الجراحه بالاميري

[bnt_kwt]

السلام عليكم
اشلونكم بنات وشخباركم

بغيت اسأل لكم منو يسوي عمليه التكميم بالاميري غير الدكتور خالد العنزي ضروري
لانه الدكتور خالد ما يسوي حق الاوزان اللي اقل من 100 حتى بعيادته الخاصه

في دكتور سمعت عنه اسمه احمد مراد ياريت اللي تعرفه او سامعه عنه تقول
وتفيدني لانه رفيجتي ناويه تسوي وميزانيتها ما تسمح لها بالخاص
وفي وحده دازتها على هالدكتور اللي اسمه احمد مراد وانا ما شجعتها لانه بصراحه ماله حس
مثل الدكتور خالد العنزي ماشاء الله عليه يعني هذي عمليه احس الوحده ما تجازف بعمرها عند اي دكتور ولا اشرايكم ؟؟؟

انطر ردودكم

 

[love^angel]

حبيبتي انا مسويه عند خالد العنزي بالخاص ووزني ٩٣ بس حسب الطول اذا كانت كتلتها فوق ال٣٥ وعندها سكر او ضغط او عوار بالمفاصل يسويها لها
انتي شلونج الحين عقب التكميم ياليت تحطين لنا تجربتج انا كنت وايد متأثره فيج لني سويت العمليه عشان احمل عسى الله يرزقج و يرزقني بالتوائم المتعافيه و يعوضنا السنين الي طافو

 

[3emya_Berry]

خالد العنزي عجي ودكتور سلمان الصباح هم يسوي وباشراف من الدكتور خالد كنت بسوي شد بطني عنده بس مواعيده بعيده ورحت خاص

 

[bnt_kwt]

حبيبتي انا مسويه عند خالد العنزي بالخاص ووزني ٩٣ بس حسب الطول اذا كانت كتلتها فوق ال٣٥ وعندها سكر او ضغط او عوار بالمفاصل يسويها لها
انتي شلونج الحين عقب التكميم ياليت تحطين لنا تجربتج انا كنت وايد متأثره فيج لني سويت العمليه عشان احمل عسى الله يرزقج و يرزقني بالتوائم المتعافيه و يعوضنا السنين الي طافو

حبيبتي مشكوره عالرد
اهي راحت له عيادته بالاميري قالها كتلها مو عاليه وزنها بالثمانينات ومو قادره اتنزل وزنها
قالت له اييك العياده قالها لا ورشح لها دكاتره يسوونها لها وكلهم خوش دكاتره بس اشكره قالها
انه العنزي والسميط وبستكي ما يسوون الا للاوزان الثقيله والكتل العاليه
والوزان اللي مو عاليه حيل بس فيهم حالات مرضيه مثل ضغط وسكر وغيره


وبالنسبه لي ولله الحمد والمنه صرت انسانه ثانيه رشيقه كلي ثقه بنفسي حابه شكلي اليديد وستايلي ولبسي وحركتي وكل شي

والحين قطعت المانع من هالشهر لاني تاريخ 4/10 اكمل سنه من سويت العمليه
وبحاول بالحمل يمكن عقب الضعف احمل طبيعي من غير عمليات وعلاج

والله يرزقج ويرزقني يارب ويرزق كل محرومه

 

[bnt_kwt]

خالد العنزي عجي ودكتور سلمان الصباح هم يسوي وباشراف من الدكتور خالد كنت بسوي شد بطني عنده بس مواعيده بعيده ورحت خاص

ادري الدكتور خالد دكتوري يهبل شويه عليه
دكتور ثقه تروحين له وانتي واثقه انه دكتور فاهم

 

[تيناا]

انا عمليتي قريب عند الدكتور احمد المراد ، اعتقد ماله حس لانه ماعنده عياده خاصه ولايسوي هالعمليه بمستشفيات ثانيه غير الاميري.

 

[bnt_kwt]

لا مو شرط حتى الدكتور فهد الاصفر ماعنده عياده خاصه ويسويها بالاميري ومعروف نوعا ما
وحتى الدكتور عبيد الحربي بالفروانيه ماله عياده خاصه يسوي العمليه بس بالفروانيه

انا قصدت تجاربه بالعمليات يعني البنات اللي مسوين عنده يتكلمون عن تجاربهم معاه

اختي (تيناا) الله يسهل عليج يارب ويقومج بالسلامه وننطرج تقولين تجربتج مع الدكتور
عشان الكل يستفيد

 

[ام عفاف الكويت]

لاتقولييييييييييييين
مايسوي اقل من 100 ؟
ان كان الوزن 90 والطول 155 يطردني

 

[love^angel]

ام عفاف انا مسويه عند خالد العنزي بالخاص وزني كان ٩٣ و طولي ١٥٥ واذا فيج شي متعبج ماراح يطردج بس اولدي بالسلامه و توكلي على الله و شوفي شيقولج

 

[ام عفاف الكويت]

لاف فيني ثلاسيميا مينيور يعني انيميا
وبالمتن مسبب لي كولسترول مرتفع
وعندي زياده الدهون الثلاثيه
وضيق تنفس
انا بعد الولاده ان شاء الله
من عمري 14 الى الحين 27 وانا اسوي ريجيم اقل وزن نزلته 74 بادويه وحبوب
وارد الدبل

 

[azouni]

انا مسويه عند احمد مراد و كاني شحلاتييي والله خوش دكتور اهوه ماله حس لنا كان يدس بره و صارله جم سنه من رد بس اعرف بنات مسوين عنده والله كلنه بخيير و صارلي 10 ايام و جني حصان

 

[azouni]

و هم نسيت اقولكم شغله الدكتور خالد اهوه الي دزني عنده لان كان عنده ضغط و قالي روحيله و رحت و الحمدالله و الحين مرت اخوي بتروحله عقب ما شافتني

 

[خباري مطر]

الله يوفقم بنات وتوصلون للي تبون بصحه وعافية

 

[love^angel]

لاف فيني ثلاسيميا مينيور يعني انيميا
وبالمتن مسبب لي كولسترول مرتفع
وعندي زياده الدهون الثلاثيه
وضيق تنفس
انا بعد الولاده ان شاء الله
من عمري 14 الى الحين 27 وانا اسوي ريجيم اقل وزن نزلته 74 بادويه وحبوب
وارد الدبل

ههههههههههه ام عفاف والله الي فيج نفس الي فيني بالضبط انا فيني فقر دم و كوليسترول واقل وزن وصلته من 10 سنين 76
روحي للدكتور انشالله يفيدج

 

[bnt_kwt]

انا مسويه عند احمد مراد و كاني شحلاتييي والله خوش دكتور اهوه ماله حس لنا كان يدس بره و صارله جم سنه من رد بس اعرف بنات مسوين عنده والله كلنه بخيير و صارلي 10 ايام و جني حصان

الحمدلله على سلامتج
وفالج الرشاقه والوزن الذهبي
ومشكوره عالافاده

اي انا هذا اللي ابيه تجارب ناس

 

[bnt_kwt]

ام عفاف توكلي على الله يسوي لج فيج كولسترول

رفيجتي يوم سألها الدكتور خالد قالها فيج ضغط سكر كوليسترول قالت له لا
قال لها لو فيج شي من الاشياء اللي ذكرتهم على طول اسوي لج

 

[azouni]

الله يسمع منج انشالله و انشالله حق مل الي سوو و اي والله حتى لما رحتله شفت 3 بنات مسوين و سألتهم وحده وحده و كلهم مدحولي يا قمت و حطيت موعد لين يا دوري والحمدالله

 

[om MaRyooM]

بشكل عام جراحين الاميري كلهم شاطرين

واغلبهم تحت اشراف دكتور خالد ونفس طريقته بالعملية

 

[bnt_kwt]

يزاكم الله خير وما قصرتوا

 

[bee alh]

انا بعد عمليتي بعد شهر عند احمد مراد بل اميري
بنات اللي سووتوها عنده بشرو شلونكم عقب العمليه وشلونه من دكتور انا للحين متخوفه وحاسه يوم العمليه راح اكنسل عقب كل هل نطره