سؤال بخصوص التحليل

[arwa.bh]

قوة بنات


انا صار لي الدورة متأخرة 3 أيام
ومن اسبوعين وانا اعاني من الامساك
قلت يمكن حامل لأن الامساك من اعراض الحمل مثل ما قرأت
سويت تحليل في البيت من شوي بس طلع مافي حمل
انا دورتي منتظمة ممكن يكون في احتمال ان التحليل غلط؟
ولا لازم انتظر كم يوم بعد؟

 

[عــود كمــبودي]

سوي تحليل هرموني يبين معاج على طول وإن شاء الله حامل

والله يرزق الجميع ياااااااااااااااااااااااااااااااارب

 

[arwa.bh]

مشكورة اختي

بس انا ما ابي اسوي تحليل هرموني لأن زوجي هو اللي راح يوصلني فأكيد بيعرف النتيجة
واذا طلع مافي حمل ما ابيه يتضايق
عشان جذي انا معتمدة على التحليل المنزلي بس اللي اشتريه بدون ما يدري

فالحين ابي اعرف انطر جم عشان اعيد التحليل اذا طبعا ما نزلت الدورة؟؟

 

[DO7AWE]

اللهم إني أسألك لك الحمد..لا إله إلا أنت وحدك لا شريك لك ..بديع السموات والارض يا
ذا الجلال والإكرام يا حي يا قيوم لا إله إلا انت سبحان الله رب العرش العظيم ، اللهم أسألك بأسمك الاعظم ورضوانك الاكبر ، اللهم اني اسألك باسمك الطاهر الطيب ، المبارك الاحب إليك الذي الذي اذا دعيت به اجبت واذا سئلت به اعطيت واذا استرحمت به رحمت واذا استفرجت به فرجت ان تيسر امرنا، ياالله انت الشافي المعافي، انت المعطي الكريم السميع البصير ، القادر القدير انت الرحمن الرحيم الجبار الحي القيوم ذو الجلال والاكرام ،اللهم اسالك بقدرتك اللي قدرت بها على جميع خلقك..واسالك اللهم برحمتك التي وسعت كل شي.. اللهم يا فارج الهم يا كاشف الغم يا ربنا ورب كل شيء ومليكه سبحانك تباركت وتعاليت..اللهم يافعال لما تريد يا مجيب دعوة المضطر اذا دعاك يا من تقول للشيء كن فيكون..اللهم ياذا العرش العظيم يا قوي يارحمن..يا قادر على كل شيء انت القادر وحدك والاطباء لا يقدرون..انت العالم سبحانك وغيرك لا يعلم..تعلم مافي الارحام اللهم ارزقني وارزق اخواتي في الله بالذرية الصالحة اللهم اقر اعيننا بالحمل عاجلا" غير آجل يارب العالمين..من لنا غيرك ندعوه ونرجوه..عبيدك سوانا كثير وليس لنا رب سواك ندعوه..الله لا تحرمنا من الذرية الصالحة..اللهم ارزقني وارزق اخواتي في الله بالذرية الصالحة ..رب ذرية نرزق برها..اللهم اسالك ذريه نرزق برها..اللهم استجب دعائنا وتقبلة من ومن المسلمين..اللهم آآمين
لا إله إلا انت،سبحان الله رب العرش العظيم،وصلى الله على محمد وعلى آله وصحبه أجمعين..))

 

[kly 7ala]

ان شاء الله تكونين حامل

احتمال يكون حمل متأخر يبين بعد اسبوع او 10 ايام

 

[حبي زوجي فديته]

يارحيم ترزقنا

 

[لولو70]

يارب تكونين حامل
وياااارب ترزقني وترزق ام الريش وكل بنات الحلال
اللهم امين

 

[_ظل الياسمين _]

يارب حامل ..الله يرزقك وكل من فى خاطره يارب العالمين.

 

[خيوط الطيف]

انشاء الله حمل




منقول عن تجربه


تجربتي مع اختبارات الحمل تعالو
السلام عليكم ورحمة الله وبركاته

كيفكم عساكم جميعا بخير

ابعلمكم عن تجربتي مع اختبارات الحمل المقلقه والاحظ اغلبكم تقلق قبل موعد الدوره ودها تعرف هي حامل والا لا
ماعندها صبر وبعذرها بصراحه شئ يقلق والله يرزقكم جميعا بالذريه الصالحه يارب

انا يااخواتي ولله الحمد عندي ولدين وبنت الله يحفظهم ويصلحهم ولدي اللحين عمره سبع سنوات لاني انا ابغى اريح شوي من تعب الحمل والعيال
المهم بعد مرور هالسبع سنوات بديت اشتاق لنونو صغير وحن قلبي لهم وخليت نفسي من غير موانع
لكن المشكله مع اني عندي عيال جتني وسوسة مدري هو انا بحمل والا لا بعد مرور هالسنين وعمري 35يعني ماله داعي اقلق توني
لكن الشيطان وسوس فيني اعوذ بالله منه المهم جت الدوره وبديت احسب علشان ايام الاخصاب ومرت ايام الاخصاب وانا قلقانه يارب هل ابحمل
والا لا وقبل الدوره الثانيه باسبوع معد قدرت استنى لين تعدي فحللت دم عادي طلع سلبي وبعدها بيومين حللت اختبار منزلي ابو عشره
وطلع سلبي ورحت وجبت ابو30وطلع بعد سلبي
وقبل الدوره بثلاث ايام بدت معي دوخه وغثيان وزوجي اشم ريحته سمك هههههههههههه وخفقان في قلبي من اي مجهود وصدري يألمني وظهري
وهذي اعراض ماتعودت تجيني قبل الدوره خصوصا لوعة الكبد بزياده وانا ااعشق الشاي وكرهته
شكيت اني حامل وقلت ابقطع الشك باليقين واحلل التحليل الرقمي هو الفاصل بأذن الله وانا بعد اللي خلاني مستعجله
ابغى اعرف النتيجه لاني قطعت علاج القولون علشان الحمل ويتعبني احيانا ولااقدر اخذ علاج علشان اخاف اكون حامل
المهم ياخواتي سويت التحليل الرقمي وطلع نتيجه مشكوك فيها 17’4يعني تحت الخمسه مابعد تأكد وقالو زيادة تأكيد حللي بعد اسبوع
الدم العادي
وثاني يوم قريت في احد المنتديات نفس حالتي سوت كل التحاليل قبل الدوره وطلع سالب
ثم استخدمت جهاز الاختبار كلير بلو وطلع النتيجه موجب يوم قريت كذا
رحت نفس اليوم المتوقع تجيني فيها الدوره وجبت كلير بلو وطلع موجب وحامل ولله الحمد وماشاء الله وسألت الدكتوره وقالت فيه بعض اجهزة البول
حساسه مره وتلقط هرمون الحمل على طول وانا هرمون الحمل ضعيف جدا لاني ماعدت الدوره علشان كذا كل التحاليل طلعت سالب
ولكن كلير بلو ماشاء الله عطاني النتيجه على طول مع ان الهرمون جدا ضعيف بصراحه كلير بلو هذا رهيييييييييب غطى على كل التحاليل

واّسفه على الاطاله والبربره لكن حبيت اعطيكم السالفه بالتفصيل
والله يرزقكم جميعا الذريه الصالحه

 

[كويتيه مذهله 87]

مشكورة اختي

بس انا ما ابي اسوي تحليل هرموني لأن زوجي هو اللي راح يوصلني فأكيد بيعرف النتيجة
واذا طلع مافي حمل ما ابيه يتضايق
عشان جذي انا معتمدة على التحليل المنزلي بس اللي اشتريه بدون ما يدري

فالحين ابي اعرف انطر جم عشان اعيد التحليل اذا طبعا ما نزلت الدورة؟؟

حبيبتي تحليل البيت مو مضمون
سوي تحليل هرموني او عادي يبين مدام متأخره عليج الدوره
اذا تبين بول ومصممه خل تتأخر فوق ال 10 تيام علشان تطلعين بنتيجه مضمونه


,,,