سؤال المراجعات عند الدكتور حيان الاحمد ضروووري

[تشيز_كيك]

اب
اب

اي اخبار يديده وين يولد غير السيف

 

[zoooba]

Up
Up
Up

 

[auoma]

بنات من صجكم
بصراحه الدكتور شاطر تدرون مو لانه خياطه حلووو و و و
شاطر لانه لاعب بعقولكم ويعرف شلون يقص عليكم اهو وايد يسولف والحريم يموتون على السوالف
شدعوه الي تقول كل يوم اكلمه من صجكم
انا راجعت عنده لما كان بمواساة وراجعت لأن حالتي صعبه ونزيف وقيصريه
بس بصراحه اهو اشطر شي فيه السونار بس والخياط عادي كل دكتوره تسويتجميلي واحسن منه
والقيصريه الخياط اي شي والشق دبل والله محد يصدق شكثر شاق بطني فاتح من العظمه لي العظمه يمكن شبر ونص
ولي ٤٠ يوم وانا ماقدر اتحرك وامشي

 

[++MesK++]

ايوما كلامج يخرع!! ليش ؟! عاد انتي وايد كنتي تمدحينه حيل!!!

 

[++MesK++]

!!!!!

 

[عيون سارة]

غريبه ايومه

انا قيصرتين معه والحمد لله الامور زينه


وعلى فكره تقدرون تراجعون عنده خلاص

 

[auoma]

مسك
انا هذا الي انصدمت منه
والله انا هالمره قيصريه والشق شكبره
البنات يقولون القيصرية شق نتفه واحنا نطلب قيصريه انا انصدمت

 

[++MesK++]

ايوما معقوله الشق اكبر من باقي الدكاتره؟

يمكن لانه مسويلج شد بطن!

جان سألتيه

 

[auoma]

لا موسالفة شد والله
كان مستعيل وياي الساعه٤ الفير لأني حاشني نزيف بالولاده
بس حتى ولو مستعيل اهو دكتور وصارله١٦ سنه بلندن مايعرف يتحكم بالمشرط
انا بصراحه بعد هالسالفه ما اراجع عنده

 

[auoma]

اذا انتي مرتاحتله كيفج
بس انا حطيت اكس عليه
والحريم يانين عليه انا ملاحظه شي غريب
والي تقول اكلمه كل يوم شدعوه مو لهدرجه

 

[Laymo0ona]

ايومه ليش ماسألتيه يمكن اضطر يكبر عشان يطلع البيبي بسرعه مادري سئليه احسن

 

[Laymo0ona]

غريبه ايومه

انا قيصرتين معه والحمد لله الامور زينه


وعلى فكره تقدرون تراجعون عنده خلاص

عيون ساره شلون الشق مال القيصريه كبير والا صغير؟

 

[Laymo0ona]

اذا انتي مرتاحتله كيفج
بس انا حطيت اكس عليه
والحريم يانين عليه انا ملاحظه شي غريب
والي تقول اكلمه كل يوم شدعوه مو لهدرجه

منو اللي كل يوم اتكلمه ماشفت وحده اكتبت انها كل يوم تكلمه!
واكيد اهيا اللي تدق وتسأل اهوا شذنبه زين منه يرد ونفسيته حلوه مع انه اسئلتنا مرات تصير غبيه لاقصى الحدود وهم يجاوب بكل رحابة صدر
عالعموم الله يعينج حبيبتي بس لو منج استفسر منه اكثر لانه حالتج حرجه اكيد احتاج يشق اكثر
مابي ادافع عنه لانه انا مو خبره بس صج استفسري اكثر احسن عشان يبرد قلبج ولاتظلمينه خصوصا انج كنتي تمدحين فيه

 

[++MesK++]

على فكره أنا سألت دكتور ثاني و اهو استشاري

سالته عن موضوع الشد وقت القيصريه

قال طبعاً اذا سوينا شد بسيط حتى لو نسبة ٥٪ لازم يكون الجرح اكبر من القيصريه العاديه اللي بدون شد

 

[Laymo0ona]

مسك الله لايقوله بس اذا صارت ولادتي قيصريه بطلب منه يشد هالكرش اللي تفشل!
يارب طبيعي يارب

 

[++MesK++]

ليمونه ترا الشد بسيط يعني ما راح يسوي فرق كبير ع الكرش

انتي جربتي القيصريه من قبل ؟

 

[Laymo0ona]

ميخالف عالاقل شي احسن من ولا شي واهوا شاق شاق
اي في بجري ولدت قيصريه وبنتي الثانيه طبيعي

 

[++MesK++]

ليمونه ولاداتج عند حيان ؟ قوليلي رايج بصراحه


لان أنا احتمال قيصريه .. الله يعين

 

[Laymo0ona]

القيصري بالصباح
والطبيعي عند دكتور حيان رحت قبله دكتورين قالولي قيصري اهوا قاللي عادي تولدين طبيعي وولدني

اثق فيه وفي كلامه

ليش انتي احتمال قيصري؟ ومتى موعد ولادتج؟

 

[++MesK++]

باقيلي ١٢ يوم و اخلص التاسع و البيبي صاير بالعرض! مو راضي يلف

مع أني بداية التاسع كانت أموري أوكي و الراس تحت

و أنا اراجع عند حيان و واحد ثاني

و الدكتور برويال حياة حاول يلفه بس ما قدر و قال حدج اسبوع اذا ما لف راح اولدج قيصريه

عاد بروح اليوم حق حيان اشوف شنو رأيه