سؤال : ( الراحه بعد عملية طفل الانابيب )

[رماديه]

ان شاء الله بعد ما اسوي عملية طفل الأنابيب اللي اعرفه ان الراحه اسبوعين بعدها التحليل.

بنات اللي جربوا العمليه ابي اتقولونلي بالتفصيل اشلون ترتاحون يعني ما تتحركون من الفراش أبد لمدة اسبوعين؟ اشلون اتصلون واشلون اتروحون الحمام وانتوا ابكرامه واشكثر نمتوا بالمستشفى بعد العمليه؟ واشنو سويتوا علشان تصبرون على القعده ابهالفتره؟

انتظر ردودكم يزاكم الله خير.

 

[Miss_Tiger79]

هلا رماديه
انا ما سويت هالعمليه بس وحده اعرفها سوتها وتقول لازم ترتاحين لين موعدج بالمستشفى اتصلين وانتي قاعده ولما تتسبحين حطيلج كرسي وقعدي عليه وماكو مشي كلش يعني طول اليوم منسدحه بالفراش وعشان اتضيعين وقتج اقريلج قرآن او حطيلج تلفزيون بالغرفه او خلي اهلج يزورونج او خواتج وراح يضيع الوقت انشالله
والله يرزقج بالذرية الصالحه يا رب ويرزق كل محروم
والله لا يخيب ظنج وتطلعين حامل

 

[رماديه]

Miss_Tiger79

يزاج الله خير الله يستجيب لدعائج و يرزقج كل اللي تتمنينه يارب.

 

[xxx]

للأسف ماعندي معلومات عنها

بس ماحبيت ادش بدون ما احط رد

عسى الله يتمم عليج ويرزقج الذريه الصالحه

 

[رقي]

مو لي هالدرجه مس تايقر
اول يومين من الترجيع كله نايمه
بس صلاتج حمامج فراشج فقططططططططططططط
عقب اليومين عادي بس ماتطلعين بره البيت
وماتركبين دري وايد
وعسا الله يوفقج ونسمع عنج اخبار حلوة
لاتنسين ترقين روحج يوميا علي مبيضج الايمن ومره علي الايسر ومره علي عزيزوج
7 مرات الفاتحه 3 الكرسي والمعوذات وبسم الله الذي واعوذ بعزة الله من شر مااجد واحاذر
كل هالاذكار اتلاقينها بحصن المسلم
والبقره يوميا ولا تنسين ماي زمزم لما شرب له
والاستغفار والدعاء

 

[جارة القمر]

رماديه


أنا سمعت


البنات بالمنتدى يقولون بعد ترجيع الأجنه

ممنوع العطر والبخور

بس أنا الدكتورة قالتلي

تصلين وأنتي قاعده

وحطيلج كرسي وأنتي تتسبحين

والمفروض ما تتسبحين كل يوم

وخليج كله منسدحه

للأن كل ظهرج يعورج

وصح اول يوم من الترجيع كله دايخه

أنا كنت أصلي وأنا قاعده حبيبتي

ولا تطلعين أتمشين
ولا تركبين الدري وايد

والله يرزقج ويرزقني ويرزق كل محروم

 

[رماديه]

مشكورين يا بعد عمري

الله يكون بالعون ان شاء الله

الله يفك ضيقتنا جميعا يارب

جزاكم الله خير

 

[قمر ضاوي33]

عسى الله يرزقك ويرزق كل من يبي الذرية الصالحة

 

[bnt_kwt]

الله يرزقج ويرزقنا معاج يا رماديه
واطفال الانابيب والتلقيح نفس الشي
يبيلهم راحه لي موعد التحليل

 

[رقي]

الله يتمم عليج رماديه ان شالله
ونفرح فيج

 

[رماديه]

اللهم آمين

يزاكم الله خير

bnt_kwt
اتصدقين آنا سويت تلقيح صناعي 6 مرات و ولا مره ارتحت فيها كله طلعه وشاليه وادواره محد قالي ان لازم ارتاح!

ان شاء الله يا ربي الله يصبرنا وتنجح علاجاتنا جميعا.

 

[bnt_kwt]

انا بعد رماديه سويت التلقيح وقالت لي الدكتوره ارتاحي ولا تتحركين وايد بس انا ما اقدر ما احوس خاصه انه ماعندي خدامه فكنت احوس بالبيت عالخفيف ما احب العفسه
انشالله اذا كررتها ماني متحركه من مكاني

 

[^DanaH^]

يا حبيباتي بقولكم شغله ...

بعد العمليه الراحه تكون نص يوم بس.... لأن بعد ترجيع الأجنه تكون داخل الرحم اهني يكون الدور على قوة شفرة الأجنه وتقبل الرحم لها مثله مثل الحمل الطبيعي مو شرط تنسدحين أو ترتاحين !!!
واذا ماثبت الحمل معناته ان الأجنه فيها مشكله يعني خيرة لج ... عسى أن تكرهوا شيئا وهو خيرا لكم ....
حتى الدكتور كان يقولي عيشي حياتك عادي ..... والأهم قدرة الله في كل شي يعني نكثر من الدعاء وذكر الله ....

اتمنى اكون افدتكم

 

[مزيان]

صح كلام اختي ام عبدالرحمن نفس الي قاله لي زيد الكيلاني عادي يقول موشرط كله منسدحه بس احنا لازم بعد شنسوي بس قال لاتبذلين مجهود تمشين وايد وتشيلين اشياء ثقيله بس السبوح عادي انا اول مارديت من العملية تسبحت وماكو شي عادي بس الواحد مايطلع من البيت السيارة والمطبات والدري كثرته موزينه والصلاة عالكرسي بس العطور والبخور عادي انا ساالته
والي الله كاتبة بيصير حتى لو ماتفارقين الفراش كل شي بيد الله وعلى قولت دكتور زيد الكيلاني احنا انسوي الي علينه واذا الله رايد ينفخ فيه الروح راح يصير الحمل
والله يرزق كل محروم ويشفي كل عقيم آمين يارب العالمين

 

[ألوي الكويت]

يارب تنجح العمليه

الله يرزقك الذريه الصالحه

اللهم آمين

 

[زهقاانه]

يااارب ان شاءالله

ويرزقج الذريه الصاالحه الي تنور حياااتج

وخلي ايمانج بالله قوي واذا الله لا يقوله مااصار حمل خلي امرج على الله

الله قريب مجيب دعوة الدااعي اذا دعااه
فكثري الدعااء

وان شاءالله يرزق كل المتزوجين الذريه الصاالحه

موفقه ان شااءالله

 

[أحلى عيون]

والله يا بنات التثبيت من رب العالمين بس انا الحمدلله سويتها العمليه بالاردن وكنت خايفه وقالي الدكتور لو تروحين مشي من الاردن للكويت ما يصير فيج شي


الحمدلله الحافظ الله والله يا بنات من رجعت كل يوم زواره من بيت لي بيت بس الي خايفه على نفسها تقدر تحافظ على نفسها اكثر

يعني مو لهالدرجه صلاتج تصلينها وانتي قاعده لا والله عااااااادي

والله الحافظ والمثبت

 

[^DanaH^]

اختي الخنساء الله يبعد عنج الهم والغم يارب .... عليج بالدعاء واقري قرآن كثر ماتقدرين الجئي لله ..... والله قاعده ادعي لج الله يرزقج ويريح بالج يارحمن يارحيم .....

 

[أذكري الله]

آنا سويت طفل أنبوب قبل سنة تقريبا و ما الله كتب بس لما يرجعون الأجنة قعدت تقريبا 4 ساعات نايمة بالمستشفى و بعدين رحت البيت قعدت أول اسبوع اشزيني ما أتحرك و ماكو ألم و لا دم بس الأسبوع الثاني اشتغل علي العوار اللي قمت أبجي منه و بدا الدم ينزل بس ما كان غزير و هذا كله و آنا مرتاحة و الصلاة و آنا قاعدة و أبر مثبتة تييني السستر ليما البيت ... و ما الله كتب صاجة ام عبدالرحمن العيب يكون من الأجنة .. الحمدلله على كل حال

 

[loshidano]

هلا حبيبتي انا مسوية العمليةوالحمدلله حملت بتوأم بس واحد ما تمت الحمدلله ويبت ولدي بعد جم سنة من العلاج
شوفي عادي لا تشيلين هم الحركة بس ريحي روحج عالآخر ونسي روحج ولاتفكرين بالبيبي انسيه وان شاءالله بعد اسبوعين تحليلين وتطلعين حامل