سؤال ابيكم تجاوبني لاني متضايقه بسبته .. عسى الله يفرجها عليكم ..

[LeeMa q8]

سلام عليكم ..


حبيباتي بهالقسم عسى الله يرزقنا يارب .. ونكون امهااات في القريب العاجل يارب ونسمع كلمه ماما من ولد ولا بنت نحضنه بحضنااا قوولوا آآمين ...


بنات بسالكم انا متضايقه من شي ..


ابيكم تجاوبني عفيه ؟


هل كثره الافرازات تقلل فرص الحمل عند المرأة ؟؟

وشنو اقدر اخذ طب شعبي اعشاب ولا شي ويوخرها ..

واذا اكو حبوب شنو اهي الحبوب ..

ومن صار وياها هيك وجربت وحملت ..



انطركم لا تخلوني تكفون:flower:

 

[مناوووي]

ريانة حبيبتي



شخبااااااارج



عسى الله يرزقج ياااااااااااارب ويفرح قلبج



مارحتي للدكتووره بالنسبه حق الافارزات ؟؟؟؟؟؟


رووحي حق طب شعبي يمكن ينفع معااااااج

 

[_ظل الياسمين _]

حسب حبيبتى شنو سببها ممكن التهاب ممكن شى اخر ..

ان مافاد الطب ..روحى طب شعبى وعسى ربى يرزقج عاجل غير اجل ويرزق كل محروم يارب العالمين.

 

[عذآب إلـ أنآ]

رفع عسى الله يرزقنآ بآلعآجل

 

[ام فوااز]

اذا التهاب يمنع الحمل بعض الاحيان
اما الافرازات المهلبيه العادية لاماتمنع
وعسى الله يرزقج يارب

 

[om.saloom]

في بنات واايد خذوا تحاميل من ام فيصل مدحوها
و حملوا مشالله
لان كثرة الافرازات تمنع الحمل
الله يرزق الجميع

 

[%متفائله%]

يفضل تروحين لدكتورة تشوف اذا افرازات ناتجه عن التهاب هذا اكيد يمنع الحمل

بس اذا كان عادي جربي طب شعبي يمكن ينفعج عند حريم

وبقولج طريقه رفيجتي قالتلي عنها وصراحه عجيبه نقعيلج مرة وعقب اخذي الحثل مالها يعني المرة الي ناقعه مو مايها اتمنى انج فهمتيني

وحطيها بالكوتكس اليوميه الخفيفه وغيريها 3 مرات باليوم لمده 3 ايام وكيفج اذا بتزيدين بس انا افضل اخر ايام الدورة عشان ريلج ماااااايشمها

وجربي تغسلين من تحت بخل تفاح مخفف بالماي اذكر اول ماتزوجت ذبحتني الالتهابات وقالتلي خالتي عليه الله يجزاها خير ونفعت معاي

اتمنى تفيدج الاشياء الي قلتها وادري كثرت قرقه اااااااااااخ راسي

وعسى الله يرزق كل محرومه بالذريه يااااااااارب

 

[tbola]

رد : سؤال ابيكم تجاوبني لاني متضايقه بسبته .. عسى الله يفرجها عليكم ..

رايي من راي خواتي روحي طبيب اظمن لج وبعد الطبيب اتجهي لطب الشعبي وربي يفرح قلبج وتسيرين ام

 

[وزيره الخارجيه]

يفضل تروحين لدكتورة تشوف اذا افرازات ناتجه عن التهاب هذا اكيد يمنع الحمل

بس اذا كان عادي جربي طب شعبي يمكن ينفعج عند حريم

وبقولج طريقه رفيجتي قالتلي عنها وصراحه عجيبه نقعيلج مرة وعقب اخذي الحثل مالها يعني المرة الي ناقعه مو مايها اتمنى انج فهمتيني

وحطيها بالكوتكس اليوميه الخفيفه وغيريها 3 مرات باليوم لمده 3 ايام وكيفج اذا بتزيدين بس انا افضل اخر ايام الدورة عشان ريلج ماااااايشمها

وعسى الله يرزق كل محرومه بالذريه يااااااااارب

كلامها صح

 

[فيروزي]

المره حلوه انا جربتها بجد رووووووووووووعه انا كانت تجيني التهابات بعد الدوره على طول بس صرت انقعها واحطها بمويه دافيه
وانتقع فيها والحمدالله خفت كثير وصرت احس من اول

 

[مناوووي]

رررررررررررررررفع

 

[LeeMa q8]

فديتكم حبيباتي ماتقصرون والله ..

وان شاءالله بطبق نصايحكم .
عسى اللهىيرزقنا كلنا يارب