سؤالي محرج :( .. الام المرضعه و العلاقه الزوجيه

[سجى الكويتية]

بنآآآآآآآت ,,آنـــــا مرهـ كني قآريه معلومة عن عدم جواز شرب الزوج لحليب الزوجة,,,


لآن الحين الوحدهـ يوم ترضع طفل صغير مو ولدها شيصير ,,ايصير اخو عيالها من الرضآعه ,,

لكن آنـــــا مأذكر تفاصيل المعلووووووووومة تمآآآآآآآم ,,الي عندها خلفيه ياليت تعلمنآ..

وان شاءالله ابحث وارد لكم خبر

هذي خراااابيط مو فتوى
بالعكس انا سمعت ان الرسول صلى الله عليه وسلم ان رضع من زوجاته !!!
انا اقول انه عادي ومافيها احراج ولازم الريل يكون فاهم هالامور ومتفهم
وضللي رضعي الياهل حرام تنشفين الحليب هذي نعمة من ربنا ووايد حريم يتمنون انهم يرضعون يهالهم طبيعي

 

[*بخور*]

استغفر الله بنات لا تخوضون في شي ما تعرفونه كل وحده تجي تفتي

اللي تقول يصير اخو اولادها من الرضاعه نسيت اهم شي ان يكون عمر اللي بترضعه سنتين او اقل ...

شنو هذا..

 

[ام جـــــودي]

هو صج فشله بس ما توصل للحبوب عشان يوقف الحليب
مادري بس الحياه مب بس زوج وشيسمونه
في طرق ممكن تتفادي فيها اي احراج وقتها وبعدين الزوج يتفهم لانه
هالحليب لولده
اختاري من بين الحلول المكتوبه واستمري بالرضاعه على الاقل 4 شهور مب 40 يوم حرام
حليب الام ماله بديل

 

[ام عيون عسلية]

وييييييييييه عيل انا من اللحين يسألني عاااادي اذووووقه
:dddds:
خخخخخخخخخخخخخخخخخخخخ

المسكين زفيته وقلت له استح على ويهك

لووووول

 

[ام الونان]

اى والله كلا يبون يذوقون

 

[بنـ المدينه ــت]

عاااااااااااادي مافي اي مشاكل انا رضعت ولدي سنه وشهرين ........والامور ماشيه الحمدلله ليش تاكلي حبوب حرام والياهل ينحرم !!!

 

[^^المهره^^]

البنات ماقصروا

 

[SaD FaCe]

@@....

 

[بتبوتااا]

عادي اناا اول كان صدري يصير يابس عشان الحليب وكان هالشي يونس لوووول بس البايخ الحليب لمن يطشر صج فشله وعندج حلين يا انج تفرغينه بالشفاطه او انج تشربينه ولدج قبل العلاقه وسهالات يا قلبي

 

[قمرهم-كلهم]

ليش فشلة بالعكس عادي بعد حليب وين اخشه اصلا اهوه كله يطفرني يقولي صبيلي بقلاص

 

[RiMa_08]

ويييييييييي لا فشله ولا شي انا عمر بنتي شهرين الله يحفظها وارضعها طبيعي الحمدلله مثل ما قالوا لج البنات لا يقرب صوب الحلمه وقت الجماع او اختاري شي من هالحلول بس لا تنشفين الحليب حرام هذا رزق البيبي من الله ولا تفتحين عينه وتقولين ويع وما ادري شنو خليه يشجعجج انا سافرت عقب طلعتي من الااربعين وصدري انترس اهناك قمت اشفطه والحمدلله اهوا يشحعني و يحب ارضعها وكله انا اقوله ما ابي اعطيها صناعي مابي وقام يقلدني :dddds: يقول لا حرام انتي حليبج احسن لها وشاف يوم سافرت بنتي صار فيها امساك اسبوع كامل والاكزيما كلت ويههاا صار خشن ومن رديت من السفر رديتها علي الطبيعي مشاء الله كل شي صار طبيعي

 

[*جبرني الوقت*]

احرااااااااااااااااااج

 

[ipink]

لا احراج ولاشي هذا ريلج وعادي انا الحمدلله بنتي 4 اشهر ونص للحين ارضعها طبيعي بس قمت ادخل صناعي وسوي كل شي بس لبسي ستيان ويا القطن حطيه عشان اذا خريتي وكل ريال وطبيعته انا ريلي الحمدلله مايقرب هالمنطقه فاريحلي وله وبس ولا مره ياب سيره الحليب وبالعكس يبيني ارضع بنتي واستمر

 

[كريستال]

انا مستغربه من اللي يقولون احراج

هذا حليب مو شي وصخ

سو وات لما تنزل كم قطره حليب يعني شنو اخترب البرستيج ؟؟

لاتحرمون البيبي من رزقه هذا فيه مناعه له وصحه عشان شسمه بيقطع الرضاعه .؟؟ لهالدرجه وصلنا

انا رضعت وعادي مافي اي شي لا احراج بالعكس الوحده تكون مفتخره بهالشي

 

[انصاريه قمره]

من صجكم توقفون رضاعه عشان الريال

والياهل المسكين !! حراااام عليكم يا امهات ..

حبيبتي ماعليج من الي قالو وقفو رضاعه .. استمري بالرضاعه تراهي مفيييده حق الياهل وباجر بتشوفين الفرق .. ومثل ماقالولج البنات لاتخافين وقت الهذا ما راح يطلع نافوره من الحليب .. واذا طلع قطره يمكن .. ولا جان الله ما قال الرضاعه سنتين اذا عهالشي بيأثر عالعلاقه الزوجيه

انا ماجربت بس وحده قالتلي انه طعم حليب الام سكر :\

اي صح انا الحمدالله والشكر ذاك اليوم طلع من صدري نقطه وخذيتها بصبعي وذقتهاا طعمها سكر

 

[سنفوره كويتيه]

مادري والله


البنات ما قصروا

 

[ريحانة العود]

انا للحين ماحملت ولا ولدت
بس سـألت اختي جان تقول لي ريلها يثيره اكثر الحليب لووول
الظاهر ريلها غير الريايل ان شاالله حتى ريلي مثله ع الاقل ارتاح من المحاته
بس شكله بيتطنز علي باين عليه

 

[شامبو]

منكم نستفيد