سؤالي لخواتي المصريات شلون عيالكم يحبون الدراسه

[prettysoul]

خواتي بصراحة التعليم عندهم أهم من كل شيء لأنه مصدر رزقهم.
وأما بخصوص التربية بصراحة أهل الدول العربية يتعاملون مع أولادهم الأطفال وكأنهم كبار.
أنا مرة شفت مصري يكلم ولده اللي عمره تقريبا 10 أو 11 في الجمعيةويقول له حضرتك.
إحنا الأب يقول لولده ياهيييييييي.الولد يرد ويوقل هااااااااااااااااااااااااااه
أهل الدول العربية الأب ينادي ابنه ويرد الإبن ويقول نعم.
احنا حبيباتي لأن أوضاعنا ممتازة ومرتاحين والخلل في طريقة التعليم اللي تدمر عقل الطفل بس يحفظ وخلاص.
وبعد الأكل أبلة العلوم مصرية وقالت الفول هو اللي يغذي. ويدرسون في الصيف دروس المرحلة القادمة.
وضربت لنا مثل قالت في 2 توأم ولدين واحد تعلم في الكويت والثاني في أمريكا وطلع الثاني متفوق وأكثر ذكاء من أخوه

 

[Queen-q8]

انا اتفق ان الشدة اهي الغالبة على المصريين وهمن بعض الجنسيات العربية الثانية

وسائل الترفيه وقتها محدود والمركز الاول الدراسة والدراسة وهذا مو مع كل المصريين لا همن في مصريين متوهقين مع عيالهم ومو ذاك الشطارة يعني السالفة نسبية

بس اللي اعرفه انه وايد بعد يطقونهم حتى اعرف وحدة معاي الله يذكرها بالخير واحنا يهال عطيتها تكتبلي مذكرة كانت صديقتي وزميلتي بالصف وما رضت تاخذه تقول لو ابويا شافوه معاي بيضربني وما يرضاش امسك حاجة غير كتب المدرسة وللعلم اهيا متفوقة

بس الحمدلله الوعي عندنا بالكويت ولله الحمد وكل ماله بزيادة واغلب الامهات اللي كانوا متفوقات بالدراسة تلاقينها تحرص كثر ما تقدر انها تخلي عيالها يتفوقون وخصوصا اذا كان الولد مخه نظيف


وترى اهم شيء اسلوب العقاب و الثواب وهالشيء مهم ولازم

مافي دلع زايد وشدة معقولة مو عذاب بس وقت الجد جد وهذا الحزم اهوا اللي يربي مو بس يسنعهم بالدراسة وهالشيء للصبيان والبنات على حد سواء وخليه يهتم انه الدراسة اولا بعدين اللعب وكل ما عاند ماكو لعب وقوي قلبج عليه شوي
واذا لقيتي تقدم وصدقيني اذا شديتي وقويتي قلبج عليه راح تشوفين تقدم كافئيه وهالطريقة اهيا المجربة


مو مهم يكون عنده موبايل واذا كان وقت اللي يكون بالبيت يكون عندج والاهم وقت الامتحانات ولازم يتعود ويكون الابو له دور ويحسس الولد بالحزم

وايد وحدة تسوي شغل بس الاكيد التعاون بين الاب والام يثمر وايد معاهم

 

[باونتى]

أنا تعجبنى طريقة تربية اخوانا المصريين لعيالهم مو بس بالدراسه بكل شى .. احنا بمناسبه ومن غير مناسبه نشترى لهم العاب .. لمن صاروا عيالنا ما يحسون بقيمة اللعبه .. رفيجتى مدخله ولدها احدى المدارس العربيه الخاصه تقول انها دخلت ولدها عشان تبي يحتك بالجاليات العربيه ويتعلم منهم وصج تقول ولدى رجع من المدرسه مره وقال لى يمه سويلى صمونة زعتر حق المردسه نفس ربعى وتقول صاير عنده حب المنافسه كله يحاول انه يدرس ويجتهد عشان ينافسهم ..

 

[ام خالد 78]

ما شاءالله عليهم

 

[MoonDiamond]

الدلع والدلع والدلع اهوا السبب ...
عيالنا ما يعرفون قيمته اي شي لانه ييهم بسهوله .. قبل نييب الشهاده وطايرين البيت عشان نراويها لابهاتنا والجائزه شنو سندويشات عالبحر وبنهاية السنه منتقلين من مرحله لمرحله ودانا نحن والاطفال ولنا هديه وحده بس .. يعني كل سنه لعبه..
وبعدين ما عندنا تلفزيون يلهينا ولا نت ولا هانا مونتانا ولا لولو كاتي

انا مدرسه .. البنت الكسلانه واللي ما تدري وين الله حاطها الجنطه بالشئ الفلاني والاقلام والالوان والدفاتر الكشخه والحاله حاله والمخ فاضي والبنت اللي مقلمتها عاديه وفيها قلمين ومساحه وبرايه ومسطره والوان خشبيه والدفاتر عاديه تلاقينها ذكيه وشاطره ونشيطه وطبعا متفوقه..

 

[خليج***]

انا بعد من زمان معجبة بعيال المصرين+السورين+اللبنانين+الفلسطينين+الاردنين
اعيالهم شطار وادب وماعندهم الياهل يطول لسانه على امه او ابوه او يمد ايدينه على اللي اكبر منه مثلا الخدم,
تربيتهم لعيالهم حيل تعجبني حتى لما يكبرون اتحسينهم ناس مثقفين واهتماماتهم مو سطحية.وحتى شبابهم مانشوفهم نفس شبابنا كلش.
يعني لو سالتي اي شاب مصري شنو طموحك تلقينه مجهز طموحه من يوم مااهوا موجود ابطن امه يادكتور او مهندس او محامي
اما شبابنا توه مخلص الثنوية تسالينه شنو طموحك تلقينه لي لحين ماقرر!عيل متى بتقرر؟؟؟

وبوجه التحديد المصرين اي مصري عادي لما تكلمينه اتحسينه يا محامي او دكتور من طريقة كلامه,,الا اهوا بالحقيقة مجرد موظف.
للعلم المصرين معروفين بالذكاء الخاررق من ايام الفراعنة.ههههههههه


اعتقد اهم شي التربية ثم التربية ثم التربية
انا عشرة مع الاجانب المصرين واللبنانين.....الخ
ترا تربيتهم تختلف حيل عن تربية الكويتين.

بس الميزة الوحيدة اللي موجودة بتربية الكويتين وموموجودة عندهم اهيا الالتزام الديني مثلا الكويتين عندهم الصلاة من الاولويات بس اهمن مو ذاك الزود مع هالامور الدينية.
بس من ناحية التعبير عن ارائهم والثقة والاهتمام بالعلم والتحدث باسلوب منمق واهتماماتهم الاجانب افضل.

 

[زهرااا]

جان زين احنا نصير مثلهم

 

[مــ_ــا مــ_ــي]

كنت اعرف عوايل مصريين عندهم التعليم في الصغر كالنقش على الحجر .. يعني اللي عمره 4 سنين عندهم يبلشون وياه تحفيظ قرآن واعرف واحد محفظ ولده جزء عما كله قبل لا يدخل المدرسه ومشالله اذا يبي يطرش ولده لاي احد يقوله روح لعمو قوله لو سمحت عاوز كذا وكذا وكذا باسلوب مؤدب اما حنا نقوله روح جيب هالشي من فلان يروح ويرد شنو يماا نسيت

وعيال المصريين حسره عليهم اللعبه حتى لو اهلهم عندهم فلوس ويقدرون يوفرون لعيالهم بس على قولتهم عاوز يحس بقيمه الحاجه اللي اشتراها وتلقا هالولد عنده حصاله ويجمع مصروفه اليومي مال المدرسه عشان يجمع ويشتري اللي خاطره فيه

صج العقاب يعلم بس الشي الاساسي اننا نعلم عيالنا بهدوء ورواقه مو بعصبيه وصراااخ مثلي :eh_s(14): ومثل اغلب الناس

بس الحين اشوه لقيت لي حل :eh_s(3): اذا ما كتب الواجب او قعد يتزعل اخذ جنطت البلي ستيشن اللي هي كل شي بحياة ولدي واقطها فوق الكبت واحرمه سبوع كامل لما يتوب وفعلااا والله ان هالطريقه جابت فايده انتي شوفي شنو الشي اللي متعلق فيه ولدج او بنتج واذا غلط احرميه جم يوم مو اقل من سبوع خليه يتشفق لها ويتووب لا ينكسر خاطرج قوي قلبج لان هالشي مصلحه لهم

مره عايله فلسطينيه انا كنت صغيره والعب مع بنتهم عندهم بالبيت انجنيت من ابوهم يطق ولده بحزام البنطلون عشان نسبته اخر السنه 89 :080402ask_prv: انا لو ولدي يجيب هالنسبه اجيب طقاقه ورقص للصبح

.​

 

[Mi$$ RoRo]

مـــــــــشـــــــــــآء الله عليــهمـ

 

[دمعة يراع]

لوووول والله ضحكتني اللي بتجيب طقاقه لولدها

الخلل مثل ماقلتوا بالتربيه .. والمصريه يابنات اتجابل وتصك على عيالها وتطفي التلفزيون

اما بعض حريمنا .. نوم وطلعه وتلفزيون وتقول ليش الولد فاشل ؟؟ اكيد منج ؟؟

والدلع بعد يخربهم .. الابو يدلع والام والجده والخالات ويالله .... !!

وترى صج عيالنا لعبت فيهم الهديا والخرابيط . على اللي يسوى واللي مايسوا نشتريلهم

 

[حلم الطفولة]

رفع ..