سؤالي لخواتي المصريات شلون عيالكم يحبون الدراسه

[سموالاميره]

تبااااااااااااااااارك الحمن واللهم لاحسد

خواتي انا الاحظ ان عيالنا يكرهون شي اسمه دراسه وعيال خوانا المصرين تلقونهم يحنون عل اهلهم خلونا ندرس ابي اعرف طريقتهم لتحبيب عيالهم لدراسه واتمنى مايكون فيها حزازات او تفكير ثاني لاني اقسم بالله اني احب تربيتهم لعيالهم وثقتهم بنفسهم.


فياليت اللي عندها فكره تقولي.


تحياتي

 

[فطووومة]

الله يوفقهم كلهم يارب


ترى المصريين الله يعينهم يدرسون منهجين منهج السفارة عشان اذا انتقل لمصر ما يتأثر مرحلته الدراسية ومنهج الكويت

فما شالله تعودوا على الدراسة طول الوقت

 

[روقاء]

نفس السؤال يراودني دايما
عيالنا بالغصب يدرسون وهم عيالهم هوايتهم الدراسه
ما شاء الله

 

[ريماا]

اممم انا احس التغذية لها دوووور كبير احنا عيالنا معتمدين على الوجبات السريعة ولككاوات وغيرة من الاكل اللى مافية قيمة غذائية
اهم اكلهم الزعتر والفول واللحوم كلها لها قيمة غذائية
اهم معودين عيالهم على الحدوووود فى الامور الترفيهية عشان جذى الطالب عندهم مااافى شى يلهية عن دراستة اما عيالنا عندهم البى اس بى والبلى استيشن غير الالعاب اللى كل يومين يشترونها ويكسرونها غير القوارى والعرايس وفلة وتوابعها فالطفل عندنا سار اللعب شى مهم عندة
اهم الاب عندهم يسااعد الام فى دراسة الاطفال واحنا ازواجنا مايدرى الكتاب وين صاير
اهم يدرون انهم لو ماتفوقوا اذا مالهم مستقبل
واحنا عيالنا يدرون انهم لو ماتفوقو راح يتوظفووون او راح يدخلون جامعااات خاصة طبعا كلة على راس الاهل
وان شالله خواتنا المصريات بيفيدونج بتجاربهم الناجحة

 

[حلم الطفولة]

آنا صديقتي مصريه .....
وهذا مو تعميم عالكل ... بس بقول طريقتها , ولكم تعتبرونها مثال حق بعضهم مو شرط كلهم ..

صديقتي تداوم الصبح وساعات مسائي ...
تاخذ ولدها وبنتها معاها .. ,, وشوفة عيني ,, ...مممممم شقول .؟؟ ..... تصارخ عليهم وتشد وتقرص وتطق .. واله ان بنتها تقعد تكتب وهي الدمعه بعيونها ..

وآنا عشت فتره بمصر وشفت كم عايله كانو يعزمونا .. شديدين مع عيالهم .. شده شده مو أي كلام ..
ويطيعون ,, مادري يمكن لهم عقاب أقوى اذا ماطاعو أو شسالفه .. بس أشوف الام تشد والابو يخافون منه ..

وارد اقول هذا مو تعميم عالكل ,, هذا مثال شفته بعيني ,,,, .... ويمكن الفول له دور !!

 

[ليالي نجد]

المصريين جدا شديدين بالدراسه مع عيالهم خبرة 10 سنوات مع مصريات اشكال الوان وكلهم بالدراسه مايتهاونون
يعلمونهم ان الدراسه اهم شي بحياته

ويفسرون لهم ليش يتعلمون مو مثلنا خذوه فغلوه

بس ترى حتى عيالهم يكرهون الدراسه بس غصبا عنهم يدرسون احنا الدلع ذبحهم وشارين راسنا من حنتهم

الله يوفق الجميع

 

[أم عبووووود]

ماشالله تبارك الله

الله يحفظ عيالنا وعيالهم

المصريين سبحان الله معروفين بهالشي من ايام الفراعنة بالفطرة وماشاء الله عيالهم واااايد يهتمون بالدراسة واقل مكافئة يحسونها كبيرة

بس صدقوني احنا بعد لو نحاول نشد على عيالنا راح يصيرون هم ممتازين ويهبلون بس اذا بنخليهم على كيفهم ماراح نشف الا المقبول


اسال الله العلي العظيم ان يوفق عبوووودي وعيالكم

 

[on line]

اول شي الله يبارك لنا ولهم بعيالهم
انا من راي الاسباب كثيره تخلي الطالب الكويتي يعزف عن الدراسه اولا الدلع الزايد حتي لو منو الام او الاب تلاقينه من الجد او العمام او الخوال يعني الكل يدخل بتربيته معاج بعكس اخوانا المصرين وهذي يمكن نعمه لنا عشان ترابطنا كشعب كويتي
ثاني شي الكويت علي قولته مايموت جوع يعني حتي لو فشل بيفكر بالعسكريه او جندي واقل شي بيقول بدل بطاله يعني في بدائل بحياتعه تغنيه انه يحب او يستمر بالدراسه بعكس المصريين اعتمادهم الكلي علي الدراسه لانه مصدر رزق اساسي بحياتهم
عيالنا ماتعود علي المسؤليه دلع بدلع الجال من يطلع علي الدنيا حياته العاب ووناسه واي شي نازل بالسوق اول واحد عنده بسبب ومن غير سبب
عكس اخوانا المصرين حتي الوجبه بالمطعم لسبب او كنوع من المكافاه

مواقف شفتها بعيني مره شفت مصري قلتله نفس السؤاشلون تربون عيالكم
قالي مش حتستحملي
يقولي قبل ابوهم لي غلطوا ولا تهاوشوا مع بعض كان يربطهم بالشمس يوم كامل بدون اكل وهي مره ولاتنعاد لانه تعلم منها .....نقدر نسوي جذي؟؟؟؟ مااعتقد
وعندي اخوي بالثانويه ربعه مصريين يقول الصيف كله يدرسون المنهج للمرحله القادمه ............... نقدر ندرسهم جذي؟؟؟ولا نقول حرام خل يستانسون بالعطله
الله يصلح عيالنا ويهديهم ولو بنسوي نفس اخوانا المصرين احنا بنتعب قبل عيالنا
واسفه علي الاطاله

 

[*نور الكويت*]

وآنا ناطره خواتنا المصريات :d

 

[سموالاميره]

فعلااااااااااااااااااااا
كلامكم مقنع وفعلا اذا في احد مصري يقولنا شنو سركم تبارك الرحمن؟؟؟؟؟

وتسلموووووووووون على ردودكم يالغاليات.


بنتظاركم خواتي

 

[zoom]

اتوقع انهم يعاقبون عيالهم عقاب عسير علشان جذيه يخافون ان يسقطون او تنزل علاماتهمما شاء الله عيهم مو احنا مدلعين عيالنا ولانهم يعرفون ان هذا مستقبلهم الله يوفق عيالنا وعيالهم

 

[حصوووصة]

ذكرتونى بزميله معاى بصفى بالمتوسطة
تبجى جايبة 19 من عشرين بمادة الاقتصاد المنزلى وتبجى بجى على الدرجة الناقصة
والطالبات الكويتيات على دواويحهم الضحكة شاقه الوجه

التربيه اكيد لها دووووووووووووووووووووووووووووور كبيييييييييييييييييييييييييييييييييييير

 

[سموالاميره]

فعلا هذا اللي كنت اشوفه ايام الدراسه ان على النص وعى الدرجه تنجن جنونهم..
واحنا نتمنى على الحفه.


بنتظاركم

 

[قمر الليالي]

كلام اختي ريماا صح فعلا تربيتنا غلط والأب مايساعد كلش كله ع الام فقط
والدلع الزايد بالالعاب او السينمات وغيرها000000000000
والصيف نقول حرام نرهقهم مع ان غلط
والله من الكلام هذا خليتوني افكر بتربية عيالي واشد عليهم من اليوم ورايح
واللعب لعب والجد جد

 

[سيدة الكويت]

الصراحه السبب الرئيسى انا الأب يساعد الأم بالتدريس وحازم ....مو مثل ريالينا حتى ما يدرون عيالهم اى صف ولااهتمام ايد وحده ما تصفق

 

[malekatsabaa]

من خلال تجاربنا مع المصريين
الدراسه عندهم رقم واحد في الحياة ..قبل الاكل والشرب
في الصيف يحفظون منهج السنه اليايه
كانت عندنا مدرسه مصريه..سالناها شلون ولدج متفوق؟قالت اكافأه..قلنالها بشنو>>حسبالنا بكمبيوتر ولا لعبة فيديوالخ
قالت اشتريله بلوفر يديد ..عاد احنا حلوجنا تبطلت..

الزبده ان مافي دلع زايد مافي دي اس ال ولابتوبات حق يهال بو9 سنين مافي سوني مافي طلعات وسفرات ونوادي

دراسه في دراسه

جربوها وعيالكم راح يصيرون مثلهم ..محد مخرب عيالنا الا الدلع

 

[سبائك]

التربيــــــه


المصريين تختلف تربيتهم عننا

فيهم شده وحزم وصرامه يعني كلمة حضرتك ما تطيح من لسانهم حتى حق ابوهم وامهم<<< يعجبوني الصراحه

وقلوبهم قوية شديدين ماشاءالله عكسنا احنا قلوبنا رهيفه بسرعه يكسرون خاطرنا عيالنا وبالويك اند مانشد معاهم ونخليهم يدرسون لا نخليهم من زواره لي زواره وطلعات ولعب

 

[نداوي]

سألت المصريه اللي معاي بالدوام طلعت ذابحتهم من الطق واذا نقصت درجاتهم تحر القفشه عالنار وتجويهم!!!!!!!!!! لا وتقول هذا مستقبلهم بكرى لما يشتغلوا يعيشو ويعيشونا معاهم احسن عيشه ومنحتقش لحد..........انصدمت منها وايد هاديه مو مبن عليها اعصاب بس صج انقهرت عليهم مساكين

 

[asala]

السلام عليكم يا خواتي .. ترى الموضوع وايد عجبني .. أنا مو مصرية بس حابة اقول رايي بصراحة ويا ريت تردون علي .. وموضوع التربية والتعليم صج من اهم الامور الحياتية...

عيالي والحمد الله الله يباركلي فيهم ويخليلكم عيالكم يا رب يوفق الجميع .. الحمدلله عندهم البي اس بي ولاب توب ودي اس ال وكل يبونه موجود وبعد ولدي صف 3 بمدرسة بريطانية ، شاطر وعلاماتها دائما حلوه ومدرسينه وايد يمدحونه ، يعني ما اظن ان لازم ينحرم علشان يحب الدراسة بس انا ش سوي ، اقارن العلامات بالمكافآت يعني الحين انا بنطر الاسبوع الياي العلامات واهو ناطر الاي بوت وما دري شنو بعد.. , اهو تعود وقت الامتحانات درس وبس ، لما يقعد معاي ساعتين وراهم لعبة ودي في دي يدد ووجبة على كيفه .

بصراحة انا مجابلته ، وترى والله ابوه ما يدري عنه شي بس وقت الربورت يشوف .. عيالنا امانه ، ولوحدهم ما يقدرون يتأسسون ، اللي أشوفه ، ان السالفة تعود وبس ( يعني عادات يمشون عليها .. ) وعمري ما ضربته أو مديت ايدي .. بس ازعل واحقره اذا عذبني وما درس عدل . وما اوديه لا مولات ولا حق ربعه .. والحمدلله الامور ماشية زين . بفضل الله سبحانه وتعالى ..

نراقب حالنا أول وبعدين نحاسب عيالنا ... مشكورين .. وياليت تردون علي ......

 

[بوران]

اي و الله مشالله عليهم و فوق هذا شوفي الادب و الثقة بالنفس يعني قعدي سولفي مع ياهل بو سنتين ياخذج بالحجي لا اله الا الله و احنا لو تسألين واحد عمره 13شسمك يتبلعم
يعني مرة بماكدونالد شفت موقف صبي مصري مع ابوه يمكن في عمر 13 12 سنه كان بياكل الفرايز و ابوه قاعد يقرا جريدة جان يطالعه ابوه و جنه قاله انطرني على طول الولد هد اللي بيده و نطر ابوه و هم لاحظت انه الابو كان وايد محترم ولده يعني قاعد يسولف معاه جنه قاعد يسولف معه ريال
و اهمه بعد فوق الشدة و الصرامة احسهم وايد يحترمون عيالهم احنا لأ نحتقر الياهل يعني مرة شفت وحدة لبناينة بمركز سلطان قاعدة تتشرا صوب الخضرة و تتشاور و تسولف مع بنتها ام 3 سنين