سؤالي عن الافرازات اللزجة وقت التبويض

[boliana_q8]

السلام عليكم ورحمة الله وبركاته

حبيباتي امهات المستقبل

في شغلة ماني فاهمتها حدي خايفة وقاعدة احاتي

انا صارلي ثلاث شهور اخذ كلوميد لان فيني ضعف تبويض

وهالشهر كان تبويضي جيد وعطتني الدكتورة ابرة تفجيرية

وقالتلي الجماع بعد 36 ساعة
المهم
كل البنات يقولون ان اذا صار تبويض ينزل منهم افراز مثل زلال البيض
وانا قبل لا اتزوج وقت التبويض ينزل مني سائل لزج وبعد ماتزوجت ماقام ينزل مني
لكني مستغربة هالمرة ما نزل مني معني ماخذة الابرة يعني المفروض في تبويض
رحت سويت سونار وقالتلي الدكتورة ان صار انفجار والبويضة طلعت من المبيض
بس اشلون مانزل مني افرازات لزجة؟؟

سؤالي يا بنات كلكم ينزل منكم افرازات لزجة وقت التبويض ولا موشرط؟؟
واذا ماطلع مني افرازات يعني ماكو تبويض؟؟

 

[boliana_q8]

بنات الي تدخل صفحتي وماعندها فكرة لاتطلع بدون لاترد عالاقل ادعيلي الله يرزقني ويرزقج الذرية

 

[غلا التركي]

ياحياتي انا ماعندي فكره بس عسي ربي يكتب لج الذريه الصالحه
ويكتب لج الحمل هالشهر
يارب

 

[تعبت اصبر]

الغالب يصير فيه افرازات وقت التبويض بس مااتوقع انه شرط لحدوث التبويض
وانتي تقولين انه تبويضج جيد وان الدكتوره عطتج ابره معناته فيه تبويض الحمدلله
لاتحطين ببالج الافرازات دام فيه تبويض ع كلام دكتورتج
الله يكتب لج الخير ويرزقج بالذريه الصالحه حبيبتي​

 

[boliana_q8]

الله يسلمكم بنات ويرزقنا ويرزقكم الذرية الصالحة

والله حدي قاعدة احاتي وافكر
كل يوم قاعدة ادعي ربي اني اكون حامل
واحس الايام ثقيييلة
30 الشهر بحلل ويااااااااااااااااااااااااااااااااااااااارب حاااااااااااااااااااااااااااااااااااااااااااااااامل

 

[boliana_q8]

تعبت اصبر
الله يسمع منج
انشالله مايكون الافرازات شرط للتبويض
ياربي يرزق كل محرومة

 

[شوقني ياشوق]

اااممم
انا عن نفسي اعرف ايام التبويض من السائل اللزج
ولامره صار معاي اني ما شفتهم
بس يبقا الافراز علااااامه على التبويض يمكن ما يكون ضروري
اسالي دكتورتج اكيد راح تقولج اهميه الافراز

 

[boliana_q8]

شوقني مشكورة عالرد

 

[*ماي الورد*]

صارت فيني
قبل لا اسوي سونار علشان اشوف البويضات
سالتني الدكتورة في افرازات قتلها لا اخترعت الدكتورة و بسرعة سوتلي فحص جان تقولي فيه بس الظاهر انتي مو حاسة

 

[boliana_q8]

ماي ورد الله يبرد على قلبج مثل مابردتي على قلبي
مشكورة على ردج
عطيتيني شوية امل

ادعيلي احمل هالشهر

 

[ma7rooma]

عادي انا مره الافرازات اشوفها ومرات لا ربي يرزقج ان شاء الله ويرزقني يارب​

 

[boliana_q8]

الله يسمع منج محرومة ويرزقني ويرزقج ويرزق جميع البنوتات

 

[ABEER FLOWER]

ربي يرزقج ما تتمنين حبيبتي

: )

 

[بياض]

الغالب يصير فيه افرازات وقت التبويض بس مااتوقع انه شرط لحدوث التبويض

وانتي تقولين انه تبويضج جيد وان الدكتوره عطتج ابره معناته فيه تبويض الحمدلله
لاتحطين ببالج الافرازات دام فيه تبويض ع كلام دكتورتج

الله يكتب لج الخير ويرزقج بالذريه الصالحه حبيبتي​

نفس الكلام الله يرزقك

 

[موجة ~ بحر]

في احتبار حق التبويض تشترينه من الصيدلية يساعدج في معرفة يوم التبويض

 

[جنون الهوى]

الله يرزقك بالذريه الصالحه يالغلا​

 

[الاهله]

الله يرزقج يارب ويرزقنى قولي امين

 

[boliana_q8]

اميييين الله يسمع منكم

 

[boliana_q8]

في احتبار حق التبويض تشترينه من الصيدلية يساعدج في معرفة يوم التبويض

شريت هالاختبار
بس ماطلع شي
يطلعلي ماكو تبويض
والله محتارة بس الله كريم
قدر الله وما شاء فعل

 

[عاشقة الاسلام]

الله يرزقك بذريه الصالحه ويرزقني معاج
ويرزق كل محرومه
اللهم امين