سؤالين لعروس متوتره بليز

[a7вĸ мσσστ]

ااااب

 

[غراام الورد]

صراحه صدمتني اللي تقول ان الحمام المغربي كثره يسمر وناوويه اسوي حمام مغربي دايم

عاد انا جسمي مو موحد اللون منغثه حيييل وعندي خلطه بسويها كل شهر بسوي حمام مغربي لان زواجي شكله مطووول واذا حسيت طلعت نتيجه مابقصر ابشري بسردها لك بكل حذافيرها..

 

[ريري 2012]

اب لعيونش الله يوفقش يارب ويوفقنا ياعرايس صدق العروس تحتاج احد يدعيلها بهذا اليوم 

 

[عروسة كانون]

الله يوفقك حبيبتي
ويوفقنا جميعآ

 

[بقايا كحل]

الله يوفقج

 

[معلمة شيسمونه]

منو يقول الحمام المغربي يسمر

انا صار لي 3 اسابيع اسوي كل اسبوع

جسمي صار ناعم حتى الامكان الخشنة بدت تصير انعم من قبل
وصار فيه لمعه بس طبعا انا بعد الحمام المغربي ما يخلص
احط خلطة واتشطف اخر شي
الخلطة هي
شوي هردة شوي زيت زيتون شوي ترمس مطحون وشوي ملح الحليب
يبوووووووووووووووي تصيرين زبدة زبدة حطيها وقولي للصالون يشغلون البخار 5 دقايق وتشطفي وطلعي
حتى ما تحتاجين لوشن ولا شي

 

[ya al3rosa]

اب
البنات ما قصروو

 

[قلبهـ 86]

الله يتمم عليج يارب

 

[بيلسسان]

على الموضوع هذا حسيت نفسي تايهه
بصراحه مالي خلق سوالف خلطات ولا حمامات مغربيه


والحف مقدرو عليه

 

[عجزت افهمهم]

هلا قلبي​

اسفة على التاخير​

وسوري على اسلوبي محشومه حبيبتي ما قصدت بس كنت بطلع ​

انا بقولج شنو اللي سويته وانتي احكمي :​

دقيت على كل اللي عندهم برامج وبالنهايه اكتشفت انهم مجرد نصابات بس مسويه لج مجموعه اعمال بسعر دبل واشياء انتي مو محتاجتها كلها
يعني انا مو محتاجه تركيب اظافر وهالسوالف يعني خلينا منها الحين​

جم باقي على عرسج ؟
اذا الموعد بعيد ابدي سوي حمامات مغربيه مرتين بالشهر
في عضوه اسمها حبيبة العلي هي كانت صاحبة صالون وبطلت اعتقد شي جذي وجزاها الله الف خير كاتبه خلطات تينن​

سوي نفسي انا اروح صالون بالرقعي يسوي حمام مغربي اهم شي انه نظيف واللي فيه تفرك زين واسوي بدون خلطات
اخذ معاي خلطة مسويتها + مرطب لجسمي + ملابس + فوطه + ليفتي المغربية + حمام زيت + شامبوي ​

تفركني وتسنفرني لما تخلص تقولي تشطفي
اغسل جسمي بصابوناتي فير اند وايت بالاحماض وبفيتامين سي واشطف عقب اقولها شغلي البخار طبعا عقب ما خلصنا الحمام
احط الخلطة وتشغله 5 دقايق عقب اشطف جسمي عادي بالماي واغسل شعر بشامبوي لانه بعضهم شامبواتهم تدهن الشعر بعضها​

والله اطلع من الحمام زبده زبده وجسمي يلمع لمع والسر الخلطة الاخيرة اللي انتي تسوينها تره ااا شي بسيط
وانا ادور بالمنتدى واخذهم​

استمري على هالطريقة بكل حمام مغربي انا سويت واحد بعشره وواحد ب 7 وواحد ب 5
اخرتها لقيت بو 5 احسن واحد طبعا الهندية كانت زينه
ولاني اكتشفت انه خلطاتهم سنفرة مشمش كاتين فوقها قفشة ماي ورد !!!
وتخلص اقولها وين الخلطة تقولي هذه .... حسستني اني خبلة​

ما علينا استمري على هالحمامات بهالطريقة واخر شي قبل العرس سوي الملكي بو 30 دينار بمكان محترم وحمام تعطير ​

نجي قبل العرس باسبوع
اختاري صالون محترم انتي عارفه انه شغلهم راقي ودقيق
سوي حمام ملكي
شقري جسمج
سوي بدكير ومنكير
حفي جسمج كله
ويهج
حواجبج صبغ وتشقير ترى نفس النتيجه بس احسن من الحف انا ما احف صراحه
وتطلعين عسسسسسسسسسسسسسسسسسسسسسسسسسسسسسسسسسسسسسسسل​

في برنامج احلى من جذي والله ما فيه ​

طبعا في شغلات لا بد من انج تسوينها من قبل
شعرج اذا كشه سوي الريبوندنع او الماتركس او اليوكو اللي يكون اسمه اهم شي شعرج ييصير ستريت اذا انتي حيل كشه مثلي​

شعرج اذا باهت في شغله اسمها ماسكات تلميع للشعر وفي شمع للشعر يسمونه واكس يسوي الشعر لمعه وبلون بعد​

واذا شعرج متقصف قصي الاطراف وسوي ماسكات للشعر عندج ماسكات لوريال وايد يمدحونهم بس شريتهم وما جربتهم صراحه​

في نصيحه صغيرونه سويها مني ليوم العرس وبعدها بتشكريني
في كريم ترطيب وصفته لي الدكتوره 500 مل ب 13 دينار بس يسوى اسمه svr​

يسويج شمعه دهني جسمج ورا كل سبحه منه وكل وقت تقدرين اي مكان صراحه ترطيبه فضيع يسويج ناعمه ناعمه
حتى لو الشعر بجسمج توه طالع ما تحسين الا بالنعوووووووووووووومه
وكل ما رطبتي اكثر بيصير بجسمج لمعه ونعومه مثل البيبي ​

اممممممممممممم الاكواع والركب
في كريم اسمه اليكسال ب 3 وشوي حطي منه يوم وترك على الاكواع والركب والاقدام من تحت اي منطقه خشنه
بس شههههههههههههههههههههههههههههههر واحد وعقبها وقفي مو اكثر ويوم وترك ​

طبعا الكريم هذه مع كريمات ثانيه ما كتبتهم لج وصفتهم لي دكتورة جلدية لاني طلبت منها برنامج وصج صج حصلت نتيجه بالذات من هالكريمين ​

وموووووووووووووووووفقه بعد عمري
منتي محختاجه برنامج بس محتاجه ترتيب هالافكار حسب وقتج واحتياجج
واي مساعده تراني حاضر وممنونه ما ابي الا دعوه صالحه
واي شي تبينه انتي او اي احد من البنات دزوا لي خاص لاني ما ادش وايد بس اجيك على الخاص​

موفقين قلبوووووووووووووووو​

الصراااحة الله يوفقش مااقصرتي
حمستيني اسوية انااا بدون ماروح الصالون بس ربي يوفقش وانشاء الله :dاسوي مثل الي قلتي

 

[معلمة شيسمونه]

تسلمين قلبو على هالدعوات

بس انا نفسج كنت مفكره انه الصالون بينفعني اكثر بس لقيت اني كملت الشغلات بنفسي
واليوم والله اتصلت بصالون بقرطبة سالتهم بجم برنامج العروس قالوا 10 ايام ب 450 دينار
بغى يغمى علي !!!

وحاطين اشياء انا ما ابيهااااااااااااااا اصلا خاصه سالفة تركيب الاظافر اللي رازينها بكل برنامج تغث

 

[شموخ داري]

اب اب اب اب
لعيونكم بناااات

 

[عايشه بدونه]

ربي يوووفقك

 

[هامش الطيف]

مو كل الصالونات برامجهم مو حلوه
عندج لميس برنامجهم ب ٨٠ و حلو حيل
انا عن نفسي اشتركت برنامج هيربل سبا وحيل حيل حيل عاجبني
وناويه اكمل حمامات مغربيه عندهم بعد العرس
و دعواتكم ي حلوات

 

[قطوة@@]

فووق

 

[جنزبيلا]

بعد عمري معلمه الله يوفقج ريحتي بالي

ومشكوين كل البنات اللي ردوا


بس البرلفين يصير للجسم كله ؟
ومتا يكون بعد الحف والتشقير؟




وعندي سؤال في حبوب تنزل الدوره بسرعه ؟
صلرلي اسبوع اشرب مرميه ودارسين ناكو فايع ووقتها مو شي قبل العرس وبالعرس وبعده
يعني شلون بحف وانا نوعي اكتئاب وقتها شلون بكون عروس حلوه؟


مابي ااخرها لان قالو لازم قبل وقتها بخمس ايام وطاف هالوقت ابيها اليوم بالكثير شسوي ؟؟؟

 

[جنزبيلا]

معلمه حمام مغربي ب5 ؟؟

انا اسوي ب15 ومرات ب20 !!

بس بالبيت

وحمام التعطير وين احلا مكان يظبطه ؟

 

[معلمة شيسمونه]

هههههههه اي ب 5 وعندهم ابو 10 وعندهم ابو 15

الحمام العادي ب 5 من غير شي
جربت ابو خلطات ب 10 بصراحه خلطتهم تفشل شوية سنفرة مشمش مع ماي ورد ؟؟ او قفشة حليب ؟؟

سويت خلطتي بنفسي ورحت سويت ابو 5 وصعقت لما لقيت حمام ب 5 اسويه كل 5 ايام لوووووووووووول

والبرافين يصير للجسم كله بس انتبهي مو اي صالون يضبطه

احلى صالون تعطير للجسم على مدح رفيجاتي كوزمو الي بالمهلب يقولون الريحه تلصق بالجسم اسبوع
بس م ا جربته صراحه واعتقد ب 15

وان شاء الله خير

 

[جنزبيلا]

معلمه ياحسافه علي بو 20 هههههههههه

عفيه وين بو 5 هذا باقيلي حمامين قبل العرس احط فلوسهم بشي ثاني اولى هههههه

 

[ana almessa]

مشكوره على المعلومه (معلمه شيسمونه)
بس استفسر اقدر اسوي البرافين بالبيت لان ودي 10ايام قبل الزواج اسويه ومحتاره ينفع او لا مدري اذا سويتيه مره وحده شنو نتيجته على طول نعومه وتضل قاعده ايام او شنو فايدته مره وحده
بليز ردي علي ضروري ودي بكره ابدى فيه مابقى الا اسبوعين