سؤال؟؟؟

[قلب ريلها]

السلام عليكم اخباركم بنات حبيت اسالكم انا لي من اجهضت 47 يوم تقريبا" وللحين مانزلت الدوره رحت المستشفى جيكت بالسونار وتحليل مافي حمل وعطتني الدكتوره دوفاستون خمس ايام
وعقب بتنزل انا بصراحه ما استخدمتهم لاحين سؤالي هل للتاخير يصير تبويض او لا يعني يصير احمل لايام اليايه بدون لتنزل.و لازم تنزل أدوره

 

[lawyara]

اهي جايز عند البعض تتأخر شهرين من تاريخ الاجهاض ،، بس لازم اتجيكين على مبايضج وانه كل شي تمام
ويصير تحملين قبل لا تنزل الدوره بس على فترة التبويض ويقولون عادة التببويض بعد الاجهاض باسبوعين بس مادري اذا في تبويض متاخر
الدوفاستوون يعتبر مثبت للحمل فمادري شلون له علاقه انه ينزل الدوره !

 

[قلب ريلها]

والله مادري فيها جيكتني وقالت مافي حمل والحمدالله مافي تكيس بس قالت اكلي دوفاستون خمس ايام مرتين في اليوم وعقب بتنزل اللي اعرفها يعطون برمولت نور بس اهيه ماعطتني الا دوفاستون

 

[Aloe Vera]

الدوفاستون ينزل الدورة اذا مو حامل
و يثبت الحمل اذا حامل
و الله برزقج الحمل السليم و الذرية الصالحة عاجلاً

 

[أأأميرة الورد]

عاااادي الدوره تتاخر عقب الاجهاض

شربي اشياء دافيه ميرامية وبردقوش وراح تنزل عليج

 

[tota77]

الحبوب هذي اتوقع اذا كان في حمل تثبته او تنزل الدوره

بس عادي يصير حمل بعد الاجهاض بدون لاتنزل الدوره

انا من اجهضت بتارخ ١/٢٢ ومانزلت علي الدوره والرحم كان نظيف نطرت وبين معاي حمل بتاريخ ٣/٣

..

ان الله كاتبلج بتسهل انشالله والله يكتبلج الي فيه الخير

 

[قلب ريلها]

مشكورين وماقصرتوا حبايبي. يعني. اكل لحبوب او اخليها تنزل متى ماتنزل

 

[مــتــنــحــة]

عادي اكلي الحبوب مامنها ضرر ان شاءالله

اذا فيه حمل بتثبته باذن الله

اذا مافيه حمل راح تنزل عليك بعد ماتوقفينها بكم يوم

والله يرزقك يارب

 

[M!SS.LOBY]

الله يرزقج

 

[نسمات 26]

أخذي الحبوب افضل
اذا ماكو حمل بتنزل الدورة واذا في حمل يثبته
وحاليا اخذ حبوب الدفستون لتثبيت الحمل ما يضر

 

[نبض السعاده]

خليج علي الحبوب
من تاريخ الاجهاض يفضل شهرين او اكثر ماتحملين
اسالي احسن اادكتوره

الله يرزقج

 

[fofowa_q8]

مادري عن الحبوب بس الحمل ممكن يصير

على طول بعد الاجهاض قبل لاتنزل الدورة

هذا اللي صار معاي.. ويمكن مايبين بعد توالناس