سؤاال لأخواتي السعوديات ؟

[قانون كـيفي]

شنو تتوقعين من ناس لما الحين تشوف ان المراة مالها حق انها تسوق؟؟؟

ما أقول الا عماري ياكويت ز الله يحفظج من الرجعيين و المتخلفين!!!

تدرين عاد اقتبست ردك وفي نيتي ارد عليك رد بنفس المستوى

بس اليوم جمعه ويعتبر عيد للمسلمين وجمع للمسلمين

فخلينا نرتقي شوي وتركي عنك النغزات ترى والله مو حلوه :d

وخلي خليجنا واحد حبيبتي :d



شغله ثانيه

اذا فيه سعوديات ردودهم تضايقك فما عليه هم فاهمين الموضوع خطأ

والموضوع اساساً لهم يعني لهم حرية الرد وانتي عليك تقرين بعد جبدي :d






بالنسبه للموضوع

السواقه شي مهم لكل مجتمع لانها تعتبر وسيلة نقل في العصر الحاضر

مثل ما كان فيه وسيلة نقل في العصر القديم ( الخيل والابل ........... )

بس انا ضد السواقه..... >>>>> ليييييش نبرااااس :d

تقول لكم القاعده

درء المفاسد أولى من جلب المصالح

اول شي المدينه الوحده في السعوديه نضيع فيها لان متشعبه وكانها اثنين بواحد ( مدينتين بمدينه )

فمثلاً انا ليه 3 سنوات اداوم الجامعه واركب قدام مع ابوي او اخوي والين ذلحين ماحفظت الطريق

وما اعرف اني وصلت الجامعه الا لمن اشوف صور الجامعه هههههههههههههههههه



ثاني شي الشعب السعودي شعب تعود على اهلاك الرجل فلو شعر الرجل السعودي في لحظه بالفراغ

فلربما يؤدي هذا الى انحرافه فيجب علينا نحن معشر النساء السعوديات كرفه قدر المستطاع ههههههههههه>>>اجرام



ثالث شي

السعوديه دوله كبيره جداً وبعض النساء كل ما زعلت من زوجها ولا تبي تسوي فيها شخصيه انتحاريه

دقت سلف وعلى خط الصحراء اقصد الخط السريع وهذا سيؤدي الى الضرر بها وبمشاعر ذويها



رابع شغله

جنوب المملكه شوارعه تقولين شوارع امريكا

تعرفون الطرق الامريكيه ( الخط المزدوج ) الي بين المدن

الي يجيك على يمين الخط صحراء وعلى يساره صحراء

ومافيه نور ابد

هذي حالتنا بجنوب المملكه يعني اي مصيبه رحتي فيها

مثلاُ مره كنت انا واخوي وزوجته مسافرين وعلى الخط الامريكي المظلم

وكانت ورانا سياره شباب يلحقون ورانا

لحظوا انا قلت معاي اخوي

ومع كذا اخوي ماقدر يوقف وحاول يزود السرعه الين وصل الى اقرب نقطة تفتيش




سابع شي الزحمه ذبحتنا ونحن الحريم ما نسوق

اجل لو سقنا وش يصير .؟؟!




سادس شي مازلت متمسكه عند راي

درء المفاسد أولى من جلب المصالح

وحقيقه والله مو خيال

اغلب السعوديات موافقين امر عدم السواقه



سابع شي باركوا لي نجحت :016:

ولا تتهاوشون >>>بسرعه تعصب​

 

[قانون كـيفي]

Sama Kuwait حبيبتي مشكوره على الموضوع

بس والله فيه بنات يقطون نغزات وفيه بنات فاهمين الموضوع خطأ وهذولي الي بيسون مشاكل بالموضوع

وفيه وحده لو دش الموضوع هذا فانا ابشرك ان الموضوع محذوف

بس هي الين ذلحين مادشت واذا دشت راح اقول لك




ديمه قلبي تعرفين منهم وسط السعوديه

هذولي البدو طال عمرك

ولا قلتي اسمهم حطي يدك على راسك

اساس السعوديه بكبرها نجد

فعيب رمي الكلام

 

[شموخ انثى 94]

هههههههه لا شدعوه حبيبتي
هي ماراح تسوق الا وهي عارفه الطريق عدل واذا ضيعت عادي تدق على احد من اهلها ابوها اخوها يجون وياخذونها

 

[Sama Kuwait]

حيااج الله اختي وانا طارحه الموضوع لكم انتوا لخواتي السعوديات اذا غير السعوديات عندها راي تتفضل بعد وهو لتقاش الودي الاخوي وبدون تجريح وهذا العشم فيكم ولله الحمد اما البعض اللي تقولين عنهم الله يعينهم على نفسهم وانا ما احب كثر اللغو معاهم واحب اطنشهم اريحلي والله يبعدنا عنهم ويكفينا شرهم والله جمعيين الناس على الراس سؤاا العلى الجليل كرمهم سبحانه وخلقهم بشر فالجمييع على الراس

وبيني وبينج انا سألت خالي و قلته اذا اقروا وسمحوا السياقه للبنات ترضى انه بناتك يسوقون فرد علي وقال والله ارضي يسوقون و اسوق الخدامه بعد ( هههههه يا حلوه فديته غشمرجي ) عشان ارتاح شويه من الكرف للعلم ان عندهم سواق بس انتي ادرى بمكان المعاهد والجامعات كل واحد دوامه بمكان وبعيد فالسواق بروحه مايكفي و خالي يوصلونهم بعد و بعدين رحت و سألت بنات خالي و كلهم قالوا لأ لان السواق اريح

وحيااكم الله والاختلاف بالرأي حلو ينعش الموضوع ويرثي النقاش طبعا بحدود الادب اللي متأكده ان الجمييييع يتمتع به

sama kuwait حبيبتي مشكوره على الموضوع

بس والله فيه بنات يقطون نغزات وفيه بنات فاهمين الموضوع خطأ وهذولي الي بيسون مشاكل بالموضوع

وفيه وحده لو دش الموضوع هذا فانا ابشرك ان الموضوع محذوف

بس هي الين ذلحين مادشت واذا دشت راح اقول لك




ديمه قلبي تعرفين منهم وسط السعوديه

هذولي البدو طال عمرك

ولا قلتي اسمهم حطي يدك على راسك

اساس السعوديه بكبرها نجد

فعيب رمي الكلام

 

[دلوعة حسّون]

سما مشكورة حبيبتي على الموضوع
الحريم بالسعودية مايسوقون والصراحة انا اشوف الافضل مايسوقون
صعبة بالسعودية المرة تسوق
اهني بالكويت الطرق تساعد بالسعودية الطرق شوي تبيلها ريال
ورأيي الشخصي ا المرة بوجه عام ما تسوق إلا للضرورة
انا اخاف مادري ليش ما اروح بالسيارة إلا للجمعيه
ومرة دشيت بطوفة هههههههههه
الله يعافي الجميع​

 

[PO PO22]

ههه جني اشوفكم يالسعودياات اول لما يقرون السيااقه على طول تسوقون وخااص بنااات منتدي كويتياات ههه
فديتكم

منورين منتدي كويتيااات

 

[ديـمه]

نبراااااااااااس

ديمه قلبي تعرفين منهم وسط السعوديه

هذولي البدو طال عمرك

ولا قلتي اسمهم حطي يدك على راسك

اساس السعوديه بكبرها نجد

فعيب رمي الكلام

مااحد جاب طاري البدو لاتتلزقين وتدخلين بحمية الجاهليه على بو بدويه وداخله فزعه
لان كل السعوديه تعرف ان الجنوبين فلاحين ايه فلاحين يعني مايقربون للبدو شي
والمنطقه الوسطى مش كلها بدو سلالالالالامتك فيها البدوي والحضري الا اذا انتي فاهمه ان كل عيال القبايل بدو فانتي مايتجاوز عمرك ال16او 17وحرام فيك الرد
هذا اولا
ثانيا
لما تطرين اسمي المره جايه باي تعليق تحطين يدك على فمك فاهمه
لا بعد مسويه فيها خفيفة الظل وتتفلسف
لو انك بالعه العافيه ازين لك قال يعني مثقفه سوت من السعوديين اهل الكهف وضحكتي الناس علينا
لا ابشرك اذا مابعد وصلت لمنطقتكم التمدن والتحضر تراها موجوده بمناطقنا ومن مبطي وانا اولى من يدافع عن اهل نجد
والرجال عندنا يمشي بحاله مثل ما البنت والبلد مليان عيال الحلال الي يردون الناس الشواذ في حال حاولو انهم يتجرأون
وامريكا الي تعيبين علي شوارعها الحرمه والرجال فيها يسوق
ياشين التلزق بس اقول

 

[قـہۈه فـرنسيـہ™]

كل وحدة تحفظ السانة وادرى الىردو على اكيد انهم صلب بنات القبايل مايردون جذية

ياربي لك الحمد والشكر .... الظاهر انج من ربع الجويهل:d ههههههههههههههههههه صج انج داااااااااااجه ...أقول لو تسكتين أحسسسن لا تفشلين عمرج حتى كلام نفس الأوادم ما تعرفين تكلمين

 

[قـہۈه فـرنسيـہ™]

ديمه حبيبتي ...طاااااااااااف ...لا تحاورين عقليه توها ما نضجت بتتعبين

 

[ملآمح يوسفية]

وي وي جني اشم ريحة هوشه , ..

شســـآلفة شفيكم ليش تتهاوش < مالي خلق ارد الصفحات اللي قبل :dddds:..

لا جد يعني يابنات عيب شنوو يعني ترى كلها سؤااال قلبتوها هوووشه ماتسسووى ,
:jumpon:

 

[غلا الغوالي]

شنو تتوقعين من ناس لما الحين تشوف ان المراة مالها حق انها تسوق؟؟؟

ما أقول الا عماري ياكويت ز الله يحفظج من الرجعيين و المتخلفين!!!

امممم اللي يحب الكويت يقعد يدافع عن ايران كل شوي وشويات اللي شغاله تجسس باالكويت

دمار ياايران دمااااار

وعمار ياكويت عمااااار

وصاحبة الموضوع سوري ع مداخلتي القويه

:weight_lift:

 

[~ بنت الهدى ~]

واي كل موضوع هوشه ليشش

عيب ترى انتوا كبار
وشكو ايران بالسالفه
يبا عمااااااااااااااااااااااااااااااااااااار يا ايراااان وعماار ياكويت و عمار يالسعوديه
بسكم نجره خلااص

 

[مليت من الاسامي]

ههههههه
شدعوه شدعوه
اذا ندل ليش نضيع
بالعكس منطقتي وادلها مراح اضيع عشرة عمر
بصراحه بدون زعل موضوع طول وعرض على سؤال سخيف

 

[شــغــب]

شدعوه ليش الموضوع قلب لـوول

هذي حالنأ دايمأ .. أي عضوه تحط موضوع عن سعوديه او الكويت

لازم تصير مشأكل !!

خلاص حبيبأتي أنتو مو صغار

وكل وحده عقلهأ براسهأ

والله عيب

شدعـووه

<<< على فكره كويتيه لـوول

الله يحفظ الكويت واهلهأ

والله يحفظ السعوديه وأهلهأ

مشـكوووره حبيبتي صأحبه الموضووع

والله يعينج لـوول

 

[Sama Kuwait]

اذا السؤال سخيف ليش اهتميتي ودخلتي للموضوع ورديتي عليه ؟

و انا مو محتاجه لردج والحمدلله والشكر
الانسان المسلم يا انه يقول خير ولا يسكت يكون احسن هذا من تعليم دينا ومننصايح رسولنا الكريم
ترى ان الواحد يغلط على الثاني ما فيها شطاره ولا راح تاخذين جائزه فيها
وانا ما غلطت فيج بشي عشان تقولين جذي

واذا سخيف على قولتج جان ماشفتي كل المشاركات والتفاعل الحلو ماشاالله
والحمدلله والشكر

ههههههه
شدعوه شدعوه
اذا ندل ليش نضيع
بالعكس منطقتي وادلها مراح اضيع عشرة عمر
بصراحه بدون زعل موضوع طول وعرض على سؤال سخيف

 

[سرى اليل]

ياربي لك الحمد والشكر .... الظاهر انج من ربع الجويهل:d ههههههههههههههههههه صج انج داااااااااااجه ...أقول لو تسكتين أحسسسن لا تفشلين عمرج حتى كلام نفس الأوادم ما تعرفين تكلمين[ لا ماخلية لج الكلام الله يخلف بس بس السفية لايجادل الى على راسة بطحها يتحسس ............... لاتجادل الاحمق فقد يخطئ الناس فى التفريق بينكما

 

[احبكم يااهل دبي]

ههههههههههههههههههههه الله يسعدك ياقلبي انا خير شر نفس المنطقه ماادل وانا ماسوق اذا بسوق بضيع بالحاره مو المنطقه
يسعدك ربي