سؤااال للي سوو خشومهم ضروري

[هدوء .]

قووه بنات شلونكم ؟

سؤالي متى يفش الخشم بعد العمليه وأقدر احط مكياج
وأطلع عادي جدام الناس ما يبين ان مسويه تجميل


مووو معقوله الدكتور يقول 6 شهور صراحه واااايد

 

[مدّهره !]

إن شااااء الله يفيدوونج خواتنااا ^^

 

[Emanii]

اول اسبوع ما تحطين ميك اب
و الخشم ماراح تحسين انه وارم لانه كل يوم راح تشوفينه شكل غير
و انا عادي كنت اطلع حتى اللزقات على خشمي كانوا
وعلى فكره ويهج كله راح يورم و عيونج جنه طاقينج بكسات و شوي شوي يخف
يعني اسبوع اسبوعين
ولااااا تلبسين نظاره و لا تتسبحين بالبحر او حمام سباحه ولااااا تلعبين فيه بإيدج و لمدة شهر لازم لزقات
كل هذا الي قلته توه لمدة ست شهور و اهممممم شي النظاااره تره والله يطيح لي حلجج و اي استفساااار انا حاظره

 

[مييريآ]

الميك اب عقب اسبوعين عادي تحطين ،، بس انتبهي لاتقربين وايد عالخشم ، والبودرة حطيها شوي شوي على الخشم ،، والجرح لاتغطينه بشي ،،

الانتفاخ والزراق يبليله شهر على الاقل ويفش ،، بس انتبهي من الشمس او 3 شهور

ولا تلبسين نظاره لسنه او اكثر

 

[M!SS.LOBY]

ضروري فترة معينة بعد العملية ما تحطين شئ

 

[caramil]

في مشكله الأغلب مو فأهمها
في فرق بين الكدمات و آثار مابعد العمليه
و بين الأورام البعيدة المدى

بالنسبه للكدمات و الزراق بعد العمليه مباشرة تلاحظين حوالي عينج ازرق أو أسود مع تورمات بالخط و العيون والوجه بشكل عاااام و تستمر فترة الكدمات بالكثير بالكثير 10 أيام .. بعدها خلاص شكلج يكون طبيعي و تقدرين تطلعين تمارسين حياتج بشكل طبيعي مع الحذر من أن يحوش خشمج أي شيء واستخدام المكياج يكون خفيف وبالمعقول بحيث انج ماتاذين جلد ويهج و الجرح لأن هالفتره الوجه يكون أساسا تعبأااان يعني لا تهلكينه بالمكياج


أما بالنسبة للأورام اللي تأخذ وقت طويل .. أهيا غباره عن أورام تحت جلد الأنف بحيث أنها تبينه لج أكبر بشوي من الحجم النهائي و يكون الشكل العام للانف مختلف عن النتيجه النهائيه مرفوع أكثر و لين و مسموت هذي الأورام تتوقف على طبيعة الجلد والجسم أقل شيء واسرع شيء الجلد الرقيق بسرعه يتخلص من الأورام ب6 شهور و ينرسم الأنف وياخد شكله النهائي .. لكن المعروف أن جلد العربيان و الخليجيات بشكل خاااااص سميك جدا و متعب ويحتاج لصبر لي سنتين وانتي تحسين بخشمج يصغر أكثر واكثر يعني بعض البنات تحتاج سنتين علشان تتخلص من الأورام بشكل نهائي و توصل للنتئجه النهائيه .. اكرر واعيد كلامي مو معناته أن خشمج يكون عبارة عن كرة بأيسبول .. لا يكون شكله عادي بس مو الشكل النهائي يعني تمارسين حياتج عادي جدا . بس مع الأشهر تلاحطين تغيرات منها : هبوط الأنف للمستوى المطلوب و يأخذ الخشم شكله النهائي و يصغر وينرسم و يطيب من الجرح و يصير يابس يتحمل الصدمات ..

من الأمور اللي تساعد عن التخلص من الأورام بشكل أسرع .. عصير الأناناس الطبيعي بدون شكر تشربين منه كثر ماتقدرين .. أنا عن نفسي اشرب بطل عائلي .. والحمدللله وأيد يبين أصغر ثاني يوم ..


أتمنى أكون فدتكم بكل هالمعلومات بين الفرق بين الكدمات وألاورام وثانكيو

 

[هدوء .]

مشكورين حبايبي عالرد
كراميلل ردج يبرد الجبد هذا الي كنت ابي اعرفه

 

[ماي زعفران]

انا نفسج كملت 3 شهور وليلحين وارم ومو 6 شهور بعد عادي تقعدين سنه عشان يبين الشكل ...

 

[mony-ksa]

انا سويت خشمي ومن اسبوعين صرت اطلع للناس راح الورم واللوان كلها هو قصده 6 شهور تبين النتيجه النهائيه ياعسل

 

[حبيبي فيصل]

انااا بعد سبووعيين من عمليه عااد رواح كل مكاان بسسس مافش خشميي لابعد سته شهور ويطلع شكلها نهائي

 

[فطمطم]

كراميل
يزاج الله خير والله ردودج تبرد القلب