سؤااال للحضريات(عفوآ ماأقصد العنصريه!) = أخذ حقه من النقاش =

[شمـوخ]

حبيبتي أم فهودي ... الأخوات كفوا ووفوا بالردود ...ولي قناعه أن الذي يتصنع ويبالغ في المجامله يتعب ، فلماذا لا نعتز بأنفسنا مادمنا مقتنعين إننا لم نقوم بخطئ وإن حققنا ذلك فسنجد احترام الآخرين لنا ، يعني يا غاليتي خل يعرفون انكم بدو (واشفيهم البدو)واهم الحضر (واشفيهم الحضر) فكل له عاداته وفي بعض الأمور يكون اتفاق بالعادات ، والوحده اتفكر لي جدام ، عشان ماتكون هناك امعايات وتطنز من الطرفين سواء بين الزوجين أو الأسرتين ، فقدموا لهم مثل اللي اتقدمونه للأي ضيف وكونوا طبيعيين ، لأن والله إن الله أراد لها هذا الزوج سيكون لها انشاء الله بدون أي بريستيج ، يالله يا أم فهودي انشاء الله اتبشرينا بزواج أختج يارب والله يوفقها ويخليلج فهودي وتفرحين فيه معرس يارب.

 

[شهدQ]

بسم الله الرحمن الرحيم​

ماعلينا عندي استفسار هام ياحضريات ؟؟ انا اختي عمرها 25 تحب واحد حضري ويبي يتقدملها الله يوفجهم انشالله بس مو هني السؤال ,, السؤال انه اهله كشخة حيل وعايله كبيرة واحنا بدو بدو يعني شلون اقولها ياربي؟؟؟؟فهموها عاد انتوا المهم ابي اسألكم شلون نستقبلهم يعني انتم مثلا شتقدمون حق الضيوف لان احنا مانقدم غير القهوة والجاي والحلو!!سمعت طريقتكم عصاير وجاتوه!! انزين اختي شتلبس بدله ولا دراعه؟؟ وبعدين اختي مطلقه وعندها ولد شلون تشوفه خالة المستقبل؟؟ تجيبه معاها الصالة؟؟اي صح اختي تقول انه امه مو متحجبه (ياويلي ويلاااه هاهاهاها الله يفكها من عيال فريجنا خخخخ) يعني عادي تقوله خل امك تلبس لفة؟؟؟؟؟ولا نمشيها السالفة ماعلينا (على فكره هاذي اول مشاركاتي وماعندي فكره بأي قسم اكتب استفساري؟؟)وشكراااااااااااا​

كلامج غريب عجيب


بس حبيبتي احنا بدو وتقديمنا جدا ذرب

اذا انتم تقديمكم غير عن الناس لاتعمون الناس كلهم معاكم

وبالنسبه للذرابه ترى عمر التحضر او البداوه مايحددون ذرابة البنت

الكشخه كشخه باي مجتمع واي مكان

واتمنى كلامي مايزعلج

 

[شهدQ]

اي وبالنسبه لام الولد ترى هم في بدويات مو متحجبات

وشنو الله يعينها على عيال الفريج رايحه لوحوووش اهيا !!!!


وبالنسبه للخوات الي كاتبين خل الولد يكون نظيف

اتوقع البدو انظف ناس واكشخ ناس وكافي ان شيوخ الديره بدو

اما الاطباع كلن يعمل باصله وبطبعه

 

[سما الكويت]

اذا على تقديم واستقبال موعارفين شلون تتصرفون..شلون يوم الزواج ولما تكون اختج عندهم وبينهم..!!!!!!!

الله يوفقها ويكتب اللى فيه الخير..

 

[sun-shine]

السلام عليكم ..
مااظن ان الموضووع يحتاج كل هذا ..!! معقووله حتى التقديم تسألين عنه ..!!
حبيبتي الذرابه تعتمد ع الشخص وبيئته ...يعني انا بدويه واهلي بدو ...تربيت وعشت وما اعرف غير الذرابه وتعودت اشوفها ببيووت اهلنا ((البدو))..وبعديين مو شرط يا ما في حظر ما يعرفوون سوالف التقديم والسنع ..ونفس الشي في بدو ما يعرفون هالسوالف ..مثل حالتج !!
اهم شي ان الووحده ما تتصنع الذرابه لان شكلها بيكوون وااضح حييل ومو حلو ,,
الضيووف داايم يحبوون يحسوون بالترحييب والحفاوة من اهل البيت ..واظن هالشي ما يحتااج تعليم ...
كنت اتمنى ان ما يكوون في تعمييم ع فئه معينه ..

واخير شي بقول كلن يرى الناس بعين طبعه ...

 

[@ دهن العود @]

حبيبتى استقبلى الناس بطريقتج انتى مو بطريقة غيرج او متصنعه

هذا بيتج انتى وتضيفيييييين الناس بالطريقه اللى اتعجبج مو احنا اللى انعلمج

وتاكدى لو انج انتى اللى بتزورينها جان ما سالت مثلج واستقبلتج بطريقتها

وبعدين مااااااااااااظنتى فى بدو بالوقت هذا الكويت ماشالله كلها عايله وحده وما تفرقين بينهم

 

[@ الرسامة @]

خل تلبس وتكشخ وتستشور شعرها بس لاتبالغ بالميك اب
يعني تنانير اقصار او جبنيز بديات

قدمو حلو وقهوة وعصاير وفطاير عادي احنا كل شي نقدم بس حلاته يكون مرتب وكشخة

يعني عادي اهم شي ان لاتدخلون بالعميق يعني انتو بدو والا حضر ماله داعي والله يكتب اللي فيه الخير

 

[top 4 ever]

تصدقين اختي احنا بدو ونعرف ناس حضرحيل المهم هالمره تقول احنا نموت بالبدو وطريقة ضيافتهم لان احنا تمينا على طبيعتنا و بالنسبه للكشخه دايما تدق علينا وتسالنا عن ملابسنا منين وهي ترا ما عليها قاصر والطريف بالموضوع انها تسوق واول ما تدخل منطقتنا تلبس نقاب مع ان محد له شغل فيها
قصدي باكلام هذا ان كل واحد يسوي اللي هو متعود عليه لان هذا يعطي انطباع للثقه بالنفس

 

[طاب الخاطر]

طاب الخاطر وكويتية وقهوة عربية مشكورين عالرد وبعدين اشدعوة تقولون الولد خلوه نظيف ومرتب ؟؟!! اشدعوه نبي نطلعه ابدشداشة عليها مرق مثلآ!! اكيد هالشي نعرفه ماوصلت لجذي انا اقصد العادات فقط!! وبعدين حبوبه كويتية امية بالامية لمن اقول طريج سفر هذا تعبير عن المناطق الخارجية والكل عارفه واشحقة مزعلة روحج ماكو شي يسوى؟؟؟؟ وبعدين اعتقد لمن اقول اني بدوية مو ضروري لمن اكتب تكون اللهجة مادري شلون اكتب شي مفهوم ونعرفه كلنا وشكرآ

أنا ما أدري جم عمره ،، لأن أبو أشهر ينطبق عليه هالكلام لازم تشيكين على نظافته كل ساع ،،،،،لكن العود لا ،،،،،،،،

عموما ما ربطت أنا كلامي ( خلوه نظيف ومرتب )

بسالفة بدو أنا ربطت كلامي أنه ياهل يبي من يشيك عليه .

والله أعلم بالنيات ،،،،

 

[miss E!]

السلام

بس حبيت اقولج السنع ما يعرف بدو والا حضر
وانتو تصرفو على طبيعتكم علشان ما يطلع شكلكم يضحك ومو عارفين شتسوون
بعدين شدعوة تلبس ملفع عشان عيال الفريج !!!
بس استغربت معقولة توج تسمعين بالقاتوهات والعصاير!!!!
كلامج حده اووفر


عموما على قولتج الناس مستويات
اي على فكرة انا بدوية واحنا معروفين بالسنع والضيافة السنعه وما نحتاج نسال احد شلون نضيف الناس!!
رتبو بيتكم ونظفوه وخلو ريحته بخووور
واختج لا تختب اهم شي النظافة
والله يوفقها

 

[مستكه]

انتي وين عايشه بالمريخ؟
والا بيتكم خيمه ؟
الصراحه موضوعج مو مقنع جنج تستعبطين

هههههههههههههههههههاااي حلوه

صح السالفه فيها شي ؟؟؟ يا اختي الحين مافي حضر وبدو الفناتك بالتقديم عند الكل والله يوفقها

 

[مستكه]

حبيبتي والله مشكووره على الرد ...
بصراحه انا بكلامي هذا ما اعم حتى انا بعض المرات البس عبايه واطلع
بس تقريبا انا الحضر نطلع سفور من غير عبايه 70 % عن البدوو
وهذا رايي يا قلبي ​

حبيبتي بصحح معلومتج الحضر الاصيليين وعيال الاصل والفصل يطلعون بعباة مو سفور لا بعباة واستفتائج هذا 70% من وين خذتيه​

 

[Ga6waah83]

حبيبتي بصحح معلومتج الحضر الاصيليين وعيال الاصل والفصل يطلعون بعباة مو سفور لا بعباة واستفتائج هذا 70% من وين خذتيه​

حبيبتي انا معاج انا نطلع بعبايه بس هم ما يمنع ان نطلع سفور ... والحمدالله احنا عيال اصل وفصل يا قلبي ...
والاستفتاء هذا رايي الشخصي واعتقد انا حره براييي ...
واذا ما اعبجبج رايي مو لازم اتشوفينه ولا حتى تقرينه ...:eh_s(6):
وسامحيني يا الغاليه ...

 

[سبائك]

حبيبتي كونوا على طبيعتكم ولاتتكلفون

يعني ضيفوهم وقوموا فيهم على عادتكم انتوا بالتقديم والضيافة .....مو عادة أهل المعرس

يعني لو كان اخوج بيخطب وحدة حضرية أكيد أهل العروس بيضفونكم على عادتهم ماراح يسألون شلون عادة البدو بالتقديم والضيافة !!

وأحسن اختج تلبس بدلة بسيطة وناعمة ومكياج خفيف

ومالاداعي تنبهون أم المعرس على شيلتها أو لفتها ...هي وكيفها ..

يمكن تاخذ منكم موقف

وعن ولد اختج ...مالازم يشوفونه من أول زيارة ....أكيد هم عارفين ظروف اختج ...وعارفين ان عندها ولد ....

بس خل يكون مرتب ونظيف ولابس هدوم حلوة ومعطر ..يمكن يطلبون يشوفونه !!

موفقة ان شاء الله

والله العظيم نفس الكلام الي كنت بقوله بالضبببببببببببببط​

 

[منوووووله]

جنكم قلبتوو موضووع العضووه ؟؟؟؟؟

انا من رااي اتصرفوو بطبيعتكم وماله داعي الاطبااق الواايده
بيقوولون شنوو ماصدقوو يايهم معرس ..

ونصيحتي عاملووهم بطبيعتكم واصلكم وما اعتقد بيدققوون على شي غير اختج

 

[choclatecho]

انا بس بعرف شنو يصير اذا يوكم قوليلنا لان معضم البنات فادوج و بالتوفيج

 

[امون حبيبة زوجها]

شدعوى ترى حتى البدو يعرفون السنع

السنع عند البدو والحضر والنعم بالكل

اسمحيلي بس انا مستغربه بس يعني اختي انتو وين عايشين عشان ماتعرفون التقديم

بالكويت ياقلبي كلن يعرف السنع

بعدين اختي اسمحيلي شكوووو تقولون لام الرجال تلبس ملفع!!!!!!!!!!!!!!

امبيه لا جايده قويه انتو رضيتو فيهم اقبلو باللي جايكم

وبالنسبه للتقديم

حبيبتي نصيييحه لاتغيرون طبوعكم عشان ناس لا خلو الناس يشوفون شغلكم ويعرفون سنعكم مالاداعي تقلدون واذا انتو اساسا موعاجبكم طريقة تقديمكم ممكن تاخذون فكره والتقديم يصير للكا سنع موعشان جوكم ناس بتخطم تشطون روحكم واذا جوكم غيرهم عادي اي شي لا خلي السنع والذرابه على طووول معاكم وانا ادري انكم ناس اجاويد وسنعين

حبيبتي التقديم معروف اول شي عصير سنع وبااارد بقلاصات سنعه وذربه واذا مافيي عصير وحدج الله ممكن ماي عادي خصوصا بهالحر الناس تبي ماي

بعدين القهوه والحلوه

وعقب الفطاير والجاي
طبعا تزهبين صحون صغار للفطاير مايصير تفترين فيهم لا فشله وتحطين الفطاير بصحن سنع تحطين ملقط حلو خاص تشيلين فيه الفطاير جدامهم موحلوه بايدج تشيلينهم وتشكلينلهم من الفطاير بصحن وتحطين حق كل واحد من ضيوفج صحن فطاير صغير والجاي وطبعا الشكر تشترين الشكر السنع المغلف وخالص عشان الناس يحطون الشكر على رغبتهم مايصير بتحطون على كيفكم ممكن في ناس يشربون الجاي بدون شكر او معاهم سكري

والفطاير يكونون صغااار مجكنمين عشان شكلهم حلو وطعمهم خفيف واذرب

واخر شييي بخور سنع يكون عود حلو وعطر حلووو ممكن فرنسي او خلطه حلوه معروفه

اذا تبين محلات فطاير وحلو سنعين ترى احنا حاظرين

وعسى الله يوفق اختج

 

[Daffodil]

انتي وين عايشه بالمريخ؟
والا بيتكم خيمه ؟
الصراحه موضوعج مو مقنع جنج تستعبطين

:eh_s(15):

حبيبتي الظاهر ما عندج رفيجات بدو ولا عمرج زرتي بدو في بيوتهم ولا جان عرفتي السنع على اصوله

اهل الكويت عموما معروفين بالذرابه والسنع ماادري انتي وين ساكنه وشنو اصلج غريييييييييييييييييييبه,,

عموما اختي كبدو احنا نقدم القهوه اول شي مع الحلو طبعا حلو راقي ممكن تاخذينه من امبرس او اوبرا و بعدين يجي دور الشاي و الفطاير طبعا الشكر السنع المغلف او اللي يتعلق,, وبعدين العصاير الفرش باكواب كشخه حبيبتي اخاف تحطين غلاصات مرقعه لهم

 

[دانـــه]

موضوعج غريب..!

الضيافه مو مرتبطه ببدو وحضر الضيافه تدل على صاحب البيت نفسه
يعني انا بدويه عمري ما عرفت ان ضيافه البدو غير عن ضيافه الحضر..!!


وليش بالمناطق الخارجيه على قولتج مافي سفور كلهم محجبات ...!
علما باني بمطنقه من المناطق الخارجيه ويزورونا من اهلنا ناس سفور لا وبدو بعد عمرنا ماسوينا ضجه بالفريج عادي احنا كنا سفور لي مده طويله وعاادي ماله علاقه بالبداوه او التحضر هالشي..!

بالنسبه لي طريقه التقديم انا مع البنات ماقصروا طريقه التقديم معرووفه وحده عند الكل

بالتوفيق

..
.​

 

[<> إيلاف الكويت <>]

الله يوفقها ان شاء الله