........................... زي العسل .....................................

[jen2n]

موضوع زي العسل بإذن الله لي عوده

 

[Daisy flower]

موضوعج روعة وطرحج أروع وانتي عسل ....

بالنسبة لي اول اسبوعين تقريبا أكون حازمة مع البنات بعدين أرخي .. بالحصه العادية أضحك معاهم أول 5 دقايق بعدين اشد .. وبناتي عارفيني من نظرة وحده يخقوون ويسكتون ..

وي ذكرتيني بالمدرسة وبنات المتوسط لاااااا بس شر لابد منه .. الله يسهل .. وكل عام وانتوا بخير .

 

[بنات حواء2]

جنان
حياج الله حبيبتي الموضوع موضوعج و المكان مكانج حبيبتي


Daisy flower

حياج الله يا عسل
ههههههههه
حبيبتي تسلمين علكلام الحلو الي مثلج
و طريقتج عجبتني و حلو ان الكل يعرف شخصيتج و يتعامل وياج على اساسها
منوره حبيبتي

 

[@ نجمة العطااا @]

هلا وغلا
ام زنوب تبارك الرحمن كل موضوع احلا من الثاني

بالنسبة لي الاحترام والشدة من اول يوم الي اخر الكورس بس ما يمنع اضحك بالوقت اللي فعلا يستحق الضحك يعني موقف صار ولا بدلية بالغلط عادي اضحك معاهم بس بسرعه ارد الشدة والحزم
واحب التنويع بالحصة مرة بالصف ومرة بالمكتبة ومرة بالمسجد ومرة غرفة العروض وهكذا حتي طريقة الجلسة لغيرها مرة مجموعات ومرة حرف u ومرة لاينات وهكذا
واسلوب الشرح وطريقة الجلية انوع فيهم حسب المكان مرة يكون عادي ابلة وطالبات ومرة طريقة القصة وكتاب ومرة مثل درس ديني او الجلسة الحلقة اللي نقعدها بالمسجد دائرة ومرة كل وحدة بكرسيها وكانهم في سنما لوووووول
وتنوع بطريقة العرض بوربوينت او البروجكتر او استخدم الميك كأني مذيعه او صندوق عرايس الدمي وهكذا
وعندي افكار كثيرة ومصورة لكن للأسف ادخل بالفون وما اعرف انزل صور لكن ان شالله اخر 9 ارجع الايقو 


يسلمووو

 

[بنات حواء2]

نجمة العطا
يسلمو حبيبتي على الكلام الحلو
و بصراحه عجبتني طريقتج في تغيير الجو و القعده نفسها وايد حلوه
بس انا ماينفع لاني مختبر و مقسم فما اقدر اغير بالقعده نفسها لاكن ممكن اغير بالمكان في الدروس النظريه وايد فكرتج حلوه حبيبتي
و حلو تنويعج بالوسائل
ماشاء الله تبارك الرحمن
حسيت ان طبعج مثل طبعي احب التنويع لانه حلو للطالبات و لي
يسلمو حبيبتي
و على فكره ترى شعور متبادل انا احب مواضيعج و ردوج احس انها مفيده
و منتظرين ابداعاتج حبيبتي

 

[أم حمد =)]

الموضوع وااايد مفيد يعطيكم الف عافيه خاصه بنات حوا2 بس صج بنات خرعتوني! .. تخيلت الصف يقلب سيرك لاني جد ماني عارفه شلون راح اتعامل مع الطالبات .. وشلون اصير شديده ماعرف .. انا الكورس الياي ميداني ..
=(

 

[بنات حواء2]

ام حمد حبيبتي حياج الله
التعامل وي الطلبه سهل صدقيني
بس تحتاجين تجربه تكتسبين منها خبره و الميداني راح يكشف لج وايد خبرات
و الله يوفقج يارب
و اذا عندج اي استفسار حياج الله

 

[مشغوله و محتاسه]

ماشاء الله عليكم


ياليت هالمواضيع تكثر بالمنتدى و تصك على مواضيع النقد و التحلطم و الزعل ..




يرفع للاهمية


عساج عالقوة


انا ابتدائي ... وضعي اسهل وايد منكم

يحليل اليهال .. ابتسامه و حلاوه او لعبه بسيطه كااافي

 

[بنات حواء2]

هلا و الله مشغوله منوره الموضوع حبيبتي
اي و الله بذات اقسم هذا وايد طاخ هليومين نبي نضحك شوي تعبنه من الزعل و التحلطم
و حياج الله حبيبتي

 

[ذكريات الرؤية]

عزيزتي ام زنوب موضوع اكثر من راااائع ابدعت والله
حبيباتي المدرسات الكتكوتات اليدد
تصدقون صار لي 12 سنة ادرس واستفدت من الكل وهالموضوع سوا لي ابديت
المهم
سمعوا هالنصيحة من طااااالب يااااااهل بالصف الرابع

اول يوم لي بالمدرسة بسنة من السنين سمعت زميلتي طالب مشاغب ينصح
رفيجه قال له
شوف الحين بيدشون علينا الابلات وحدة ورا الثانية
اللي تشوفها تصرخ علينا من اول ما تدش
تاكد
تأكد
تأكد
اننا راح نلعب بحصتها لعب وحصتها بتصير فوضى
جيل غريب عجيب
انصدمنا احنا الثنتين
بس تعلمت منه اكبر درس في ضبط الصف
لا للصرااااااااااااااااااااااااخ
تحياتي مرة ثانية لصاحبة الموضوع

 

[نوني.]

موضوع متعوب عليه ومشكوره حبيبتي

شلون اتعامل مع العيال انا تعيين جديد ابتدائي عيال

يقولون لي عامليهم كأنهم كبار رجاجيل طيب شلون من عندها تجارب والا نصائح ؟؟

 

[ذكريات الرؤية]

بعد اذن ام زنوب
ارد علي التعامل مع الاولاد
دايما اطالب بتدريسهم لانهم
اشطر
اذكى
اوفر حماس
اكثر تاثر
اخف دم
اذا كسبتيهم راح تتشوقين لشطانتهم
من اول يوم عامليهم كانهم كبار
استشيريهم قولي.لهم انا ابلة ذكريات مثلا
بدرسكم كذا
منو يحب هالمادة وليش
منو ما يحبها وليش
شلون تبون اشرح الدرس
قولي لهم انا لازم اشرح ونحل تقويم الدرس ونقرا واتاكد انكم فاهمين
لانكم امانة عندي
الله بيحاسبني
واهلكم حاطينكم عندي
راح يعطونج اقتراحات شوفي اللي يناسبج وبيني لهم ليش كنسلت الباجي
وبعدين قولي لهم
اذا واحد فيكم ما حل الواجب شنو اسوي
عطيهم مواقف وبيعطونج حلول
روحي البيت كتبيها بورقة ملونة وخليهم يوقعون عليها
وغلفيها حراري
وخليها وياج
كل ما احد كام مو اوكي طلعي العقوبة اللي افرضوها
ولا تنسين تعرضين مواقف ايجابية
يعني اذا دشيت والصف قاعد وفاجين الكتب وساكتين شنو تحبون
خذي منهم افكاار
صدقيني ماراح يزعلون اذا عاقبت
وراح يحبون حصتج ويحترمونج
لان ضبط الصف يي من المحبة والاحترام
ان شاء الله اكون افدتج
تحياااااااتي وتمنياتي لج يا نوني بالتوفيق

 

[fri2010]

بنات نظام المجموعات تنفع مع بنات الثانويه؟

كل ما اقول حق اختي عن شغله تضحك علي تقول هذي سوالف ابتدائي مو ثانوي!

 

[بنات حواء2]

عزيزتي ام زنوب موضوع اكثر من راااائع ابدعت والله
حبيباتي المدرسات الكتكوتات اليدد
تصدقون صار لي 12 سنة ادرس واستفدت من الكل وهالموضوع سوا لي ابديت
المهم
سمعوا هالنصيحة من طااااالب يااااااهل بالصف الرابع

اول يوم لي بالمدرسة بسنة من السنين سمعت زميلتي طالب مشاغب ينصح
رفيجه قال له
شوف الحين بيدشون علينا الابلات وحدة ورا الثانية
اللي تشوفها تصرخ علينا من اول ما تدش
تاكد
تأكد
تأكد
اننا راح نلعب بحصتها لعب وحصتها بتصير فوضى
جيل غريب عجيب
انصدمنا احنا الثنتين
بس تعلمت منه اكبر درس في ضبط الصف
لا للصرااااااااااااااااااااااااخ
تحياتي مرة ثانية لصاحبة الموضوع

هلا و الله ياحياتي بصراحه كلامج جدا مشوق و روعه و اسلوبج يينن الله يكملج باخلاقج الحلوه يارب
و بصراحه كلام منطقي و احب كل المدرسات يقرونه و يبدون بدايه صحيحه هلعام
صحيح الصراخ ماينفع لا المعلمه و لا الطالب
و الموضوع موضوعج حبيبتي و لا تحرمينه من ردودج العطره و تجاربج الحلوه

عجبتني طريقتج في اخذ اراء الطلبه في طريقة التعامل وياهم لانه بصراحه هذي الطريقه الصحيحه الي تزرع الثقه بالنفس عند الطلاب خاصه لصغار تخليهم مسؤولين على قراراتهم و معتمدين على انفسهم طرقتج وايد حلوه و بتبعها انشالله وي طالباتي و الله يسهل علينه
حبيت ردود و ارائج بصراحه وايد مشجعه للعام الجديد ياريت تكتبين لنه اي موضوع مشجع للعام الجديد لاني حسيت ان اسلوبج و كلامج يوصل للقلب سيده فديتج حبيبتي منوره الموضوع يالغاليه


نوني

حياج الله حبيبتي و يعافيج يالغاليه شوفي انا ما تعاملت مع ابتدائي من قبل لاكن احس التعامل وياهم سلس مو صعب مثل ما احنه متخليلين لانج ممكن تملكينهم بابتسامه ممكن تقنعينهم بكلمه وحده بس و بصراحه الاخت ذكريات كفت و وفت طريقتها وايد حلوه و راح تريحج وايد
و احب اضيف عليها اهم شي الاسلوب وياهم حسسيهم انهم كبار مو يهال عشان يريحونج و بنفس الوقت استخدمي نبرة الصوت لانها تساعد في تحقيق وايد شغلات في المواقف التعليميه و جذب الانتباه
و بعض المرات استخدمي النظره الصامته لضبط الصف افضل طريقه للتعامل مع الاطفال و بنفس الوقت غير مؤذيه لمشاعرهم
و منوره حبيبتي


fri2010

اي كل شي ينفع انا يوم كنت بثانويه كانوا الابلات يقسمونه مجموعات لا كن حرصي على تفريق الطالبات المشاغبات و الرفيجات خاصه المزعجات منهم و هذي الخطوه تكون لمن تلاحظين ازعاج و لا شوشره و لا ضحك و بالعكس المجموعات حلوه طريقتها و حتى الطالبات راح يحبونها
بس ديري بالج لا تستخدمين اسلوب يحسسهم انهم صغار لانه راح يقلبون الحصه ضحك و ممكن يستهزئةن بالمدرسه و الماده بكبرها فديري بالج من هشي و جربي كل شي حبه حبه الي تلقينه ما يناسب كنسليه او طوريه بحيث يصير مناسب لمرحلتهم العمريه

 

[ذكريات الرؤية]

حبيبتي ام زنوب
اشكرج وايد عالاطراء أحرجتيني
ودي اطرح وايد مواضيع لاني ولله الحمد
عانيت في بداية تدريسي
وبعدين عالجت مشاكلي بتثقيف نفسي بدورات
وكتب ونت وخبرات اكتسبتها

بس المشكلة
اني ما عندي وقت كلش اتابع الردود
عشانج ولانج تحبين شغلج وانا احييج علي هالشي
اي موضوع تبين فيه خبرات انا حاضرة ارد
بس ما اقدر احط موضوع خاص لاني ما راح اقدر اتابع
تحية عطرة
بسمة حلوة
دعوة من القلب
لج
ولكل
مدرسة
مبدعة
متميزة
تحب شغلها
ترضي ربها
تحلل معاشها
تجدد تفكيرها
تستقبل الطالبات بنفسية حلوة
الله يكثر امثالها ولا يحرمنا منها
مشكووووورة عزيزتي مرة ثانية وما يردج الا كيبوردج

 

[بنات حواء2]

حبيبتي تسلمين على كلامج الحلو بصراحه جد انتي مبدعه
و كلج ذوق حبيبتي خلاص عييل اطلب منج تتواجدين في مواضيعي و تثرينها بكلامج العسل
منوره الموضوع يالغاليه

 

[jen2n]

والله انت العسل ام زنوب وموضوعج وايد حلوووو

 

[بنات حواء2]

حبيبتي جنون منوره الموضوع يالغاليه

 

[قمرية الفيس]

اشوه اني مادرس ابتدائي موناقصة عقد

 

[أم حمد =)]

رفع ,,
بنات نبي تجاربكم بعد ,,