" زيورخ "???????

[~Ms. elegant~]

:eh_s(17)::eh_s(17): " زيورخ ":eh_s(17)::eh_s(17):
بنات انا شفت صور زيورخ وحيل عجبتني وودي احطها ضمن مخطط سفرتي
بس ماعرف عنها شئ ودي اعرف شنو افضل الاماكن
السياحية فيها والاسواق والمطاعم
انا بطلع لها من زيلامسي ان شاءالله
بليز اللي عندها فكره عنها لاتبخل علي​

 

[Samurai]

يعني بتباتين فيها ؟. كم يوم ؟
بين زيورخ وزلامسي ٥ ساعات

 

[~Ms. elegant~]

3 او 4 ايام تقريبا ​

 

[~Ms. elegant~]

وعجبتني حيل البحيرة الزرقاء عندج فكره جم تبعد عن زيورخ؟​

 

[Samurai]

البحيره الزرقا يم انترلاكن. خصصي يوم لانترلاكن ومريها.
في اوتليت يبعد ساعه عن زيورخ alpenrhein Village في ناس يمدحونه وناس يقولون عادي اذا ما عجبج روحي لبيت هايدي يبعد ١٠ دقايق عن الاوتليت واذا صار عندكم وقت مرو الرائعه الجميله العروسه أروسا قرية أروسا تبعد ساعه عن قرية هايدي بس مناظر طبيعيه روعه
وعندج مدينة لوزين حلوه وراقيه وتمشي على بحيرتها وركبي الجسر الخشبي اقدم جسر خشبي في اوروبا قمة الرومانسيه

وفي شلالات الراين تبعد نص ساعه عن زيورخ

على فكره انا ما رحت الا لوزيرن والباقي الله ما كتب اني اروحلها بس قريت عنها
ولا تنسين شارع التسوق في زيورخ الباهنهوف

 

[~Ms. elegant~]

تسلمين حبيبتي وماقصرتي عساج عالقوه
والله يكتب لج اياها هالسنه فديتج ​

 

[أم هيثـم]

هلا حبيبتي ,,

انا بسافر ان شاء الله بعد اسبوعين جذي لزيورخ ..
انا نفسج شفت الصور و حكمت غير هذا اهيا افضل مدينة سياحية
في العالم لمدة 3 سنوات متتالية ، انا اللي اعرفه انها غالية ممكن وجبة
عشاء انتي و زوجج يكلفج اقل شي 40 دينار و انا متاكدة انها تسوى ..

و ببلغج بكل شي .. و راح اصور و انزل موضوع عنها ..
و انتي و ذوقج ، تروحين او تتمين في زلامسي ..

و بالتوفيق ..

 

[~Ms. elegant~]

مشكووووووورة حبيبتي ساموراي حيل قاعده تفيدينا بخصوص اوربا مشاءالله عليج
وعساج عالقوه يا ام هيثم ناطرة تقريرج على نار لان حيل خاطري فيها من شفت الصور وان شاءالله تسوى العنوه​

 

[Samurai]

العفو ما سوينا شي ... وان شاءالله ما اكون قصرت