زينة وحمد .. قصة حب كويتية واقعية

[rawabi]

انشالله بالليل بنزل بارت ... يعني عال 10 وفوق لاني الحيين بزوارة... بس انشاللة انزلة بالليل

 

[MeeMeeYoo_2]

انشالله

 

[ام _خلودي]

ناطرينج لاطووولين عليناا

 

[Om Sh'hab]

ثاااااااااااااااااااااااانك على البارت حده يشوووووق :eh_s(6):

نااااطرييينج لا تتاخرين علييينا بالبارت الجاااااي :*

حدي مندمجه و مشتطه:ggdw:

او اكييييد ان شاءالله بتوافق هذا نصوووور عاد p:​

ThaNx aGaiN :eh_s(6)::eh_s(6):​

 

[miss limoona]

الللللللللللللللللللللله عجيب عجييييييييييييييييب البارت
ناطرييييييييينج

 

[*FaRaWlA*]

امبــــــــــــــــي روابي البارت حلو

اي خل يتسنع و يتزوجها والله مسكينه هالفرح

 

[كادي::::]

واااااااااااااااااااااااااااااااااااااااااااااااااااااااو البارت حدة عجيييييييييييييييييييييب
مشكورة ننطر الياي انشاء الله يكون احلى و احلى

 

[OM FHD]

eyNiN el Part ;D
nabi part a6waaaaaaaaaal plzzzzz
teslam eDich :ggdw:
w FaRo7aaa eTWFEQ lish laaaaaa3 etha tabeeeh 9ij ;p
​

 

[shaja]

البااااااااارت حده نااايس وانشالله نصور يعقل ويتزوج فروح حرام
يسلموووووو حبيبتي

 

[ريوق بلاش]

لايوقف

لاتطولين علينا

 

[رومنسيه]

ناطرين

 

[رفيف الورد]

صارت الساعه 11 والبارت مو موجود يا روابي حبيبتي

ناطرين البارت والحدث اليديد يا الغاليه

ما ينلام ناصر ما قدر على فراق فروحه قمر قلبه يا رب توافق تتزوجه ويرتاح قلب ناصر

وسعود كله ينزف مسكين محد مهتم فيه ليش

 

[سيتي]

قصة حلوة
متابعييينج

 

[غزآل.آلكويت]

آلله يعطيج آلعآفيه

و نآطرينج ^_^

 

[rawabi]

القصه روعه روعه روعه روعه واسلوبج بسرد القصه عجييييييييييييييييييييييييييييييب ناطرتج على نار ليش ماتنزلين القصه كلها مره وحده والله تتعب نفسيتي هههههههههههه من النطره

اسم الله عليج من التعب :eh_s(6): اصلا انا مو كاتبة القصة كاملة ... كل يوم اكتب بارت وانزلة بنفس اليوم ولما اكتب بارت ثاني انزلة بنفس الوقت على طول ... لاني هذة اول مرة بحياتي اكتب قصة .. قلت اكتب بارت واجرب .. ماهقيت ان في احد راح يتابع معاي لهدرجة :eh_s(6): .. عشان جذي لما اشبك والقى تعليقات وردود استانس ... بس انشالله القصه ماهي مطوله .. يعني انشالله قبل الاربعاء بتخلص

 

[miss limoona]

روااااااااااااابي حبيبتي
نزلي بارت اليوم عفيه ونسيني باجر وراي مدرسة
القصة حددددددددددددها اتينن

 

[rawabi]

البارت ال 14 :

المكان : بيت بوحمد
ام حمد : ياحمد تعوذ من ابليس ... خلنا نروح نراضي لولوة ... ترا واللة مرتك ذهبة
حمد : يما ماني رايح ....... خلاص
بوحمد : اكيد مانت رايح وين لك وية تروح ..... كافخ البنت باي وية تروح تراضيها
حمد: هي تستاهل ...... انا من زمان ودي اكفخها بس كنت ماسك نفسي
بوحمد : لااااا عفية عليك .... مالت عليك جانك سودت ويهنا .
حمد: شكو اسود ويهكم ....... لاني اول واحد ولا اخر واحد يطلق
ام حمد: بس والله لولو ماتستاهل ... والله ماكانت جنة كنت اعدها بنتي
حمد: يماا لا تحريني ..... شدراج عنها تستاهل او ما تستاهل .... معاكم غير ومعاي غييير
ام حمد : لوهي مو سنعة جان من زمان مطلقها .... اكيد في شي تغير خلاك تسوي جذي
حمد: ماكو شي بس ماقدرت استحمل زووود
بوحمد: ياولدي فكر عدل ترا البنت هم لو فيها عيوب ... ترا فيها واييد اشياء زينة شوف امك شلون تحبها وتمدحها ... لا تستعيل وانا ابوك ..
ام حمد: اي والله ياحمد البنت انا احبها واهلها اياوييييييد مانلقى مثلهم
حمد: يماااا خلاص عاد ترا والله ارد شقتي وماتشوفين ويهي لينا تخلص العدة عشان ماتحنين زود

حمد ماقال حق اهله عن الحبوب اللي لولو كانت تاخذهم خاف ان اذا قال لولوة تقول عنة وعن حبة حق زينة ما حب يفشل نفسة ويحرج نفسة جدام اهلة واهلها ... خصوصا هو وايد يحترم اهلها كافي ان مفتشل منهم لان طق بنتهم............ لولو من ردت بيت اهلها وهي تبجي وماطلعت من دارها تبجي وهي ماتدري على شنو تبجي بالضبط على ال 3 سنين اللي ضيعتها مع واحد مايحبها والا تبجي على حبها ل حمد وان خلاص ماعادت لة .... بس الشي الاكيد اانها تبجي انها ما حاولت كفاية ان تخلي حمد يحبها وانها بسرعة استسلمت لينا خسرتة .


ناصر: فريييييييح صج انج عوية ..... لما قلت لج اني مابي اتزوجج بجيتي وزعلتي ولما ييت قلت لج بتزوجج تتغليين وتقولين بفكر
فرح : انا مو قاعدة اتغلا بس خايفة
ناصر : من شنو يمااااااا
فرح: اووو .... خايفة منك شاللي غيرك فجأة ..... الاسبوع اللي فات ماتبيني ولا أهمك ...... وفجأة تصير تبي تتزوجني
ناصر: عرفت قدرج ... فقدتج ... تحسفت .......اختاري اي اجابة بس خلصيني ووافقي
فرح: لا ابي اعرف ..... اخاف تكون تقص علي
ناصر : انت اكيد بقرة ..اقص عليج اقولج ابي اتزوجج ... فرييييح اذا مارديتي الحييييين ترا اقول حق امي تخطب لي البنت اللي عاجبتها .... عاد امي لاقية لي 13 بنية بس انا ماابيهم قلت اخذ فروحة حبيبتي
فرح: 13 مرة وحدة ؟
ناصر : اصلا هم اكثر بس انا ماودي احطمج قلت خل اقول 13 ....... هاشقلتي ؟
فرح: امممممممممممممممممممم
ناصر : يمااااااااااااااااااااااااااااااا يمااااااااااا
فرح : شفيك؟
ناصر : اناديها عشان تخطب لي ........... يمااااااااااا
فرح : لا خلاص .......... موافقة
ناصر : موافقة شنو ؟
فرح: اوووووو موافقة اتزوجك
ناصر : اصلا مو بكيفج ... غصب عنج

المكان : دار زيون
زينة : محمد انسى ماني دازة لك صورتي
محمد: زيون الله يخليج ... صدقيني امسحها على طول تكفين
زينة : شتبي فيها ... انت تقريبا كل يوم تشوفني ... ليش تبي صورتي ؟
محمد : بس ابي اكحل عيوني فيها .... عاد عن النحاسة .. لما تقولين لي دز صورتك على طول ادز لج مااخليها بخاطرج
زينة : والله عاد انت ريال ...... عادي
محمد: شيفرق ريال وبنت ؟
زينة : اكيد يفرق .... انا بنت اخاف على نفسي ... مايندرا شتسوي بالصورة
محمد: صج ماهقيتها منج ... زيون يعني شبسوي فيها انا والله صدمتيني لهدرجة مو واثقة فيني ... لهدرجة شايفة نفسج رخيصة عندي .. لو انا من النوع اللي يفضح ... ليش تكلميني بالاساس
زينة (انحرجت ) : حمود اسفة ماكنت اقصد شي
محمد: تقصدين او ماتقصدين انا هقيت انج واثقة فيني مثل ماانا واثق فيج
زينة: والله اني اثق فيك
محمد: لايبا عقب شنو ... صج زعلتيني
زينة : والله اسفة .... شلون اراضيك ؟
محمد : دزي لي صورتين
زينة : لا صورة وحدة
محمد : لا ابي صورتين وحدة بحجاب ووحدة من غير حجاب
زينة : حمووووووووووووود
محمد: عشان خاطري
زينة : اوكي بس تمسحهم عالطول

دورت زيون بتلفونها لقت لها صورة بحجاب حلوة كانت قاعدة بجوكلت بار البدع ورفيجاتها مصورتها والصورة الثانية صورتها يوم ملجة فيصل وهي كاشخة ... دزت حق محمد ........ محمد لما شاف صورتها يوم الملجة عقلة طار من حلاتها وعلى طول دق

محمد : امواااااااااااااااااااااااااااااااااااااااااة ...
زينة : حموود شفيك؟ الحمدلله والشكر
محمد : امواااااااااااة
زينة: اووووو تكلم عاد بسك بوس
محمد: زيووووووون ششنو هذا حدج نار ... كل هالجمال مغطيتة بالحجاب
زينة : اصلا انا حلوة بحجاب ومن غير حجاب
محمد: اكيد انتي حلوة بالحجاب ... بس صراحة من غيرة انتي عذااااااب ... حمدي ربج انج متحجبة لو اشوفج من غير حجاب اكلج


عالمغرب نزلت زيون الصالة والا تلقى امها وسارة موجودين كانت سارة منسدحة تشوف تلفزيون وام صالح قاعدة عالقنفة يمها التلفون بس كان مبين عليهم الكدر والهم ... زينة اخترعت من أشكالهم : يماااااا عسى ماشر شفيكم ؟ شفية ويوهكم منتقلبة جذي؟ من مات ؟
ام صالح : فال اللة ولا فالج ... فالج ما قبلنا انت على طول موتاي الناس ...
سارة : اي والله ... يعني مايضيق خلقنا الا اذا احد مات ؟
زينة: وااي شفيكم كليتوني ؟ ما قصدت بس اشكالهم مادري شلون صايرة جنة عندنا عزا
ام صالح : رديتي عالموت ....... ماحد مات ارتاحي
زينة : عيل شفيكم خرعتوني ؟
ام صالح: حمد........
زينة (مخترعة ) : شفية ؟ شصار لة ؟
ام صالح: اسم الله علية مافية شي ............. بس حمد طلق لولوة
زينة حدها انصدمت من الخبر ... ماهقت بيوم ام حمد بطلق لولوة كانت حاطة ببالها ان واييييد مرتاح معاها : شدراكم ... من قالكم ؟
ام صالح: توني كنت داقة على ام حمد اسالها عن اللي بنخطبها حق ناصر وقالت لي ...... وااي كسرت خاطري حدها متضايقة على ولدها عورت قلبي
زينة حدها استانست من الخبر طلاق حمد ولولوة بالنسبة لها معناتة ان حمد يرجع لها
زينة : متى طلقها ؟
ام صالح ك قبل يومين ثلاث
زينة: اللللللللللللللة وتونا ندري ..... وليش محد قالنا ؟
ام صالح: ماهي بشارة عشان يعلمون ..... ياقلبي عليج يا لولو ماتستاهلين
سارة: اي واللة حرااام ما تستاهل
زينة : شدعوة عليكم ... لاهي اول ولا اخر وحدة تتطلق ..... عاد انا مااحبها حدها موقة ... احسن ان طلقها
ام صالح: زييوووووووووووووون ... استحي على ويهج ... صج ماعرفت اربيج ... تتشمتين بالمرة
زينة: انا ماتشمت اللة يعينها بس صج هي نفسية ومايجة
سارة : حراااام عليج زيون مفروض يضيق خلقج عليها ... توها صغيرة وطلقت
زينة: امبي شهالحب اللي نزل عليج فجأة ... وين كلامج أول .. فجأة صارت لولو حبيبتج وماترضين عليها؟
سارة: لا انا للحين مااحبها بس كسرت خاطري هي وامها ؟
زينة : امها شكو ؟
سارة : امي تقول ان لولو بنت وحيدة امها .... تخيلي زيون اللة لا يقولة لو بنتج وحيدتج تتطلق شصير فيج اكيد بتموتين من القهر تخيلي حال امها الحييييييين ... تلقينها بس تبجي على بنتها
زينة: من قالج انها وحيدة ... موهذيك المرة راحت دبي حق اختها اللي عايشة هناك ؟
سارة : هذة اختها من الابو هي ماعندها خوات من ام وابو
زينة : صج اول مرة ادري ..... باجر اللة يرزقها بريال ثاني
ام صالح : الحين البنات مو لاقييين رياييل تبين المطلقات يلقون
زينة : يما عزموا حمد عالغدا عندنا باجر
ام صالح: الريال توة مطلق اقولة تعال تغدا ... شنو ماكو احساس

 

[rawabi]

بنات سوري تاخرت شوي على مانزلت البارت بس على ماشغلت اللاب توب وشبكت ... وكنت قاعدة اقرا ردودكم
انشالله يعجبكم البارت .. واللي يقولون نزلي بارت طويل ترا انا انزل بارتين باليوم ... دمجوهم يصيرون بارت طويل مشكورييييين عالمتابعة

 

[مـ سهله ـو]

زينه شوي تبط الجبد !!! تلعب على الحبلين !!

 

[*FaRaWlA*]

احس انه كاسر خاطري حمد

مسكين ظايع بحب زينه واهيا عايشه بحب ثاني

تسلمين روابي على البارت