زيت معطر ومبيض للجسم من صنع ايدج

[وحدة كويتية]

السلام عليكم
شلونكم بنات
حبيت احط لكم طريقه شلون تسوين زيت معطر للجسم وبدون مايسمر الجسم مثل باقي الواشن والزيوت المعطره
وانا هالطريقه انا معتمدتها علطول اسويها حيل حلوه وتنعم الجسم والريحه تثبت بالجسم مده يوم كامل على ظمانتي

المهم طريقتها شلون
جيبي لج بخاخ فاضي نظيف او علبه صغيره اللي يعجبج وحطي فيها
زيت بعطر الرمان او التوت البري او الفانيلا حسب اللي تحبينه بس انا احب الرمان حيل حلو تلقينه بمحل بالافنيوز اسمه باث اند بودي اظن جذي يكون زيت حق الشموع علبته صغيره
تحطين منه بالبخاخه جم قطره مو كل القرشه لان الريحه حيل مركزه
وبعدين جيبي بيبي اويل من جونسون مقدار استكانه
وزيت لوز ربع استكانه او اقل
وزيت سمسم ربع استكانه او اقل
واخلطيهم كلهم مع الزيت المعطر ورجيهم عدل وخليهم بالحمام عزكم الله وبعد ماتسبحين حطي من الزيت على كل جسمج قبل لاتنشفين جسمج من الماي
وبعدها بشوي البسي ملابسج واطلعي وشوفي الريحه شلون صايره

جربوها بنات واللي تعجبها تحط تجربتها
وادعوووولي

للامانه بنات ترى هذي الطريقه انا مبتكرتها لحد ينقل موضوعي او ينسبه له بدون ذكر اسمي

على قولتهم مو محللله
:eh_s(15)::eh_s(7)::eh_s(17):

 

[MZAJY 93B]

مشكووووووره ياقلبي وتسلم ايدج ^^

 

[عاشقة العطور]

مشكوره حبيبتي :*

 

[a7вĸ мσσστ]

يعطيك العافية

 

[nada-]

:e3::lolo:

 

[تبيني آرضى عليك]

مشكورررررررررررررررررررررررره

 

[&موناليزا&]

مشكورة حبيبتي

 

[batooly]

مشكوورة d:

عاد كنت بسوي هالظريقة بس ما أدلاي وين ينباع الزيت المعطر :/

*~.~*

 

[سالم الروح]

مشكووره

بس زيت الشموع يصير يستخدم للجسم؟

 

[batooly]

اي صح ؟!

هذا زيت مال الشموع , اشلون ؟! <لوول داشة عرض

شكلي راح أستخدم زيت لافندر من العطار:/


*~.~*

 

[فرحتي2.2]

مشكووره

بس زيت الشموع يصير يستخدم للجسم؟

نفس السؤال

 

[ya al3rosa]

مشكوورة

 

[خلطات المذهله]

ماشااء الله شكلها وايد حلوة الخلطه تسلمين ياعسل

 

[وحدة كويتية]

اي صح ؟!

هذا زيت مال الشموع , اشلون ؟! <لوول داشة عرض

شكلي راح أستخدم زيت لافندر من العطار:/


*~.~*

تسلمووون حبايبي على الردود الطيبه
بالنسبه حق زيت الشموع والله انا استخدم هالطريقه صار لي اربعه شهور وكل ماتخلص العلبه ارد اسويها والحمد لله ماضرني شي وثاني شي بنات انتم راح تحطون قطرات يعني جم قطره بس مو كثير
وبالنسبه حق اللافندر اللي بالحواج عادي اذا تحبينه بدليه بالزيت المعطر
وفي بعد زيت المسك هم بعد تقدرين تستخدمينه يعني عندكم خيارات كثيره وكل وحده وذوقها
وبعد دهن العود الاصلي بس تحطين كميه قليله
بس انا حطيت لكم الفكره اللي انا معتمدتها وقاعده اسويها
ومشكوووورين مره ثانيه للمرور

 

[نبضكم]

مشكوره حبيبتي
خلال هالاربعة اشهر هل لاحظتي توحيد او تفتيح ؟

 

[حزني حيرني]

الله يسسسسسسسسسسعدك

 

[رونقٌ]

مشكوره

 

[وحدة كويتية]

اي حبيبتي حسيت بتوحيد لون شي بسيط مو حيل يعني بياض
بس الاهم انه ماسمر لوني مثل باقي اللوشنات المعطره

 

[sverige]

شكرا والله يبارك بيج

 

[سويت فانيلا]

يسلمووا