زيت الخطوط بيو أويل .. وهذي أماكن توفره بالكويت تفضلي >>

[تفاخيه مبطوطه]

ايواااا عاشت حبيبه

لا تنسين السنفره قبل الكريم مثل ماقالت وحده من الخوات

ناطرين النتايج

دارين .. ثاانكس بس قوليلي بالضبببط وين هذا المحل؟ ماعرفه ولا قط رحت له!!!

 

[زهور الشرق]

تفاخيه مبطوطه
أختى مثل ما قالت الاخت دارين موجود بصيدليات بوتس فقط وفروعه مذكوره بالصفحه الاولي الحجم الكبير125مل اظن بثمانيه وشي والصغير بـ 4دنانير

دارين
مشكوره قمووره عالمرور والاضافه واتوقع على هالزيت بنخلص من الخطوط واثار الجروح بإذن الله .. والله يوفقنا والجميع

حبيبته آنا
ههههههههههههههههههههه
والله وصفج دقيق فعلا جنهم برق صاجه والله ..
قمووره ان شاء الله تستعملينه وتبين معاج النتايج بس عشان النتايج تكون اسرع لا تنسين تستعملينه مرتين باليوم وتسوين قبلهم سنفره مثل ما قالت اختى تفاخيه عشان تتنشط الدوره الدمويه ويمتصه الجلد بسررعه ..
وبالتوفيق يارب..

 

[الحالمه]

مشكووووووره حبوبه
وبنتظار النتايج علشان نطبق

 

[Fatima]

بنات انا جربته
وعن جد خفت الخطوط البيضاء حتى زوجي لاحظ ويشد شوي خوش زيت والله

 

[طوق البنفسج]

اذا مفعوله مثل ما مكتوبه .. خوش شي

 

[لجين العنزي]

يعطيك العافيه حبيبتي

بجربه ان شاء الله

يسلمووو :eh_s(17):​

 

[ii DareeN ii]

تفوخ بطريجج حق نكست ودبنهامز في شرق تحصلينه قبل عقب نكست وعقبه ريفر ايلند يالله اشتريه وجربيه وقوليلنا المفعول:eh_s(20):

 

[تعب-قلبي]

ناطرين تجربتج حبيبته انا
؟؟؟؟؟؟؟؟؟
لاعت جبدي من هالخطوووووووووووووووووووط شكثرها

 

[بنت النوخذة]

يعطيج العافية حبيبتي وما قصرتي

 

[تفاخيه مبطوطه]

اوووكييي دارييين بحاول اشتريه ... اوف ياليت يكون اهو الحل لأني تعبت من التدهنننن

 

[znzn]

بصراحه الكريم ابي اجربه اذا يابنتيجه راح اكولكم مشكوره على على المعلومه يا زهور الشرق

 

[* حلوه وماكو احلى مني *]

يعطيـــــج العافــية حبيبــة .......
صج شوقتونــي بـشتـريــه و بــجربـه انـشاللــه​

 

[تفاحة حمرة]

والله عجيب يعني يفيد الشخابيط بعد الحمل

تسلمين والله بالفحاحيل اي صوب هالمحل

 

[طير الحب]

يعطيج العافيه

 

[الحب الخالد]

بنات مشكورين وايد وايد وايد على هذا الموضوع والله بطونا اتفشل ما يبقى خط سريع ما انشق على البطن والله بس ناقص نلعب اكس اوو
بروح اشتريه واجربه والله لما اشوف يارب نتيجه حلوه
وهم بعد مشكورين

 

[زهرة البيلسان]

الله يعطيك العافيه على الموضوع الحلو ...:eh_s(15):
بس ياليت البنات اللي جربوه يقلون لنا وش صار معهم :eh_s(22):

 

[dan]

تسلمين على هل موضوع والله الخطوط ذبحتنا صارت دفتر شخابيط انشالله نجربه

 

[sondos]

انا صارلى 5 شهور استعمله بنصيحه من دكتور الشركه المنتجه للزيت

وفعلا احس اثار بطنى من الولاده فتحت شوى والخطوط البيضا خفت

بس اول مافتحو بوتس انا شريت الكبيير ب 6ونص الحين صار ب 9ونص

وترطيبه عجيييب ومافيه ريحه

 

[زهور الشرق]

العفووو حبايبي ومشكورين على المرور الحلوو

الى جربته وحست بنتيجه اتقولنا .. استعماله مرتين باليوم ولازم قبلهم استحمام عشان تتفتح المسام ونستفيد من الزيت بسرعه
وفعلا ريحته حلوه ومقبوله موكريهه مثل ريحه دهن الورد توني بديت فيه ..
وبالتوفيق للجميع

 

[زهور الشرق]

اختى سندس
اشوف ان 5 شهور كثير .. معقوله مابينت الخطوط الا عقب 5 شهور ..!!!
كنتى كم مره تستعملينه باليوم ؟؟؟
وشكرالج