زياده ماي المشيمه؟؟

[dalooo3h]

مرحبا

بنات انا نفسيتي تعبانه حيييل صارلي شهر من اخر سونار قالت لي الدكتوره ماي المشيمه زايد قلت لها شلون وشنو يعني توهقت اول ممره يصير فيني جذي وماعندي خبره قالت بدم بارد يمكن تشوهات في الجنين وا سكر حمل سويت تحليل سكر الحمل مافيني ومن هني حييل خفت تشوهات قالت لا وانا من الرابع مسويه سونار والحين انا بالسادس لو في جان بين التشوهات عدل بنات؟؟

والحين احس بعوار طلوق مو طبيعيه عسى ماامشي شوى وانا قاعده وحركه الجاهل بزياده بنات طمنوني وخاصه من العوار لايكوون ولاده مبكره ؟؟

وشنو يعني زياده الماي يروح ولا لا ؟؟ يسبب للجنين شي

تكفون ساعدوني :0bee2e8d89:

 

[dalooo3h]

شدعوه مافي احد مرت عليه السالفه ولا سمع عنها؟؟؟

 

[امواج الكويت]

والله ما مرت علي بس روحي لدكتور ثاني لا تعتمدين على كلام واحد وربي يتمم عليج

 

[انا والجرح]

انشاءالله خير وروحي لدكتور ثاني

 

[حرم يوسف بيك]

رد : زياده ماي المشيمه؟؟

نفس بعد قلبي بنت عمي نفس السالفه اهيا بالثامن وماي الياهل زايد وبكل عيالها يصير فيها جذي ويقولون لها تشوهات بالبيبي. والحمدالله يابتهم مافيهم الا العافيه والحين بحماله الحين قالولها نفس الكلام وبسويلها الدكتور رباعي الاسبوع الياي وان شالله ماكو الا العافيه لاتحاتين وبنت عمي اتراجع بدار الشفا الاغبيه والحين حولت الصباح