زيادة هرمون الحليب... ساعدوني يابنات ؟؟

[منوة الروح]

السلام عليكم ورحمة الله وبركاته ..

شلونكم بناات شخباركم ..؟؟

بدخل بالموضوع على طول بغيت اسألكم عن زيادة هرمون الحليب هل له اضرار اذا ماحسيت باضراره

الدوره (عزكم الله ) كانت متخربطه عندي حيل - من اول مابلغت ومن سنتين بدى يسيد الشعر بجسمي المهم سويت تحاليل مع العلم اني مااحس باي عوار او اي شي ولله الحمد بس الكل يقول ديربالج ومن هالكلام لانه الدوره متخربطه - سويت تحاليل وقالي الدكتور هرمون الحليب شوي ومرتفع وعطاني حبوب ..

والحين دورتي بدت اتعدل وتنتظم بس مادري هل هرمون الحين يخف اذا كان زياده من قبل سنه جذي - ويتعدل وينتظم ..؟

وهل له اضرار بعدين حتى لو انتظم ...؟؟

بنات الي عندها اي معلومه او اي شي تقدر تفيدنا فيها لا تبخل علينا ..

ومشورين ويعطيكم الف عافيه ...

 

[hakona-matata]

حياتي منوه انا كنت اعاني نفس مشكلتج من زيادة هرمون الحليب حتى ان الدكتوره ((لينا )) في المواساه قالتلي هو سبب تاخر الحمل عندي ... وسالتني اذا احس بصداع والا لأ .. وقالتلي سوي اشعه مقطعيه حق راسج لان احتمال الغده متضخمه فتزيد من افراز هرمون الحليب .. بس الحمدالله طلع حجمها طبيعي .. فعطتني الحبوب بيض صغييييره اللي المفروض تنظم نسبة الهرمون...
ادري طولت عليج بس هذي تجربتي قبل 4 سنوات .....
انشاله ما فيج إالا العافيه لا تحاتين انشاله ماله اضرار حبيبتي

 

[منوة الروح]

بعد قلبي الحمدلله على سلامتج وماتشوفين شر == تأخر حمل ... بشريني عندج عيال الحين ولالاأ ..؟

بعد قلبي ماقصرتي - انا ماهمني وعادي طاف من قالي الدكتور العام مافكرت احسه شي عادي بس قبل جم يوم قريت عن زيادة هرمون الحليب واضراره وتعومست وخفت وتروالي انه بطني يعورني يمكن لاني احاتي من قريت الموضوع ...

شاكرتلج مرورج يالغاليه

 

[منوة الروح]

20 وحده وماردت على الموضوع الا وحده ..

عالعموم مشكورين حبايب قلبي

وماقصرتي حبيبتي على ردج وشاكرتلج مرورج مره ثانيه يالغاليه ..

 

[غرور المطيري]

ألي أعرفه يالغالية أن تأثيره مؤقت بمجرد ما ينتظم الهرمون عندج

تكونين خلاص بكامل عافيتج وتوازن جسمج .. المهم تراجعين

الدكتور مره ثانيه وتشوفين أنتظم الهرمون ورد لوضعه الطبيعي

ولا لا .. بس ألتزمي بالعلاج .

أنا مثل وضعج تلخبطت عندي الدورة مدري شالسبب بس لا زاد

شي في شعر جسمي ولا شي .. مع ذلك قلت بتطمن

ولما رحت أسوي التحاليل قالت لي تعالي وانتي عليج ثاني

يوم من الدورة تكون نتايج التحاليل أوضح .. !!!! مدري شدخل هذا بالتحاليل المهم بنطر وأشوف ..

وعسى ربي يعافيج من كل شر .

 

[منوة الروح]

غرور المطيري حبيبتي شاكره لج مرورج

مشكوره وماتقصرين ... - ولا تخلين نفسج سوي التحاليل ...

وماتشوفين شر يالغلااا

 

[نوور]

ماتشوفين شر
أولا هرمون الحليب سببه يكون خلل في الغدة النخامية اللي فالراس مما يؤدي الى زيادة او نقص في هرمون الحليب.
ثانيا : هذا الخلل في الغدة النخامية ليست له أسباب مرضية أغلبها تكون أسباب نفسية العصبية والاكتئاب وغيرها
رابعا :أعراض زيادة هرمون الحليب : صداع مزمن يصاحبه في أغلب الأوقات صغط على العين - اضطراب في الدورة الشهرية تأخر الحمل مع افرازات حليبية وهذا خاص للمتزوجات.
رابعا: يستحسن عمل تحليل لمعرفة نسبة الحليب ويكون التحليل في خامس أو سابع يوم من الدورة بعد مراجعة طبيب مختص بالغدد الصماء وعلى أساس التحليل ونسبة ارتفاع هرمون الحليب سيتم عمل أشعة رنين مغناطيسي للرأس
للتاكد من خلو الغدة النخامية من أي تضخمات
خامسا : العلاج يكون نصف حبة تأخذكل ثلاث أيام أو حبة أسبوعيا
طبعا استمرار العلاج متوقف على التحليل وأشعة الرنين المغناطيسي التي تعاد مرة أخرى بعد المدة المحددة للعلاج.
في بنات يستمرون مدة طويلة في العلاج وخاصة المتزوجات وفترة الحمل والرضاعة يتوقف العلاج ثم يعاد مرة أخرى
هذه المعلومات اللي اعرفها لأني أعاني منه
بس الحمدلله والوضع طبيعي وعلاجي مستمر وبنشوف عندي مراجعة بعد جم يوم
وماتشوفين شر قلبو:tek:

 

[عروسه حايره]

حبيبتي لا تحاتين انا نفسج واراجع عند الطبيب صار لي سنه

وصدقيني ماله اضرار

 

[الشفايف كرز]

يسلمو

 

[@ الحلوة @]

جبيبتى سالى خبيرة الاعشاب بالمنتدى

اكيد بتفيدج

 

[Q8stylle]

ماعندي فكرة انشالله البنات مايقصرون