زيادة رواتب اللي ماعندهم كادر

[q8tyah]

حنا جامعين خريجين الحاسوب شذنبنا موقفين كادرنا ويعاملونا معاملة الاداري


مايسوى التعب والكراف والسهر بالدراسه اخرتها معاشاتنا 630 بالذمه موحرام


المفروض يساوونا بالمهندسين مو بس يقرون كادر للاداري

 

[Googleya]

رد : زيادة رواتب اللي ماعندهم كادر

امبيه وحده تتكلم عن الحسد وترفض زيادة الادراريات ههههههه

مادري شلون الحسد يكون ؟

قريت الخبر تستاهلون اللي ماخذو الكادر الله عوضكم خير

 

[ام خدود ورديه]

بنات الحين شلون متى بيقرونها؟ متى راح تنزل؟

 

[كاليفورنيا]

اي والله متى الزياده

 

[كرز حالي.]

رد : زيادة رواتب اللي ماعندهم كادر

اي زيادة وين مصدر الخبر؟؟
ماسمعت بصراحه سمعت كوادر بس
لبعض الوزارات مو كلها
وماقالوااللي مااقروا كوادرهم راح اتيلهم زياده
ماسمعت والله

 

[@سوسن@]

الزياده انشاء الله اخر شهر 3 يعني الاسبوع الجاي والديوان راح يقر الكوادر مالت الاداريين

الاخبار عندي اول في اول .ملاحظه :ترى الديوان يجتمع مره وحده بالسنه بس يعني الحجي ع الاسبوع الجاي يا ابيض يا اسود
بخصوص الفنيين انشاء أبشركم خير راح يقرون كادرنا بش شي بسيط للتفاصيل (خاص) بالفنيين هذا الرابط :

http://www.q8yat.com/showthread.php?t=822780

 

[يالله الجنه]

رد : زيادة رواتب اللي ماعندهم كادر

الخير بوجهج يا اخت سوسن ولج البشارة بس انتي بشرينا لا تنسينا

 

[جوك احلى جو]

مايندرا لايكون الخمسين ماغيرها

 

[كويتية و لكن]

الله يبلغكم مرادكم يا حبايبي ويفرحنا كلنا اللهم اامين

 

[يالله الجنه]

مبروووووووووووووك عليكم 100 دينار والله يستر لا يغيرون رايهم الحمدلله نعمة

اليوم في الصفحة الاولي في جريدة الوطن

 

[@سوسن@]

هذا الخبر اليوم طبعا اليوم(الاثنين) الموضوع يقرونه
تفضلو واخلي التعليق لكم لانه من جد لايعه جبدي .بهالديوان اللي يتخبط ولايدري وين الله قاطه .
ومبروك للكل 100 دينار :


http://www.alaan.cc/pagedetails.asp?nid=70777&cid=30&msg=1

 

[NESAIEM LEIL]

يعني الحقوقيين اللي بالوزارات هذي زيادتهم....؟؟؟؟!!!!!!!!!!!!

 

[كرز حالي.]

الوزاره اللي مالها كادر راح يكون لها 100 دينار
والباقي لهم كوادر مالهم زياده اتوقع

 

[قلب زوجي وولدي]

100 دينار حق اللي ما عندهم كوادر


​

 

[عزتي مالها حد]

عاد ان شالله تكون كااااملة
مو مخصوم عليها شي