زيادة الكادر

[يارب ارحمني]

مرحبا بنات

كلنا سمعنا ان زيادة الكادر بتنزل شهر 9 بس اليوم سمعت المدرسات يقولون لازم نروح الوزاره واللي تقول لازم نروح المنطقه واندخل الرقم المدني علشان تنزل بشهر 9 واللي ماتروح ماراح ينزل لها شى والله مصخوها ماتسوى علينا هالزياده

اشرايكم نروح نسأل ولا ننطر شهر 9

 

[ام الملاعق]

لا اكيد بنزلونها لان بياناتنا فى الوزارة شكو الرقم المدنى بس حبيت اسالج راح تنزل باثر رجعى ومن شهر جم؟

 

[ArEEj]

طلبي تقرير راتب من السكرتاريه
وراح يبين فيه اذا نازل لج ولا لا
معانا وحده طلبت وطلع نازل لها
واليوم انا طالبه بس للحين ما وصلنى

 

[يارب ارحمني]

هلا ام الملاعق

يقولون باثر رجعي من شهر 4

هلا اريج

من باجر ان شالله بطلب تقرير راتب

 

[الحياة]

انا قبل الدوامات باسبوع طالبة شهادة راتب ما طلعلي شي

وانشالله بتنزل شهر 9 قبل المعاشات قالو ... بس متى ؟؟!!!

الله واعلم !!!

 

[أم جوري]

السلام عليكم ورحمة الله وبركاته

الكادر بينزل مع معاش شهر 9 باثر رجعي من غير مراجعة والمعاش هالشهر بينزل بدري علشان رمضان بتاريخ 23 الشهر يعني راح ينزل المعاش بتاريخ 20 - 9 - 2006 م لكل الموظفين بالكويت ...

 

[يارب ارحمني]

ياهلا الحياه

ان شالله تنزل شهر 9 لان صج متوهقين رادين من السفر ومفلسين على الحديده


ام جوري
خبر حلو المعاشات مبجر وناااااااسه
اللله يبشرج بالجنه

 

[شادية]

اشوى كل الناس مفلسه مو بس انا ^^

 

[يارب ارحمني]

شاديه
شفتي عاد الحال من بعضه *_*
كل مدرسه لازم تكون مفلسه

 

[الحياة]

والله ماندري شنسوي شلون نخلي معاشنا يظل لي شهر تسعه..!!

انا قلت بخلي البنك ينزلي معاشي كل شهر بروحه العطلة الياية..​

 

[نجمه*]

بنات بغيت اسأل يعني مالاداعي نراجع الوزاره؟؟؟

 

[mooomooo]

يقولون اليوم احتمال اتأخر وماتنزل شهر9

يمكن تنزل شهر 10


والله لاقينا مقصه :eh_s(14): :eh_s(14): :eh_s(14):

 

[زلابيا]

اي انا بعد سمعت ان منطقة حولي مو كلهم بتنزلهم شهر 9 وراح تنزل شهر 10

!!!

انزين انا بعرف ليش جذيه يذلون الواحد؟! يعني وينهم من اول ما أقروها ؟؟

في ناس مساكين معتمدين عليها وهذولي يأخرونها

 

[mooomooo]

والله هذول شايفينا ساكتين قاموا يلعبون فينا لعب:eh_s(3):


الحين شاللي يعطلهم خو الكادر من متى قارينه ؟؟؟ :eh_s(14):

شالعبط :eh_s(13): :eh_s(13):


واشمعنه حولي ؟؟؟؟

 

[الحياة]

بنات ولا وحدة تقدر تروح تسال بالوزارة.. يعني يمكن الوزارة يم بيتهم او اهيه حابة تروح وتراجع وتسال بعد ولي يسلمها عن كل شي

 

[mooomooo]

جااااااااانزين اقدر اروح

انا بس اطلع اروح حق عيالي بالسالمية والا انا عندهم ماخليهم

بس شسوي


بشوف فلوس المناوبه والمراقبه ولو انهم اشويه بس اسمهم بيزات ينفعونا وقت العازه

 

[أم الجوري]

انا طلبت تقرير راتب ولقيت الكادر نازلى بالتقرير
بس ما ادري عاد ينزل هالشهر ولا لا
ان شاء الله ينزل

 

[ام الملاعق]

زين شرايكم انه مافى كادر وحده من المعلمات فى نهاية الدوام قالت انه فى مصادر موثوقة انهم الغوا الكادر وهذى السالفة قلتها يو م الاربعاء وانة جمعية المعلمين راح يسوون اجتماع يوم الاحد الياى ومن قالت هالسالفة وان ضايق خلقى لان حتى المنحة مااستانست فيها كلها طيرتها على تاثيث صفى

 

[نجمه*]

لا لا تقولين ماكو كادر!!!!!!!!!!!!!!


ياربي شهالحظ!! الحمد لله على كل حاااااااااال

 

[يارب ارحمني]

اهلين بنات

شخباركم

والله ذلونا على هالزياده لا وبعد تقولون يمكن يلغونه والله حرام عليهم لازم جمعية المعلمين تسوي شى مايصير نسكت معاشاتنا ماتلحق بهالزمن كل شى غالي