زوووووجي مايبي يطلع معاااااي

[بنت بطنهااا]

السلام عليكم

بناااات تعبت وربي انا عروس صارلي جم شهر
ومن تزوجنا يوميا نطلع مايمر يوم مانطلع فيه يروح لربعه شوي و يمرني نطلع يوووميااا

وفجأه قام يطلعلي اعذار كل يوم يقولي ماقدر
فلان يبيني اروح معاه مادري وين
انا عندي شغل
انا بروح المكان الفلاني
انا عندي عرس
انا بودي رفيجي مادري وين

صااااارله شهرين
المشكله لو انه مشغوول صج انا اعذره عاادي
بس يجي يقولي انا عندي الشغله الفلانيه ماقدر واسمعه بالغرفه الثانيه يتصل على رفيجه
يقوله عندكم شي؟؟ انا بجيكم الدوانيه

جم مره اكلمه اقوله فلان زهقت انا ابي اطلع معاك يقولي حاضر من عيوني باجؤ اوديج

جك بوم يقعد من النوم يدق على ربعه ويروحلهم اقوله انت قايلي اليوم بنطلع

يقولي خليها باجر

يومييييييا هذي حالتنا صارلي شهرين اقوله حس فيني شهرين موطالعه حراااام عليك

مايعطيني وجه كل ماكلمته يتهرب اقوله اشفيك قولي ماتبي تطلع معاي قول

يقول انا انشغل

يججججججذب انا يوميا اسمعه يكلم ربععه يقولهم بجيكم الدوانيه واذا قتله فلان بتروح الدوانيه ماعندك شي اليوم خنطلع

عرف اني دريت ماعنده شغل مايقدر يجذب يقولي اوك اوك لبسي

بس اقوم بلبس واللللله يدوووور اي شي عشان يزعل ويطلع

والله اي شي حتى لو ماكو شي يزعل مثلا يقولي شنو بتلبسين اقوله مادري

يقولي شنو ماتدرين تستعبطين انتي تكلمني اقوله والله مادري بشوف

يصرخ (اقول اقول ﻻتدرين احسن انا بطلع)

شفتووا شلون ماكو سالفه بس المهم انه يزعل و مايطلع معاه

شسوووي معاااااااه تكفوووون

 

[Patcholli]

ريلج اول فتره كان يطلعج لانكم معاريس والحين يبي يعودج ان مايطلعج الا بالسنه حسنه
استمري عالاصرار وانه يطلعج هاذا حقج وحتى لو يزعل سكتي وتحملي عشان لا يستانس ويصير الي براسه ومايطلعج

 

[امـ خــزامـى]

سهاله حبيبتي ان شاءالله تكون هذي اكبر مشاااكل وتكونون سمن على ععسل

ياقلبي هو خايف تتعودين على الطلعه والصرف
وانت خايفه انه يكون هذا نظامه ومايطلعك ابد

انا اقترح كل واحد يجلس مع ثاني بجو روقان تكونين مجهزه فيلم كوميدي وبوب كورن وبارد وكيك ومن هالبلع

وبعد ماتخلصون قوليله حبيبي بصارحك بشغله
وتكلمي باللي تبين ولاتجااملين خليك صريحه
قولي انت مااقصرت وطلعتني وعلى راسي من فووق
بس مو شهر العسل وبس لا حنا حياتنا ان شاءالله كلها عسل
خلينا نحدد بالاسبووع نطلع مرتين اهم شي بايام معينه

وخير الامور اوسطها لاطلعه كل يوم ولا جلسه بالبيت شهرين

 

[مزآجيه!]

اقعدي معاه وكلميه

قولي له انا مابي اطلع كل يوم ، ابي يوم بالاسبوع يكون لي نطلع ، نتمشى ، نستانس

لا تكبرين السالفه ولا تقعدين تحنين عليه يومياً بطلع وبطلع رآح يزهق ويتعذر هذا اذا ما طنش

يوم بالاسبوع كآفي ٤ مرات بالشهر طبعاً طلعه خاصه مو طلعة تقضي وتشري


والله يهديه ويسخركم لبعض

 

[عـيّــآره]

شوفي حبيبتي بدون مجامله انتي تقولين عيبه الوحيد انه صار مايطلعج وفي بدايه الايام كنتو تطلعون

احس انج تكلفين عليه بزياده يعني اذا طلعتو برا لازم تشترين شي او تفرضين عليه شغله معينه وصارت عاده فيج

وهو ماتقبلها عاد انتي تعرفين نفسج انا كلامي مجرد احتمال اذا كانت فيج عادات بالطلعه حاولي انج تغيرينها​

 

[Bnt Salwa]

يمكن لبسج مو عاجيه عشان جذي يتهرب يطلع معاج مثلا
تحطين ميك اب او الوان فاقعه او لبسج ضيج او تلفتين النظر
عشان جذي يستحي يقولج او يطلع معاج
انا لمن كنت عروس كنت مثلج و جت فتره صار يتهر لمن اعترف لي قالي عبيج فيها الوان و انا استحي ربعي يشوفون مرتي معاي تلفت بس استحيت اقولج عشان ما تصير مشاكل و انتي توج عروس و كاشخه فيهم
قسما بالله من غيرت لبسي و الميك اب خففته حيل يعني بس مسكرا و ارسم حواجبي قام اهو اللي يقولي يالله خل نطلع لانه قام يرتاح نفسيا اذا طلع معاي
فصلتلي عبي جديده ناعمه بدون شغل و وسيعه

 

[هاهاهي]

أنا أشوف ان مل من روتين الطاعن اليوميه و هذا شي طبيعي حق كل ريال
ليش تطلعين معاه يوميا خصيب يوم بالأسبوع لكم طلعه و كل مره مكان جديد من باب التغير و باقي الاسبوع طلعي مع اهلك و صديقاتك و خليه علي راحته عشان يشتاقلك
عاد يوم دقي عليه قوليه شرائك سينما و يو فلم بالبيت يوم مشي هذا غير طلعتك الاسبوعيه و الله يوفقك و يهنيك

 

[هاهاهي]

و نصيييييييييييحه مو كل طلعه تقولين ابي و ابي و ابيييي هذا سسبب ينفر الريال

 

[سيلينا]

اول فتره يقص عليج

حبيبتي طبيعي الواحد اول فتره كل يوم طلعه
ومع الايام تقل يمكن هالطلعات مصرف عليه فبدى يقلل وقعدات الدوانيه ماكو شي ينصرف

عاادي الله يسخره لج خصصي لكم طلعه اسبوعيه معاه تتغدون او تتعشون بره وتقعدون بكافيه عقب
قولي له ابي يوم بالاسبوع يكون لي وباجي الايام لك اشوي اشوي يزيدون بس تقضبي بيوم الحين لين تقدرين له عقب

 

[سيلينا]

اي صح ,,

انتي بهالطلعات كنت تشترين اغراض وتخربطين او تدخلين محلات وتصرفين!

ترى ممكن هذا يكون سبب !

يعني ممكن انتي تشترين واهو يدفع ويستحي يقولج ما قدر ولا الي عندي مايكفي

انا مثلا زوجي يقول اعطيج فلوس تشترين اغراض وتروحين السوق بس لما نطلع ماتدخلين ولا محل !! ترى هالشي ما اكتشفته الا لما قال لي عقب 7 سنين زواج ! ما كنت منتبه له مو قصده الفلوس بس ما يحب السوق او انه يتسوق يبي طلعه رواق مطعم او كافيه من غير محلات يقول اتحمل التسوق بالسفر بس ! والحمدالله ماشيه الحياة ..
في اكثر من سبب حاولي توصلين حق السبب الي يخليه ما يبي يطلع معاج

 

[شطانه طفله]

الله يهديه من واجبه ان يطلع معاج
الله يهنيكم يارب

 

[M!SS.LOBY]

حبيبتي قاعد يحاول يعودج عالبيت عشان ما تتعودين عالطلعات والاسواق

خلاص ريال ما يبي يصرف فلوس بطلعات

 

[الأميرة جوري]

انا مع العياره يمكن الطلعات فيها دفع وايد يتهرب لا يقول لج جذي منها تتعودين عالبيت

 

[فيلسوفة قلبي]

سهالات حبيبتي ... هونيها وتهون ..

حاولي معه وقعدي وحني على رأسه

وإذا قالج شو بتلبسن قولي له خلاص مزهبة ثواني وأجهز . وتدلعي له شوي..

حاولي مني مناك بطريقتج الحلوة تقنعيه يطلعج مو بالصراخ والزعل ..


وجعل ربي يدووم بينكم المحبة ولا يغير عليكم يارب العالمين

 

[مذهلة2013]

حبيبتي خصصي طلعه اسبوعيه ويااه قوليله عالاقل انا لي حق عليك

حاولي تناقشينه


ربي يسخره لج

 

[miss.unique]

يا عمري بداية الزواج وايد اشياء غير

وترى لما تحنين عالريال بتكرهينه بالموضووع وبالطلعة معاج

انا اقول فترة لا تحنين سكتي عنه.. طخي ... بعدها قعدي معاه واهو رايئ و قوليله حبيببي خلا نخصصلنا يوم واحد بالاسبوع حق طلعة واذا سويتلي هالشي ما رح احن بعد ... و خلاص

وحل ثاني : حاولي تطلعين ويا خواتج امج او بنات خالاتج رفيجاتج ... مو كل طلعاتج وياه عشان لا تظطرين تحنين عليه كل يوم