زوحي يبي قرض2

[عبث طفله]

انتي ما رفضتي الا عارفه زوجج وعارفه طبعه.. بعد هو ليش يتدين من الناس؟؟ .. جان انتي ساعديتيه بمصرف البيت والصغار وانتهى الموضوع .. ادا اتخدتي قرار لاتندمين عليه ...


وعن سالفه الخاتم .. انتي ما طلبتي منه يجيب لج .. يمكن هو حس انج زعلتي حب يراضيج وخلاص سكري الموضوع لاتفكرين فيه ..

وشاركي بمصروف البيت وحاولي تشيلين عنه هالهم .. ترى صعب الرجال يوقف معاشه وما يقدر يصرف على بيته ..

بس فيه موقف يثبت كرمه انه عطاج الفين دينار ترى غيره ما يفكر يعطي هالمبلغ عشان عرس !!

 

[ابتسمامه]

بصراحه قوووووويه بس طوفي اللي سويتيه صح

 

[faith1]

صراحه لوكنت مكانك بعطيه على طول كلها 3 الاف مقدور عليها عشان عيالي واذا صا بينكم شي لاسمح الله على قولتك منتي ميته المبلغ بسيط وخلال سنتين تسددينه واجرك عند الله صدقيني الدنيا دواره باجر ممكن تحتاجين شي والا يصير عندك ضرف بتحتاجين وقفته معاك

 

[sosa_23]

والله موقف محرج
كسر خاطري مسكين شكله صج كان متوهق
عموما حبوبه انتي ادرى بريلج لو انا مكانج واعرفه عدل انه زين ومو مقصر و فعلا متوهق اعطيه عيوني شخانه الفلوس وابو عيالي متضايق اما اذا نصاب لا والله اخلي فلوسي عندي ابرك
موفقه حبيبتي

 

[ام الحلوين77]

بعتقادي يبي يبين لج انة يحبج وانه مانساج ع كل ظرووفة

عشااان يكسب طيبت قلبج وانتي خاابرة ريلج

ونصيحتي لاايقص عليج

 

[Om_Ksha]

الحين سالفه القرض انتهينا منها الريال باع سيارته ،، بسكم لوووم

بس على سالفه الخاتم حدها قويه وفشله ،، يبين لج انه الفلوس ماتفرق بينا وماتهمني ،، كثرج ،،
بس بصراحه على هالاحداث وانه مو مقصر معاج بعرس اخوج وغيره احسه حرام يستاهل وما طلب منج الا واهو منحد،، بس غريبه يعطيج الفين واهو وضعه المالي مو مستقر ،،،
احس نوعه يدفع ومايفكر لبعدين حتا لو ماعنده ،، وبس لا تتحسفين اللي فات مات وانشالله مايكون حاز بخاطره وانتي مو شايله بقلبج عليه ،، وصج قبل كل شي استخرتي!! ترا الاستخاره مو بس للخطوبه وغيره بكل شي محتاره فيه ،،،

 

[واقعية حـلـم !]

احس انج صح انا ما احب القروض اخاف منها

 

[اختكم بالله]

والله الحركه قويه بس مهما يكون لاتاخذين قرض

 

[kookiss]

من كلامج الريال عمره ماقصر لافيج ولافبيته ولا عياله اوكي ترا يمكن تسلف عشان الاجار مقدم لازم اوكي
انتي قلتيها راتبه واقف وعنده التزامات صح ليش ماقلتيله انا ماخذ قرض بس اعطيك الي انا ميمعته لانه الواضح انج ماتصرفين راتبج صح عموما السالفه خلصت وعدت والريال خذا موقف اكيييييد بس انتي تشكري على الهديه وقوليله وفهمي انج ماتبين قروض بس وان شالله الله يصلح الي انكسر

 

[رتو الكيوت]

معاشه واقف +عليه ديون ؟ و باع سيارته سيارته عشان يسددهم ؟ .. اوووووف حدها قوية !!!


و انتي قاعده حاطه ريل على ريل؟ من حقه يحرجج ..بصراحه هذا من رداج ...

نفس الي ببالي :eh_s(15):


زووججج يوم كنتي ماتقدرين تساعدين بعرس اخوج ساااعدج وماخلاج اقل من خوواتج الي تقول ملزوم حياتي ملزوم يلبسسسها على قد قدرته م و ملزوم يزوج اخوها ويخليها تهدي وهي مو موظفه !

زوجج مو لعاب معاشه يمممممشي ويقول خذيلي قرض !

كان عنده ظرررف ورا كلها ثلاث الاف

انا ضد الزوجه تاخذ زوجها قرض لكن يمشي معاشه + متسلف الثلاثه على خرابيط معزر فيني باااخل اي اهووو

بس عازني ورااازني ومو مقصرررر وهاذي ظروووفه لاواللله ثلاث الاف عطيه مب سلف !!!

ولا اخلييييييييييه يبيع سيارته الي توديه وتجيبه ويذل روحه باااجر حق الي يسوى ومايسوووى

 

[q8y-moon]

والله مادري شقوول
بس انا لو بمكانج اعطيه سلف واقوله وقت ماتوفر ردهم
ولا احده يبيع سيارته

 

[آتعــبني غـلآآك]

مادري والله شكله كان محتاج
ليش ماعطيتيه الفلوس كا سلف ويرده لج بدل مايبيع سيارته

 

[đeɱɛɼɑ™]

:
.​

المَفروض انتي اخبَر بِ ريلج
دامَه مو مقصِر عليكُم و الحين صادته هالظروف الله يفرجهَا عنه ان شاء الله
و صَار مِحتاااااااج جان عَطيتيه مَهما كان هذا زوجج ابو عيالِج وبينج وبينه عِششششرَه ​

هو يستاهل بعدين هو مو متسلف الف دينار ايجار للشقه لل3شهور والباجي اقساط الغانم وحق البيت واليهال لان موقفين معاشه بس انا عمري ماتسلفت دينار من احد اخاف اخذ قرض وبعدين لاصار بينا شي بندم اني اخذت له قرض

تقولين اخاف اعطيه واندَم !
ليش تندمين اهو اساسا ً معطييييييييييج ْ من قبِل حتى لو سوه شي مايعجبج معني ما اظن ماله داعي تتحسفيين .. تلقينه اهوووووو الحين متحسسسِف انه عطاااج لووو تفكيره مثل تفكيرِج :bbbiu:​

تخيلي ما عِندَه سيارَه جان راح لِ عوير وزوير يتسسَلف وعشان منو عشانِج انتي يا زوجته و عشان عيالكم ​

حبيبتِي اقل شَي اذا خايفَه كَتبي ريلِج ورقة و وقعيه عَليها عشان يرد لج فلوسِج لين ربِج يفرجهَا ان شاء الله ​

اذا ما وقفتي بِ هالظروُف مع ريلج متى بتوقفين بالله؟​

عموما ً الحين عُقب ما هداج الخَاتَم روحي اشتري له هدية بِ مبلغ وقدرَه وراضيه وفَهميه وجهة نظرِج .. وكثروا من الاستغفَار والصدقات ​

 

[حبك سراب]

اليوم زوجي قعد يسولف معاي قال انا غلطان مفروض مااقولج تاخذين قرض بس الواحد اذا تضايق مايفكر عدل الحمدللله عدت على خير

 

[قـہۈه فـرنسيـہ™]

ماا نقدر نقيم مووقفج . . . كل وحده أدرى بزوووجها ....

في البععععض يستاااهل تعطينه ماي عيووونج ....


وبعدين المبلغ اعتبره بسيط بالنسبه لقرض !


مادري عااد انتي أدرى ....وانتي اللي تبخصين زوجج عدل وعايشه معاه

 

[الوجه السمح]

شكريه و بوسيه و قوليله مشكور و ماقصرت بس انت تعرف انا ما يهمني لا فلوس لا ذهب المهم وجودي معاك

 

[smartlady]

اشتريله هديه تطيب خاطره لا يحط عليج وينتقم منج بحرمه ثانيه لما يسدد قروضه وياخذ قروض ثااانيه

 

[om MaRyooM]

يمكن كان مظايق وفعلا ناوي يحرجج .. مبين من ردة فعله



انتي ولا جنه شي صار تشكريه وقوليله ماوازيك بفلوس الدنيا وانا مو محتاجة لا ذهب ولافلوس

ولاتتحسفين .. انتي سويتي الصح ليش تحطين على راسج ديون !! وان كان على وضعه اهو الله يعينه ويفرجها عليه

 

[باربية الكوووويت]

ان شاء الله ايبلج ذهب الدنيا انتي ما طلبتي منه ذهب
سالفة انج تتسلفين قرض حقه انسييييهاااااااااااااااااااااااااااااااااااااااااااا وانا اختج عنده اهل يساعدونه
و اذا مديون اهو الي ياب حق نفسه الدين مو انتي وكل معسره من رب العاليمن فيها اختبار و يسر بعدين بس البني آدم ما فيه صبر وخير ما سويتي

انا معاها لا تهزج حركته شوفي لو كان ملاك معاج انتي ماتضمنينه لياخر العمر

سمعنا قصص تشيب شعر الراس لالا تثقين بزوج كلش كلش عنده اخوان عنده عيال عم عيال خال رياييل يشيلونه بس انتي مو مجبوره تشيلين قرض له باجر لاسمح الله تنفج ضيقته وانتي مدبسه بالقرض واهوا يروح يتزوج ولا يونس نفسه ماعليج ومو ذنبج انه عنده ديون اهوا الي حطها ع نفسه
وابد لا تلومين نفسج

 

[دلوعة حمني]

غلطانة!

هذ زوجج انت ستره و غطاه ... و كل شيء على راسه بيت و انت و عيال ... و معاشه واقف و مع هذا ما ساعدتيه؟؟

الصراحة مادري ليش يايبلج هديه؟؟ ممكن علشان يكسر عينج و يقولج ماني محتاج من احد؟؟؟ بس الصراحة قوية منج!

انا منج اروح اشتريله سياره بدل اللي باعها!