زوج رفيحتي متعلق بطليقته

[مناير ...!]

بغض النظر عن كل شي
سالفه سوالفه واتساب معاها وحبيبتي ستووب
شنو حبيبتي؟؟
حبيبتك شحقه طلقتها!!
اوراق رسميه يقولها انتي حبيبتي @@

 

[gmar al-kuwait]

والله شوفي حبيبتي صارت مع وحده تصيرلي لدرجه ان بيوم العرس دق عليه طليقته ويرد ويطنش عروستهً

وكل ما اشوفها كانت تبجي ودموعها اربع اوبع لان ووايد كان يمدح طليقته وغير جذي كانت طليقته ادق عليه فون وتكلمهً

وكانت زوجته كل ماتصلي تدعي يارب ابعد فلانه عن فلان بعد المشرق عن المغرب وارزقها زوجً صالح اقسم بالله كلها جم شهر تزوجت طليقته وقريبتي احملت

ونسي طوايف طوايفها لدرجه ان يقولون فلان مايمشي الا بشور مرته وسكانه مرته الزبده علي زوجته بدعاء والاستغفار وخلها تجتهد

دامً انها مراه وتفتح بيت وبتصير ام لازم تصير قويه وذكيه وتعرف تتصرف ويه هذا الزواج يبيله طولت بال

والله يوفق الجميع يارب بس نصيحه بنات باب الفرج وقضاء الحوائج اهو الاستغفار لازموا الاستغفار وبتتغير حياتكم ماتتحل مشاكلنا الا بالاستغفار

:eh_s(7)::eh_s(15):

 

[pusy cat]

اللي حسيت فيه ان اهله اللي ماكانو يبونها ومن كثر الزن خلوه يطلقها من جدي زوجوه بسرعه عشان ما يرد لها

 

[al-musk]

شنو على تواصل معاها بعد ليش طلقها خل يولي هذا مو مضبوووط

 

[قاهره عذالي]

شي يلوع الجبد الصراحه

انا يمكن لو مكانها اتفل بوجهه

واتفل بوجهه اهله اللي جوني واخطبوني عشانه

واطلب طلاقي

وييييييييييع منه هو وطليقته

جنها هي اللي طلقتهم وصارت لهم عذول

ما جنه هو اللي طلق مرته وجاها يركض يخطب

ما اقول الا الله ياخذه

وبنات الناس مولعبه

حسبي الله عليه

الله يحر قلبه مثل ما حرها

 

[% HoooR %]

لا حول ولا قوة الا بالله

هذا شكله حن حق طليقته


اهم شي رفيجتج لا تحمل لما تعرف مايته عدل


الله يعينها

 

[Tom ♥ Jerry]

,


اعطيج اياهآ من الآخير ليلحين يحبها
و اهيه عآد كيفها راضيه تعيش ويا وآحد يحب ثانيه أو لآ :*

 

[مافن]

نفس قصتي بالضبط. انا سنتين ونص متزوجته واهو يخوني ويكلم طليقته ويقهرني فيها. مع اني انا اللي بريت اعيالها اهيا قطتهم ماتبيهم. وصرت لهم الأم. وآخر شئ طلقني وأنا عندي بنت وحامل وما رحم حالي. ولما بغا يردني واتفقنا علي كل شئ. دق علي وقالي لا خلاص أبي طليقتي انا احن لها وقلبي معاها. بذمتج شيقول الواحد. ولاتشوفين حالي الحين بس بجي. وعلي فكره. اهيا استغفر الله خربطت ولعبت لما قالت بس. بس شوفي حظها​

 

[قَلبڪْ صًخرْ]

كلام البنات عدل

 

[شطانه طفله]

الله يكون بعونها والله يسخرلها زوجها يارب

 

[فوولي]

مادري والله شي يحررررررر الله يعينهااا ويرفع عنها

 

[نشيج الروح]

الله يعينها ويصبرها ..... خل تدعي ربها وتكثر استغفار وتحاول تدرس نقاط ضعفه وشوي تتغافل إذا كانت تبيه ومتمسكة فيه