زوج حماتي

[ام حسين 80]

هذي نهاية الاختلاط
وري حق ريلج الموجات و قوليله ما ادري رقم منو و هو يتصرف احسن شي

 

[ماتغير شي]

إذا على المسجات غيري رقمج بكبرهـ وارتاحي اما الزواره إذا كلمج او اسئلج لاتردين عليه سوي روحج ماتسمعين
وإذا كرر السؤال ردي عليه بصوت طوويل وقوي وقوليله نعم !
خليه يعرف انج قويه ويخاااف يقرب صوبج
وانصحج ماتقولين لريلج لانه كل شي راح ينقلب عليج
انتي خلج قويه و وقفيه عند حده هـالقليل ادب

 

[الغـــــزال]

أنا أقول أذا خالتك أم زوجك مره عاقله ومتفهمه كلميها هي..خلي الكلام بينك وبينها بس
لأن زوجك لو عرف يمكن يتهور...وأخت زوجك لو عرفت يمكن تنقهر منك ومنه..

فقولي لأم زوجك تحل المسأله بينها وبينه...وتخليه يعقل


والله يهديه

 

[رجفة وهم]

طيب لاتختلطون مع بعض

انتوا الحريم انعزلوا لحال والرجال لحال أفضل لكم

انا أشوف تقولين لزوجك عن الموضوع أفضل لك لايصير شيء وتنقلب السالفة عليك بجد والله

وتخلينه يشوف رسايله

 

[بنوتة أمها]

طنشيه حبيبتي
واذا على الوتس اب سوي له بلوك
ولاتحاولين تخبرين زوجك او اخته اببببد
لانك زوجة ولدهم ممكن الموضوع يقلب عليك
واذا سئلك سوي نفسك ماسمعتي
ولمحي لزوجته قولي زوجك كثير اسئله
هو كذا اسئلته معك
حاولي تفتحين عيونها من بعيد لبعيد
وحاولي ماتحتكين فيه ابد
واذا قالوا بيزورونك صرفيهم
والا قولي ودي اجلس معاك انتي لحالك
والا قولي لزوجك اطلع معاه مقهى ودي اخذ راحتي مع اختك
حاولي تصرفين

ولا تنسييييييين الدعاء
ادعي ربي يشغله عنك
وتحري اوقات الاجابه اخر الليل ووقت المطر واخر ساعه من عصر الجمعه
الله يكون بعونك

:rerrerek::rerrerek::rerrerek::rerrerek:

 

[kingq8q8]

ردي عليه واتس اب وقوليله ياكلب ماابيني وبينك شي ترسلي هالسوالف

ولاعاد اشوف رقمك بتليفوني يااااوقح

صج حيوااااان عينه زايغه واهو توه معرس

 

[تمرة]

حبوبة قولي حق زوجك

 

[ملاك ^ الحب]

امبييييييه انا حماي الكبير جذيه كان يحاول يسولف والله حتى كلام وصخ يقول جدامى وانا ويهي ينقص لمن شفته تمادى كلمت ريلي

ووقفه عند حده بالعكس ريلي مازعل كبرت بعينه

لا حبيبتي لاتكلمينه لان يمكن يمسكها عليج ممسك انج انتي تكلمينه كلمي حماتج او زوجج

والاحسن زوجج وييبيها بطريقه عاديه

 

[كريستال]

البناات ووفووا وكفووا حطيله بلوك باالواتساب وطاااف واذا صارت جمعتكم لاتقعدين صوبه كلش ولو يكلمج ردي بنبره عاليه شوي وفيها نتره خليه يخاف منج هذا مو حاسب حساب احد ومومحترم احد اصلا خوفيه منج لاتصيرين ضعيفه واذا تمادى الوضع كلمي زوجج بس بتلميح يعني بطريقه تحسسينه انه مضايقج بس ماتبين حماتج تزعل منج وانسي انسي انسي تدزين له مسج يالواتساب لايمسكها عليج طول عممرج وزوجج لو درى انج رديتي عليه لو بمسج فاضي راح يتضايق بلوك وكان الله غفور رحييم واكبررر طااااااااااااااااااااااااف وحقريه والحقران يقطع المصران

:rerrerek::rerrerek::rerrerek:

 

[Adorable]

لا تسمعين كلام اللي فوقي،، تتكلمين معاه بالله شبتقولين!!؟؟؟؟ انتي كل حركه تسوينها محسوبه ،، قولي حق ريلج مادري منو هالرقم كل ساع يدز مسج حب،، واذا قالج هذا رقم فلان من وين لج رقمه قولي له اشدراني!!! وبس عليه الباجي

كلامها صحيح 100%

 

[صدفه نسيتك]

احقريه ولا تعطينه اهتمام

 

[ليه الجفآ]

لااااااااااا تقولين لاحد

ولاتدزين له شي

بلوووك وطناش


الله يعينـــج ..

 

[ryoonah]

بلوك الحقير

 

[كاملة الدسم]

والله مادري موضوع محير اخاف انصحج نصيحه ترد عليج !
شكله وقح هذا

 

[جـــواهر]

شهالزووجه الغبيه
!!!!!


سوي. له بلوك ولاتقعدين بمكان اهو فيه

وع ياااكًرهي للزوارات المختلطه مالهااا داعي كلللش

 

[مريم القلاف]

أمبيه شالجرأه وين قاعدين شوفي دزي مسج هدديه تقولين حق حماتج
واذا مانفع مالج ألا ريلج ولازم أكون معاج
دليل بعد خوفج مايصدقج
بس لاتسكتين لايتمادى​

 

[سبحان الي خلقني]

الله يعينج

 

[*آسوومه*]

اقول لاتكلمينه ولاشي لايقلب
السالفه علييج ولاتقولين حق ريلج
تصير مشاكل وسوالف انتي بغنى عنها

انتي طنشي ولاتردين علييه كلش
بالزواره لاتعطينه ويه خليج رسميه

صج مايستحي قليل ادب هذا
اذا طرش لج شي ع الواتس اب
دزي له لو سمحت لاتدز لي لان ريلي مايرضا
وحطي له بلوووك على طول

انا معــــــآهــآ
اهم شي ما تكبر السالفه و يدرون هله
و يقلبونها عليج انتبهي

الله يفكج من شره :eh_s(4):

 

[بخـــارى]

قولي لزوجج

 

[ReemAR]

لا تسمعين كلام اللي فوقي،، تتكلمين معاه بالله شبتقولين!!؟؟؟؟ انتي كل حركه تسوينها محسوبه ،، قولي حق ريلج مادري منو هالرقم كل ساع يدز مسج حب،، واذا قالج هذا رقم فلان من وين لج رقمه قولي له اشدراني!!! وبس عليه الباجي

انا معاها لأن ماراح يضرج شيء اذا سويتي جذي ..
اهم شيء انه زوجج عند علم بهالشي لأن هالموضوع مو سهل !