زوج حماتي

[كشوخية]

شلونكم بنات حماتي توها متزوجه صار لها شهرين وكل اسبوع يكون في زواره بيت اهل ريلي ويكونون حماتي وزوجها موجودين وايد يخز والاحظه كل مره يطالعني بصراحه قلت بالبدايه يمكن عادي بس لا قام يحاول اذا الكل قام يسولفون لازم يسألني عن شيء عشان بس يسولف معاي وانا اطنشه او ارد بكلمه واسكت والمشكله حماتي كلش مو ناقصها شيء وايد حلوه وسنعه المهم انا ساكنه بشقه بروحي وهالاسبوع كنت تعبانه مارحت الزواره تخيلوا بنات حماتي دقت تتطمن علي سحب التلفون منها قالي شفيج عسى ماشر انصدمت حيل شالجرأه وقالي يلا احنا يايين نتطمن عليج شكو اشتبي المهم حماتي مو ملاحظه كلش بس اليوم حيل انصعقت منه حماتي تلفونها مقطوع دقت من تلفونه وبعدها كل شوي ايي لي عالواتساب من رقمه كلام حب ومسجات انا قلت مابي اظلمه سألت حماتي انتي دازه لي شيء قالت لأ وحتى ماحطت ابالها ما سألت ليش مو عارفه شسوي اقول حق زوجي والا اسكت اخاف يتمادى اكثر مادري شلون اتصرف قمت اتهرب من زواره اهل ريلي منه واذا ما رحت ايي اهو وحماتي عندنا البيت شسوي حيل محتاره ابي يوقف عند حده

 

[قديت امي]

لالاتقولين لريلش ولا لحماتش تكلمي معه هو شخصيا

 

[pinkoosha]

لا تسمعين كلام اللي فوقي،، تتكلمين معاه بالله شبتقولين!!؟؟؟؟ انتي كل حركه تسوينها محسوبه ،، قولي حق ريلج مادري منو هالرقم كل ساع يدز مسج حب،، واذا قالج هذا رقم فلان من وين لج رقمه قولي له اشدراني!!! وبس عليه الباجي

 

[نجد الهيلا]

طرشي له مسج تهددينه بانج راح اتورين مسجاته لزوجج

 

[ترنيمة فرح]

طنشيه حبيبتي
واذا على الوتس اب سوي له بلوك
ولاتحاولين تخبرين زوجك او اخته اببببد
لانك زوجة ولدهم ممكن الموضوع يقلب عليك
واذا سئلك سوي نفسك ماسمعتي
ولمحي لزوجته قولي زوجك كثير اسئله
هو كذا اسئلته معك
حاولي تفتحين عيونها من بعيد لبعيد
وحاولي ماتحتكين فيه ابد
واذا قالوا بيزورونك صرفيهم
والا قولي ودي اجلس معاك انتي لحالك
والا قولي لزوجك اطلع معاه مقهى ودي اخذ راحتي مع اختك
حاولي تصرفين

ولا تنسييييييين الدعاء
ادعي ربي يشغله عنك
وتحري اوقات الاجابه اخر الليل ووقت المطر واخر ساعه من عصر الجمعه
الله يكون بعونك

 

[ماني من الناس]

سوي لرقمه بلوك بالواتساب ولاتردين علي ارقام غريبه لو شنو


وخففي من الزوارات واذا رحتي قعدي بعيد عنهم واذا كلمج احقريه سوي روحج ماتسمعين

واذا زاروكم لاتتعاطين معاه او كلمي زوجج قوليله ماحب الاختلاط مو متعوده فبيت اهلي نقعد من رياييل عيب عندنا وبس

 

[انا لها شمس]

قطيييييييعه هذا يذكرني بزوج بنت موزه وثنيان

زفيييه ووقفيه عند حده او صكيه بلوك ع راسه قليل الادب
وبالزوارات خو قعدي يم ريلج واذا سالج طنشيييييه سوي نفسج ماتسمعينه او خزيه بلوعة جبد وقولي مادري وبسسسس
حقريه ووريه قيمته واذاحسيتي انه مو راد عنج علمي خالتج او زوجج اذا تحسين مايسوي مشاكل

 

[جنتي زوجي]

الله يعينك


صراحه موقف صعب انتي سكتي مشكله وان تكلمتى هم مشكله تفرقين بينهم

والافضل لا تروحين وقت الزياره
وروحي في يوم مو موجدين فيه افضل

والله يكفيك شره يااارب

 

[دآنة آلرشآيده]

اقول لاتكلمينه ولاشي لايقلب
السالفه علييج ولاتقولين حق ريلج
تصير مشاكل وسوالف انتي بغنى عنها

انتي طنشي ولاتردين علييه كلش
بالزواره لاتعطينه ويه خليج رسميه

صج مايستحي قليل ادب هذا
اذا طرش لج شي ع الواتس اب
دزي له لو سمحت لاتدز لي لان ريلي مايرضا
وحطي له بلوووك على طول

 

[كلي-حلآ]

البناات ووفووا وكفووا حطيله بلوك باالواتساب وطاااف واذا صارت جمعتكم لاتقعدين صوبه كلش ولو يكلمج ردي بنبره عاليه شوي وفيها نتره خليه يخاف منج هذا مو حاسب حساب احد ومومحترم احد اصلا خوفيه منج لاتصيرين ضعيفه واذا تمادى الوضع كلمي زوجج بس بتلميح يعني بطريقه تحسسينه انه مضايقج بس ماتبين حماتج تزعل منج وانسي انسي انسي تدزين له مسج يالواتساب لايمسكها عليج طول عممرج وزوجج لو درى انج رديتي عليه لو بمسج فاضي راح يتضايق بلوك وكان الله غفور رحييم واكبررر طااااااااااااااااااااااااف وحقريه والحقران يقطع المصران

 

[مالك عذر]

الله يكون بعونك وكلام البنات سليم لاتردين عليه وفتحي عيون حماتك

 

[آنـوش ••||]

مثل ماقالو البنات

وزوجته المسكينه ماتدري عن شي

شي يحر مستغفلها :rgewrg:

 

[استكانه1]

بلوووووك وطاف نفس ماقالوالج البنات ,,,

 

[shak!shoka]

بالوتساب عطيه بلوووك
لا تدزين له ولااااااا شي


و اذا رحتي بيت اهل ريلج خلج بعيده
و قولي لريلج مابي اقعد و ريل اختك موجود ما اخذ راحتي
و حاولي تسولفين مع حمواتج و خالتي شغلي نفسج ولا تطالعينه و لا تعبرينه

لان صراحه انا عارفه وضعج
اذا يمعتكم خلط صعبه تعزلين نفسج عن الناس
بس خلج صوب البنات و سولفي معاهم و انسي انه موجود


الله يكافيج شره

 

[غنج اهلها]

انا لو مكانج اقول لزوجي علي طول


فيه شغلات ماينسكت عنها او ان الواحد يحاول يخبيها

هذا عمر ودوم هالرجال بتصادفينه

اي ردة فعل علي موقفه هذا وحركاته راح يبن معدنج

ان سكتي عرف طبيعتج الخوافه

وان قلتي لريلج عرف انج مو اللي علي باله وتجاريه بلعبه

مالومج خايفه من ردة فعل ريلج واهله بس شتسوين مدام حطج بهالموقف البايخ

 

[مكتومه]

<< تتخيل مسلسل زواره خميس لا تحطين نفسك مكانها وتصيرين نفس الدور

وتصير مشاكل .. هذي مشكله الاختلاط

لا تكلمينه ابد .. لا تردين عليه المكان الى هو فيه حاولى انك ماتصيرين فيه

اعتبريه استغفر الله شيطان .. تحصني منه ودعي ربك انه يشغل عنك

لان بصراحه يبي يخرب بيتك انتي و حماتك..

الله يعينك

 

[سمر شمر]

اقوول لزوجي عشان مايتمادى معاج ويصير العشق الممنوع

ترى غلطت سمر بالعشق ماقالت لزوجها وشوفي نهايتها

والله صج ماتغشمر

والله يهديه

 

[dubai girl]

هالامور ماينسكت عنها
لا تطرشين له شي ولا تكلمينه ولا تعطينه اي مجال اخاف يرد الموضوع بكبره عليج
خبري ريلج نفس ما قالت بنكوشا قولي له هالرقم دوم يطرش لي مسجات على الوتساب
واكيد ريلج بيتصل وبيعرف بس ابدا لو شو يصير لاتطرشين او تكلمينه شخصياً
لانه حقير توقعي كل شي منه

 

[Um Tuki]

صادني نفس موقفج و كتبته ..

طبعا انا قلت حق زوجي لأن مابي ينقلب كل شي علي .. وعقب ما علاقتي طيبة بحماتي .. اتيي تقولي انتي بقتي زوجي ..

ويع

و بنات المنتدى كلوني قالوا ان انا قلت عشان اخرب بينهم ..

طبعا زوجته ماتدري بشي .. و زوجي ما قال شي .. لأن مانبي مشاكل

بس اهم شي زوجي عرف
لأن لو عرف من غيري الموضوع كله ينقلب ضدي ..


انتي كيفج .. بس لازم تخبرين احد و تراوينه المسجات حتى لو اختج او امج .. عشان لو صار ما صار في شهود و دليل

 

[nano]

هاذي مساوئ ان الرجال والحريم مع بعض يجلسون لو خال ابو عم جد ممكن حماك لاهو يحللك ولاتحلين له كذا عوايدنا بالسعوديه اتوقع انتو مثلنا بعد اغلبكم بس جد حبيبتي ادري طبعكم ومافي حل بس اصفطي لاتخربين بيتك بسبته واذا تمادى مررررررره علمي رجلك