زوج المستقبل ماعنده ثقافة انجليزية

[ملگه]

ههههههههه اختي علي شان لغه ترفضينه
حرام عليگ اذا هو طيب وحبوب
بگره حاولي فيه يتعلم ونتهيناا

 

[أروح فدوه لك]

الله يجازيكم ريحتوا قلبي الله يريح قلبكم حبايبي

ولا اللي يغلد الديايه هههههههههههههه
موتيني ضحك

 

[نـــوفـــا]

و الله ياقلبي اقولج شي

قولي الف الف الف الحمدالله اللي ربي عطاج زوج جذي
بعد شنو تبين اسمحي لي بكون صريحة معاج لا تزعلين
الواحد يحمد ربه عالنعمه
زوجج مبين انه على ويهه و يبي يرضيج باي طريقة
و بعدين بقولج شغله ياما ناس عندهم مناصب و يسولفون و يتكلمون و تشوفينهم ثقافة و خلفية سياسية و حضارية و اجتماعية و اسم و سمعة و هم عالطل لا اسلوب و لا كلام و لا شي
و شدراج يمكن تاخذين واحد مثقف و يعرف يتكلم انجليزي بس راعي سفرات و خرابيط و لانه يعرف انجليزي مايقعد بالديرة

يمكن ضعف اللغة عنده هو سبب انه على نيته
و انتي هني لازم ماتتعمدين تحرجينه يعني تروحون مطاعم بوفيهات او اماكن فيها ناس يتكلمون عربي و اعتقد اغلب مطاعم الكويت يتكلمون عربي
و اذا سافرتوا روحوا دولة عربيه - دبي - لبنان - مصر وايد فيه دول يتكلمون عربي

و لازم تحطين في بالج شغله انه كل زوج فيه عيوب و بصراحه ماشوف ان هذا عيب في زوجج صدقيني حبيبتي


انا بمكانج اخذ واحد جذي على نيته و طيب و يحط لي و يفرش لي شقتي و يحسسني اني معززة و مكرمة عنده و ملكة بحياته
و لا شهادة و اسم و ثقافة عالطل مايحترم المره ولا يقدرها

اسمحي لي بس و الله احبج في الله و انتي نفس اختي عشان جذي شوي ردي قاسي عليج بس اتمنى تتقبلينه

تحياتي

كلام لايعلى عليه .... قالت كل الي بقلبي ...




اولا الثقافة ليس فقط لغة يا حبيبتي ثقافة تلمين با اشياء كثيرة وتكونين مطلعة على كل شي


يعني بشكل اوضح (( يمكن معج لغة بس ماعندك معرفة ))



ثانيا / اعرف واحد من جماعتنا منصبه حيل راقي ومثقفة ....


بس يا الطيف( قالب حياة مرته وبناته ) جحيم









حياتي بعد الزواج تفهمين شنو العشرة (( ماهي بس ثقافة ومناصب وخرابيط .))

العشرة هي المواقف في الحياة من آلم من فرح من مشاكل من ظروف يبين معادن الازواج ..




مرة وحدة اعرفها زوجها حيل منصبه كلاس .. ويوم مرضت وطاحت ماقام فيها حاطها عند اهلها


وكم من شهر تزوج عليها وحدة ثانية ..قال شنو (( مابي باقي عمري اداري مريضة )) يا الله وش تبين



منصب وثقافة واحد مثل ها الشكل ..



احمدي الله حمد كثير على ها الزوج الله يخليه لج ...

 

[شموخي اتعبهم]

انتي علميه بعض الكلاماات لمين يفهم وربي يوفقج

 

[أدعج غنج]

سبحان الله الدنيا لهالدرجه لاهيه الناس ,ومخليتهم معمايين عن نعم الله والاساسيات وقاعدين يدورون ورا الكماليات وامور لا تودي ولا تييب!!!!!

أقول يا وخيتي ..استهدي بالله وفكري عدل ليش الوحده تتزوج ؟...اجابتج على هالسؤال بتحددلج اذا تستاهلين هالريال أو لا

ربي ييسرلج ويسخركم لبعض

 

[ام يارا القمره]

اللهم لك الحمد والشكر
الحين الرجال حبيب وطيب معك وعلى نياته وانتي انجلش ومب انجلش لايكون انتي الي اخترعتي اللغه وثقافتك برفسوره ترى اسهل لغه انجليزي في ثلاث اشهر بلبل
وبعدين واحد ماعنده شهاده وثقافته انجليزيه
قالت مثقف قال