زوجي يهددني بالزواج وهو السبب

[هذا مزاجي]

الله يصبرج

 

[دلع انثه]

حسبي الله ونعم والوكيل الله يهديه يارب
شنو هذا من صجه مايبي يدفع اجار لبيت لكم ويبي يتزوج الله يهديه مفروض ماتصرفين على عيالج اهو رجل البيت واهو المتكفل فيج وفيهم حتى لو تشتغلين

 

[Hello_kitty]

عورتي قلبي استغفر الله فوق كل هالغثا والظيم والصبر له حق يتزوج بدال الوحده اربع

ويجدد حياته ويتمتع بس لانه ريال!!! وفوق هذا له حق التعظيم والطاعه المطلقه وكل الحقوق والحريات حقه!!

حبيبتي المفروض من الاول ما تسكتين عن حقج في سكن مستقل تتوافر فيه كل مقومات الراحه الرياييل ما يتنازلون عن ولا شي لهم

حتى واهو موقادر يوفر لكم سكن ولا خصوصيه وراحه في حياتكم قاعد يهدد بسالفه تعدد الزوجات ويطالب بالتغيير فوق شينه قوات عينه

مدام عنده فلوس يتزوج انتو اولى بالفلوس يوفر لكم سكن ولا تصرفين على البيت ولا على طلعات اعيالج الشباب واهو مقصر عليكم ووييمع بالفلوس

هالشي اهو ملزوم فيه ويتحمله مو انتي لا تعودونهم على الدلع وتاخذون دورهم وتشيلون المسؤوليات عنهم وبعدين تتحلطمون خاصه اذا الريال

مقصر لا تساعدينه بولا شي عشان يحس بالمسووليه ويشيل معاج مشاكل الحياة وحني عليه بسالفه السكن بكذا طريقه وبينيله هالشي من حقج

واهو يؤثم على هالتقصير خليه يقرى فتاوي المشايخ بهالمسأله يمكن يتعظ ويحس فيكم

 

[bto0olah]

استغفر الله عنده حق الثانيه وماعنده لج ولعياله
وهذا اللي فالحين فيه بتزوج

 

[amoory]

قولي له اذا بتتزوج ابيك تشتري لي بيت اول ,, وهالحرمه الجديده سكنها بمكاني بهالشقه وخلها تذوق اللي انا ذقته .. واذا استحملت شهر هذا وجهي .

من جد هالرجال انانيين حدددهم ..

 

[يا كويتنا]

الرياجيل نسخه وحده


لي نزلتي راسج

داس عليه




لي قالها مره عطيه العين الحمره قوليله مو تقول انتي طلعينا ببيت اجار منين بتتزوج
:rgewrg:

شي يقهر الله يعينج

 

[انصاريه قمره]

ريلج مو كفو مسايس شافجطيبه داسج
انا اقول عطيه العين الحمراااا

 

[فلنتينو]

مالهم امان

 

[** باربي **]

حسبي الله على الرياييل الي جذي

كاج صبرتي وصبرتي بيجازيج بصبرج

قوليلة طلقني وتزوج واعيالك عليك حل تحمل الي بتبيع زوجتك الاولى واعيالك عشانها ..اعيالك
بس بشرط تسكنها مثل مسكني ووضعي عشان تعرف قديري اذا جربت غيري..ط

قوليلة المفروض انا الي اطفش منك ومن اهلك واعيالك ومسكنك

اذا انته هذا بيتك واهلك واعيالك ومسكنك العسل على قلبك مو متحمل بالك انا !! بنت الناس !!


قوليله يا حاتم الطائي دام عندك فلوس زوجة ثانية واكيد سكن ثاني وعيالة ثانية
طلع ام اعيالك الي صبرت معاك عالحلوة والمرة

هل جزاء الاحسان الا الاحسان!


قوليله صدقني اذا طلعنا وغيرنا المكان حتى نفسياتنا تغير وحياتنا وكل شي

واذا اتوسع المكان حتى اعيالنا بيصيرون شوي ابعاد عنا

ونلملم انا وياك الي راح بسبه شقة الضيق والفقصه ونفضى كزوجين لبعض

وحتى انا راح اقدر اعيش حياتي واسويلك ولي واتنفس


على قولة الشاعر : السـعـة.. لابارك الله بالضيق.. الـــســـعــة!!!

 

[ياناسينا]

الله يصبرك وياجرج حبيبتي وترا اللي يهدد ماعنده سالفة لو ناوي صح ماقالج وان شاء الله مايسويها

 

[مألوفة]

فوق شينه قوات عينه

شقة ما يبي ياجر لج وزواج يبي يتزوج؟

صج مو كفو مو كاي ربيتي عيالج وصبررتي على عمات العين واهوا ولا يدري ولا مهتم خل ياجرلج على الاقل بعدين يتزوج وااااااااااي منهم الريياييل يبيلهم محرقة هيتلر

 

[زوجة عزيز]

ماعليج منه ولا جنج تسمعينه من بتتحمله اصلا الحين يقول ماعنده حق يوسع عليكم السكن عنده بيتزوج والله بلوه الله يصبرج عليه الله يخلي لج اعيالج ان شاء الله ويسخره ابوهم لكم

 

[جولينار]

على قول زوزو

من بتتحمله اصلا ؟؟

 

[صادقة بكلمتي]

الله يهديه بس ما يعرف ان الظلم ظلمات يوم القيامة شلون ينام واهو ظالمج وين حقوقج الله يسامحه ادعيله حبيبتي ولا فتح معاج طاري الزواج خلج حازمة وقوية قوليله انا ما بحرم عليك اللي الله حلله لكن الله حللي افتدي نفسي بعد بالطلاق ودام مو منقصة عليك بشي والله حلل الزواج لاسباب انت حللته لمتعتك ونسيت عشرتي فبختار نفسي بخريف العمر وبرفع دعوى واخذ حقوقي الشرعية بالمحكمة واطلع من محكلر الحمام واشبع فيه مع اليديدة وباخذ بيت ومصرف عيالي وسايق وسيارة بحكم الشرع طبعا انتي ما يهون عليج تشتتين عيالج بس في ريايل ما ايوون الا بالتخويف للاسف وعلشان ما يظلمون دام الزوجه مو مقصرة لازم جذي تسوين لا صار عنده فلوس يخطب ويتزوج ويفتح بيت ومصرف انتو اولى بالبداية وبعدها يتزوج وتقبلي مروري والله يسخره لج ويصبرج ويسهل امورج ويسعدج حبيبتي

 

[miss_7sawiya]

انا مع راايي اختي صاادقة بكلمتي >> خوووفي شوووي

 

[هجووورة]

قولي له اذا بتتزوج ابيك تشتري لي بيت اول ,, وهالحرمه الجديده سكنها بمكاني بهالشقه وخلها تذوق اللي انا ذقته .. واذا استحملت شهر هذا وجهي .

من جد هالرجال انانيين حدددهم ..

هذا ردي في كل مرة بس هو عنده ثقة اني ما سويت شي زاايد على ا لغير:krkrkr:

 

[رقـة الاحسـآس]

لا والله كل ها وما يجوفج مسويه زود؟
عيل حبيبتي جوفي
عيالج مصروفهم عليه انتي لا تصرفين عليهم
والصغاريه خليهم ينامون مع اخوانهم الكبار
مالج غير غرفه النوم ترتاحين فيها شوي و تحصلين مجال تاخذين راحتج مع ريلج
ترا دامج مريحتنه جذيه عالاخر و لا عمره بيحس انه في شي انتي مسوتنه لان اساسا المسووليه كلها عليج
وين تبينه يحس؟
هو فلوسه شو يسوي فيهم اذا ما يصرف عليكم؟ واذا ما عندكم اجار تدفعونه؟

وعشان البيت اليديد
قوليله الاجار و كل مصاريف البيت و العيال النص بالنص

 

[freakiya]

امانه ساليه ان تزوج وين بيسكنها معاكم بالغرفه؟
اذا شقه بروحهم يعني قادر يتحمل مصاريفه انزين قادر يتحمل مصاريف مره ثانيه؟ اذا قادر وينه عنكم ترا الرجال قوامون على النساء المفروووووووووووووووض و بالشررررررع الرياااال يصرف على المرا و المرا مو ملزومه تدفع فلس على بيتها دفعت طيب منها بس اهوا محاااااااسب اذا ما وفر لكم كل شي تحتاجونه(اتكلم عن الاساسيات مو للعب تلفونات و خرابيط)
قوليله اذا قادر طلعني انا مكانها و راح تشوف اني راح اصير احسن بوايد حتى اقدر اهتم بنفسي و احط خلطات حق جسمي و جذي

 

[Beyoncee]

الله يعينج ويريح قلبج

 

[مـزآج ــــية]

حاولي تتفاهمين معاه
و قولي له انج تبين شقة اكبر عشان تدلعينه و تاخذين راحتج لانه ما يصير هالسوالف جدام اليهال

الله يسخره لج