زوجي يغار من ابوي ؟؟

[زبده]

شي فعلا يضحكني ؟؟؟ انا باختصار قبل الزواج كنت عايشه عيشه ملوك الحمد الله البجر وكل طلباتي اوامر و الكل فاهم قصدي اشلون الحياة قبل الزواج اخذت واحد احبه اهوا زين بس حالته المادية انزل اشوي و اهله مع انهم مليونيره بس بخله ؟؟؟؟فاختصار ماكو حياه ؟؟؟؟:eh_s(2): نفس قبل واحس و اسمع نقزات اي انا مو نفس ابوج ؟؟ جذيه جم مره تهاوشنا قلتله انته شي و ابوي شي اكوا احد مايحب امه و ابوه ؟؟؟ اهوا سكت و اعترف انا جم مره مو جرحته بس وضحتله يشوف شغل غير دوامه علي الاقل معاشه اعلي عشان يقدر علي المسؤليات و مايعتمد علي علي بو انه شغلي بمكان وايد راقي الحمد الله و معاشي دبل معاشه جم مره ؟ شنو ذنبي انا تعبت معاه و لا اهوا راضي يتحرك و يغير شي بحياته و انا متزوجه او كل وحده تزوج تبي تدلع مو تصرف علي بيتها و ريلها ؟؟؟ بليز ابي حل :eh_s(14)::eh_s(14):

 

[زبده]

اب اب

 

[شادن33]

زبده نصيحه لاتبينين له الفرق بينكم في الماديات

 

[شادن33]

خصوصا انتي في بدايه زواجج
لان الريال يعتبرها معايره يعني اتعيرين ان اقل منج
وبتم بقلبه على طول ويصير مكسور جدامج
وانتي ماتحبين ان يكون مكسور

 

[شادن33]

]خصوصا انتي في بدايه زواجج
لان الريال يعتبرها معايره يعني اتعايرينه ان اقل منج
وبتم بقلبه على طول ويصير مكسور جدامج
وانتي ماتحبين ان يكون مكسور[لخاطر

 

[زبده]

خصوصا انتي في بدايه زواجج
لان الريال يعتبرها معايره يعني اتعيرين ان اقل منج
وبتم بقلبه على طول ويصير مكسور جدامج
وانتي ماتحبين ان يكون مكسور

والله ما اقصد بس مرات اتفه الاشياء ما يقدر ايوفرها ولا ماله خلق و انا حاولت انصحه بس للمستقبل انته كونك رب اسره لازم يكون عندك دخل زين بالعكس كلامي مافيه شي و لا ابيه يعتمد علي بكل شي انا اساعد اوكي بسما اصرف عليه صح ولا لا؟؟

 

[شادن33]

صرف لا تصرفين في البيت
علي قد فلوسه صرفوا ولا تحملينه اكثر من طاقته
والافضل انج تتكيفين مع وضع زوجج المادي عشان تحسسينه بالقوامه عليج
والشي اللي تبينه حق نفسج لا تحطين في خاطرج شي
موفقه

 

[dubai girl]

انتي رضيتي فيه من البدايه وتعرفين ان معاشه على قد حاله
خلاص اقتنعي والله يرزقه بوظيفه احسن

شدراج يمكن يقدم على وظايف بس ماينقبل لا تضغطينه كوني له عون

 

[ليان]

اذا انتي عشتي حياتج مثل ما تقولون عيشة الملوك فلا تتوقعين انج راح تكونين جذي طول عمرج اذا الله ما اراد
انتي اخذتي واحد على قد حاله والله يوفقكم
لا تحسسينه ان راتبج اعلااا منه وانج تقدرين توفرين كل اللي بخاطرج واهو ما يقدر

لا يا قلبي

عيشي حياتج معاه وارضي بالواقع

انتي وراج بيت وعيال

على قولة ام رفيجتي

من رفع راسه فوووق انكسرت ارقبته​

 

[دلوعة أبوهآ]

انتي اللي رضيتي من البدآيه تآخذين واحد حالته المآديه أقل منكم !!
وكنتي عارفه انه ماراح يعيشك مثل عيشتك عند اهلك ومع هذآ رضيتي فيه ووافقتي ..!





دآمكم تزوجتوآ وصار اللي صآر وخذيتي عن قنآعه منك !
لاتسوي مشآكل من ولآشي ..


تحملي

 

[FJ style]

غلطانه حبيبتي
الحين يوم تزوجتي عن حب
نسيتي الحب وصفيتي عالماديات

كلنا نساعد ازواجنا
وترى للعلم اغلبنا معاشاتنا مثل رياييلنا وممكن اكثر
وكا احنا نحط كل اللي عندنا ببيوتنا وع عيالنا
الحياة مشاركة
واصلا عمره الواحد ما يعيش مثل ما كان ببيت اهله
وطبعا بيغار من ابوج
انتي ما تنقهرين اذا قعد يمدح مثلا طباخ امه وسنعها بالبيت ويقارن بينج وبينها
اكيد نفس الشعور

مادري بس احس موضوع تافه وبيخرب عليج حياتج
عيشي ع قده
دامج رضيتي فيه
ولو اهله مليونيرية مو معناته اهو مليونير
ماراح يطر منهم عشان يلبي طلباتج

وبعدين الدلع اللي عشتيه يخلي نظرتج محدودة
شنو الحياة اذا ماكان فيها عشرة ومشاركة ومصاعب ومواقف

اهو مرتاح بوظيفته ليش تغصبينه
الوظيفه مو بس فلوس
الواحد لازم يداوم بمكان يرتاح فيه
تخيلي مثلا انتي مهندسة او دكتورة ويقوم اييلج ويقول ما ارضى مرتي تشتغل مع رياييلج ويجبرج تكونين مدرسة او اواو

الزوج مكلف بمصاريف الاكل والسكن والملبس بس
الدلع والخرابيط تكون من خاطره وبكيفه
وانتي دلعي عمرج مو شرط يذبح نفسه عشان يدلعج
محد فينا تدلع

لا تخسرين ريلج
اعرف وايد حريم تطلقو عشان هالسالفه
قضبي بيتج وحبيبج وخليج اكبر من الدلع والصرف

 

[انثى عاشقة]

قلبي اذا زوجك مو مقصر عليك
لاتقارنين بين حياتك اول وحياتك معاه
توكم ببداية زواجكم
باجر ان شا الله يغتني اكثر واكثر وترتاحون
الحياة الحين صارت صعبة مو مثل قبل ..
انتي مشي حالك ع قد الي عنده
لاتصرفين ع البيت ومع الوقت راح تتبدل اموركم
للاحسن ان شا الله

​

 

[nawal 2011]

ماشاءالله البنات ماقصرواااا بالرد معاهم وبعدين اختى الله يهداج تراج متزوجه ريال على قد حاله منتى ماخذة هلج علشان يتم بالدلع والعيشه متعلمه عليهاااا
والفلوس تروح وترد بس مو كل ريال نفس ريلج فا لا تخلين الماديات تسيطر عليج ياقلبى وكثر ماتقدرين ماله داعى تسوين مقارنه بينه وبين ابوووج ترى اخرتهااااا بيتملل منج واذا تبين شى ماهو قادر يوفرة اشتريه من جيبج ماراح تقوم القيامه الحياة تعاون مافيها شى ريلج وابو اعيالج ان شاءالله والجاى اصعب الاعيال ومصاريف حطى بالج هالشى تقبيليه مثل ماهووووو ولاااا تطلبين منه اكثر علشان مايتملل منج

 

[PuPa^^SWeeT]

انتي خذيتيه عن حب


يعني تدرين جم معاشه و جم معاشج




بالتالي ماله داعي هالسوالف غير دوامك و مادري



اكييد الريال بيحس انه خذاج من بيت ابوج و ظلمج


من جذي يقوولج انا مو مثل ابووج




ياقلبي وقفي الضغط عنه

تبين اتساعدين ساعدي ماتبين


عيشي على قد مادته و لاتنسين اتخصصين له من راتبه اهو مبلغ له اهوا


يعني اتسوون حسبة فا يكون له مبلغ يقدر يشتري فيه شغلات له ولا يطلعج وياه مبلغ



وتمي عيشي على مستواه

 

[نشيج الروح]

تبينه يعيشج مثل اول مستحيل انتي الحين مسئولة وربة بيت وتعاونين ريلج وتشجعينه عشان يوصل ويكمل ويغير ،،،، مو تقارنينه بغيره
وعيشي على قد حالكم مو لازم ييب لج بي ام
دام موفر لج مسكن وماكل ونفقة للبس خلاص
المهم أخذي بايده أكررها وشجعيييييه

 

[لمى الهاجري]

هذا ريلج ومافيها شي لو ساعدتيه الحمد لله انج تزوجتي غيرج يتمنى ظفر رجال ومو حاصل لهم

 

[حنان الحربيه]

اذا اخذتيه عن حب
لابوها الفلوس
لفلوس تروح وترجع
بس الحب والاستقرار مايتعوض
لاتدققين بكل شي وعيشي حياتك
ربي يوفقك

 

[يارب يطيب عبود]

نصيحه لا تحملينه فوق طاقته
ترا الرجال ما يحب يحس بالعجز انه ما يقدر يوفر لزوجته اللي تبي

 

[om-3azo-83z]

فالهوا سوا بس انا اخسسسسسس بوايد الله يعين بس

 

[q8 83]

اما انج تتنازلين و تعيشين معاه بالمستوى الي يقدر عليه


او انج توقفين معاه و تساعدينه لين يوقف على ريوله

اختاري واحد من الحلين و لاتنظرين للامور بهالطريقة و تنكدين على نفسج

عيشي حياتج معاه و استانسي ترى ما في مره بهالوكت ماتقط على بيتها انسي شلون كنتي عايشه في بيت ابوج هذي حياة و هذيج حياة ثانيه