زوجي يستغلني !!

[tunaQ8]

الله يكثر من امثالج .​

هذا الصح .. ​

جزاج الله خير أم كوثر بصراحه انا اقراء ردودج على البنات ماشالله عليج ردودج موزونه
وفيها من النصايح والخبره في أمور الزواج والبيت. أحسن من ردود بعض البنات شغلهم بس خراب البيت على راس الزوجه. يشككون في زوج المره وانا متاكده ان ماطبق نصايحه على نفسه. يابنات اتقو الله في انفسكم. الوحده ياتقول كامة حق او تسكت.
مره ثانيه اقولج قواج الله ي أم كوثر :rerrerek:

 

[LadY BuG 80]

اقعد في بيتي ولا يطلب مني فلوس ... يعني انا اعطي لاني اعرف الي علي . مو بعد هواش

يعني اذا ناقشني بأسلوب حضاري عادي زوجي و حبيبي يستاهل ماي عيوني لاكن بهواش و يتأمر

حطيهم و شيليهم ؟؟؟؟

و بلفعل هو مو ملزوم بسفر و هاذا مو من واجباته بس اسلوبه بيخليني اكنسل اسفره و انثبر في بيتي ابرك ​

 

[PuPa^^SWeeT]

شي عليج و شي عليه

يعني قوليله حجز التذاكر والفندق علييك

وانا علي السوووق والمطاعم


تراج انتي بتقطين اكثر



بس همن تقاسمتو كل شي



وانتي ابخص بزووجج

 

[غير كل الناس]

الوحده تعطي من خاطر

مو اجباري

 

[PuPa^^SWeeT]

صح كلامكم الزواج مشاركه ومافيها شي اذا ساعدته
بس انا الي باط جبدي ان قاعد يفرض علي هالشي
والمشله لما اعتاز او تنقصني فلوس يحاسبني على معاشي
وين راح وطيرتيه على شنو!!
جنه دافع شي من جيبه ماجنه تعبي وشقاي!!

ياحبيبتي عاادي

هذا شي موجود باغلب الرياييل

يقولج شلون طيرتيهم

ماتعرفين اتدبرين رووحج


بالعكس سمعي وقوولي صااج انشالله الشهر الياي انتبه بس ساعدني و من هالحجي



الكلام الحلوو ببلاش

 

[بهبهانيه]

الوضع عادي ان كان ما عنده فلوس
عادي الحياة مشاركه وبالنهايه تستمعين مع ريلك وتكبري بعينه
وان انشالله ان الله رزقه ما بيقصر معاج
اما لو كان عنده فلوس ويبي يسافر عحسابج هني لا مو حلو الأستغلال
حاولي تتناقشي معاه بدون هواش اتكلمي عحسب شخصيته

 

[_زينه_]

مافيها شي اذا التذاكر عليج والسكن عليه

الحياة مشاركه لاتصيرين نحيسه

 

[DO7AWE]

عاااادي جدا
وانتي بعد فجي شوي لاتصيرين بخيلة عاى وناستج

 

[ماني من الناس]

الوحده تعطي من خاطر

مو اجباري

وانا مثلج ماحب احد يتأمر علي ويقول لي شسوي كأني شخصيه فارغه

 

[منال $]

عااااااااااااادي حبتي زوجك هدا
بس انا ما فهمت من وين جاتك الفلوس معاشك يعني؟؟
عشان تعرفي كل مرة راح يقولك هاتي هاتي

وادا ما بدك تسافري وحابة تستغلي الفلوس بشي تاني ممكن
وفهمية انة هالمرة السفرة عليكي عشااااان لايتعود

 

[عبير-الشرق]

شوفي حبيبتي الزوج ملزوم يصرف على البيت بس اذا كان مايقدر تسافرون علي حسابه يعني مومشكله اذا صارت السفره بينج وبينه ولما يقولج اسافر مع ربعي ارخص صح كلامه لانه ماراح يصرف الا علي نفسه والسكن يتشارك مع ربعه ومايتسوقون نفسنا وهذا مواستغلال الاستغلال لما يقط كل المصرف عليج ويطلب منج فلوس او تاخذين قرض او قسط سياره له او الفلوس الي تنزلج ياخذهم يصرف علي نفسه بس السفر اذا حالتكم الماديه متوسطه مافيها شي تتشاركون النص بالنص اكثرنا جذي اعرف ناس يجمعون او يدشون جمعيات اهما وريايلهم عشان يسافرون

 

[البسمه العذبه]

مافيها شي اذا تقاسمتوا مصاريف السفره ....الحياه كلها تعاون

 

[بزه المرتزه]

المشكله فوق هذا كله يقول عني بخيله!!!
والله اني مو مقصره وياه بالهدايا والمفاجات لان اهو ما كان مقصر!
بس الحين اهو الي صاير بخيل!
حتى السفر قبل كله عليه اهو !
يمكن لان شافني مره سكت قال خلاص اهي مصرفها عليها احسن!
انا مابي اسيء الظن فيه ادري ان ريلي ويستاهل ماي عيوني
بس ان تغير عن قبل وهالشي يديد علي صراحه

 

[ام كوثر2007]

المشكله فوق هذا كله يقول عني بخيله!!!
والله اني مو مقصره وياه بالهدايا والمفاجات لان اهو ما كان مقصر!
بس الحين اهو الي صاير بخيل!
حتى السفر قبل كله عليه اهو !
يمكن لان شافني مره سكت قال خلاص اهي مصرفها عليها احسن!
انا مابي اسيء الظن فيه ادري ان ريلي ويستاهل ماي عيوني
بس ان تغير عن قبل وهالشي يديد علي صراحه

اسفه بزه بس انا شفت لج جم مشكله وحسيت انج ماديه نوعا ما .. لا تزعلين من كلامي انا حسبت اختج ..

انتي وايد عندج سالفه الفلووس مهمه وحاطتها حاجز بينج وبين ريلج

ذاك اليوم نزلو فلوس ولا قلتيله خوفج انه ياخذهم والحين يايه تقولين يستغلج بالسفره ..


صراحه وايداحس انه الفلوس مهمه عندج ومخليه علاقتج بزوجج كلها افكار بالفلوس هذا دفع جم وهذا شنو اشترا وهذا ملزوم وذاك مو ملزوم ..

حبيبتي الحياه الزوجيه شراكه .. ترا ما فيها منه انج حتي تشيلين اغراض الماجله من فلوسج شفيها يعني ؟؟؟؟؟؟

حاولي تراجعين نفسج عقب كلمه ريلج لج انج بخيله .. لانه الريال يشووفج احنا ما ندري ولا نشوف لكن انا اللى حسيته من كلامج وطريقه تفكيرج بالفلوس انه كلامه صح

حاولي تعدلين من نفسج اشوي وتخلين الفلوس اخر همج .​

 

[simply unique]

ما أشجع المرة تدفع لشي مو ضروري مثل السفر دام زوجها مقتدر ..
المشكلة ان هي مو بس تذاكر وخلاص..
عادي مع الايام يصير غصبن عنج تدفعين وهذا واجب عليج ..

لا تعودينه انتي تدفعين اهو المسؤول

 

[pusy cat]

طيب اهو اشلونه معاج ؟

اقصد بمصرف البيت

اذا يصرف ومو مقصر مافيها شي لو تتعاونين معاه وماتضغطينه ماديا خصوصا ان السفر يكلف

بالنسبه لي انا ليلحين ماتوضفت وزوجي يصرف علي وعلى البيت لكن اذا توضفت راح اوفر جزء من معاشي حق السفر والكماليات

ترى الزواج شراكه

 

[om-3azo-83z]

شدعوه مو قادر يحمل مصاريف زوجته ! عيل ليش تزوج اذا مو قادر يتحمل مصروفها !!
تدرين ان بالشررررررررررع انتي مو ملزومه تقطين ولا ربع دينار على البيت الا برضاج و ماله اي حق ياخذ فلوسج اخذيهم منه قولي امي محتاجتهم او شي و بعدين قوليله فلوسي و تعبي و ما اقدر اصرف عليك اسافر مع رفيجاتي ولا خواتي اخف لي مالك حق تاخذ فلس منهم زعل ولا لا كيفه لا تعودينه يبلع فلوسج و انتي تعطينه بيدج بعد !

 

[أم عزيـز]

امممم ما ادري والله المفروض يسئلج ما يأمرج
لان مال الزوجه من حقها اذا بتساعد زوجها فيكون برضاها

والحياة مشاركة وتعاون لكن يكون من البدايه اتفاق ان التذاكر عليج والمصرف عليه

وعلى فكره ليش يربط السفر معاج بالفلوس !
ليش مافكر بوناستكم ! يعني يقول مع ربعي ارخص ومعاج مصرف الكلمه حدها مو حلوه
الله يسخره لج

 

[ماني من الناس]

والله حلوه يقول اسافر مع ربعي اخف

وانا اسافر مع اهلي اخف

اوقات الواحد لين عاملتيه نفس مايعاملج بيحس انه اسلوبه فظ

 

[وردة الحياة]

والله مافيها شي احط معاه بالسفر... بالعكس انا اللي ايمع حق السفر واهو يصرف عالبيت
لاتصيرين حساسه وايد نصيحه لا تحسسين الريال ان الفلوس اغلى منه لان جذي بعدين بيحرج بالفلوس
ساليه ليش الرياييل يحبون السفر مع ربعهم؟ لانهم يتقاسمون المصاريف وكل واحد شايل نفسه وربع ووناسه
ليش ماتصيرين جذي ملزومه بنفسج..وعيالكم عليه