زوجي يخونني..ليتني لم أتزوج

[mrs.abk]

حبيبتي موب وقت فراغ ,, هذي عقدة شهريار اللي في رياييل الوطن العربي .. لو شين وقبيح تلاقينه يموت في الحريم .. كيف الزين اللي يلاحقونه البنات ..

دخيلج بس لو يمكلك مصانع طيارات بعده بيرمس حريم .. يقولون أونه الفراغ والله الفراغ بريء منهم ومن فعايلهم ..


تبين راحة بالج خليه يولي .. بتضاربينه اليوم وباجر وعقبه .. مصيره يطخ ويرد .. فلا تصدعين راسج .. وحاولي تتجاهلين هالقصة والغي الحساب .. بس عقي عليه بنص الكلام ان اللي يشوف بنات عاريات عيونه بتاكلها النار .. والقي عليه محاضرات بين فترة وفترة وكلام حار بدون تحديد ..

 

[mrs.abk]

والله مايقهروني الا البنات اللي يقولون الرياييل كلهم جي

شدخل

كل الرياييل ما تخاف ربها يعني !!!

بالعكس والله في رياييل ماتحب الغلط ولا ترضاه

خلج عاية معاه لا تحسسينه انج تجسستي عليه لأن بيقلب الموضوع عليج وهو بيطلع من الباب الشرقي !

حاولي تصيدين عليه شي جدامه

خلي وحده تضيفه مقربة منج و واثقة فيها خل تطلب رقم تلفونه

و عقب قولي لها تتصل فيه وانتي معاه

و قولي انج دخلتي حسابه من حساب اخوج و انصدمتي من الأشكال المنحطة اللي عنده
قوليله توقعتك اكبر من جي .. واعقل وانك ماترضى تنزل نفسك لهالأشكال الخايسة

والله يا أختي اللي يخافون ربهم في هالموضوع تحديدا صاروا ينعدووون على اصابع كف وحدة ..!!

مافيه حد تدافعين عنه .. للأسف

 

[شعر امرؤ القيس]

حركات انسان عايش فراغ
املي هذا الفراغ حبيبتي ويكون بعلمك انه يحبك بس هذي الامور من الفضاوة لا حب ولا بطيخ

 

[ميس الريم]

الله يعينج حبيبتي

انا عجبني رد البارونه

حلو انج تنغزينه بنفس السالفه ع اساس انها قصه رفيجتج

ولا تعطينه تفاصيل بس انها جكته وهو جي يسوي ومثل ما كملت الاخت البارونه

ومني بيني له انها بتتطلق منه وانا بعد قلتلها تطلقي دامه جي يسوي وما يخاف من ربه ما بيخاف عليج ولا بيحافظ عليج

وحاولي تتكلمين ف الموضوع وتخرعينه بالطريقه اللي انتي وقفتي فيها مع رفيجتج والشور اللي شرتيه عليها

وادعي ربج ان يهديه ويسخره لج

وبنفس الوقت شوفي متى يسوي هاي الخرابيط وانتي بنفس الوقت حاولي تشغلينه وما تخلين عنده وقت لهاي الخرابيط

واترسي عينه كثر ما تقدرين ولا تخلينه يكون ناقصه شي يدوره برع

طبعا مو شرط ان الواحد يكون ناقصه عشان يدور لكن انتي لا تخلين له عذر

وخلج هاديه ولا تبين له شي

وبنفس الوقت خلج صاحيه دوم ومنتبهه على حركاته وكل شي عشان ما تكونين يا غافلين لكم الله

الله يهديه يارب ويسخركم لبعض