زوجي يبي يتزوج علي

[قلبي_محروق]

رد : زوجي يبي يتزوج علي

شنو هالتفكير وشنو هالمنطق
اذا انتي راضيه على التفكير هذا جذي تثبتين للناس كلها انج مو زينه ولا بنت عايله سنعه
علشان جذي رضيتوا فيه
اوقفي بوجهه وقوليله انا شنو ناقصني تاج راسك وراس عايلتك كلها

د.شريفه اكيد انا مو راضيه ولا راح ارضى

أنا مادري شاللي قلب تفكيره

مع انه كان مفتخر فيني

اما اللحين يقولي منو راح يتزوج بناتنا

مع انه بنتي صغيره

من اللحين يفاول عليها

 

[« لـ / غيـرگ »]

اووووووف ليش اهوا من وييين مااخذج؟؟ :nocommint:


شهالكلاااام سووري بس ريلج متخلف

حرررررررررني

مادري شلون ساكته على كلامه

 

[*ريما*]

رد : زوجي يبي يتزوج علي

بالصراحة تفكيرة غبي
مع احترامي
يقول انة يبي يتزوج من قبل ولا يحط هالعذر هاذا
الله يعينك

 

[ام احمد الزاهر]

لا والله اشلون يعنى يبى يتزوج من هلله ؟؟؟ ليش من هله مسلمين والباجى كفرا ؟؟؟؟
وبعد ترا مو داش برااااااااااااااااسى كلش هذا السبب ؟؟
ولا تزعلين على اقولج الصج ( ريلج لو مايبى جذى مايسويها . يعنى اهو يبى جذى وانتى مافيج شى ؟؟ قاعد يقطها براس هله ؟؟
لومكانج ( الله لايقول اقوله قسم بالله لو سوتها اذبحك انت واهى بعد ولا تستانسون مع بعظ )
هددينه وقولييله ترا بسوى فيك الاكوا والماكووووووووووووا
قوليله بسويلك سحراسود ماخليك تطالع انثى حتى لوجانت ديايه ؟<<<<<<<<<<<<<<<< حجى بس
قوليله اذبح شسمه ........................................
قسم بالله انا صاجه ترا الريال يخاف على رجولته ؟

والله يعينج حبيبتى​

امبييييييييييييييييييييييييه تخرعين
والله خفت اشلون الريال المسكين
اقوى شي اذبح الي شسمه ......................
صاجه والله رياييل مايجون الا بالعين الحمرى

 

[فـرفـر]

لاتسكتين عن حقج
ماشوف زواجهه له سبب
لو لاسمح الله ماتجيبين اعيال سنين طويله
مقصره في بيتج
ممكن ..؟
بس عشان مايصير منبووذ ماعنده سالفه
والله يعينج

 

[فـرفـر]

لا بناات شنو تقولون تقول لزوجها بسحرك
بالله توقع انه هذي سوالفها صج
وتنقلب السالفه عليها
مو بس يتزوج عليها يمكن يطلقها ويقول هذي ساحرتني

لااااااااااا تقولين هالكلام ابد

 

[سارية]

رد : زوجي يبي يتزوج علي

هذا مو كلامه شوفي من يزن على راسه

نفس الحال صار معاي ( انا أحبج بس أبوي يبي وحده من العائله !!!! )

مو عذر ولا تسمحين له اسألي مجرب حبيبتي ادعي ربج انه يسخره لج ويصرفه عن هالامر

 

[قلبي_محروق]

رد : زوجي يبي يتزوج علي

هذا مو كلامه شوفي من يزن على راسه

نفس الحال صار معاي ( انا أحبج بس أبوي يبي وحده من العائله !!!! )

مو عذر ولا تسمحين له اسألي مجرب حبيبتي ادعي ربج انه يسخره لج ويصرفه عن هالامر

للأسف مو شخص واحد بس اللي يزن على راسه

اكثر من شخص

امه وابوه وعمه وجدته وحتى صديقه وربي يقوله لا تقول جدام الناس انك متزوج من برا العايله تراها فشله

مع العلم اني مفتخره بنفسي والحمدلله خواتي متزوجات والكل يتمنانا

 

[قلبي_محروق]

رد : رد: زوجي يبي يتزوج علي

لا بناات شنو تقولون تقول لزوجها بسحرك
بالله توقع انه هذي سوالفها صج
وتنقلب السالفه عليها
مو بس يتزوج عليها يمكن يطلقها ويقول هذي ساحرتني

لااااااااااا تقولين هالكلام ابد

صح معاج حق

السحر مو زين نهدد فيه لان في ازواج معقدين مثل زوجي ومايستوعبون انه غشمره

 

[قلبي_محروق]

رد : رد: زوجي يبي يتزوج علي

اووووووف ليش اهوا من وييين مااخذج؟؟ :nocommint:


شهالكلاااام سووري بس ريلج متخلف

حرررررررررني

مادري شلون ساكته على كلامه

ماخذني اكيد من بيت هلي يعني من وين

وليش ساكته؟
شنو تبيني اسوي يعني

لو جيتي للصج اهوا معاه حق بالشرع انه ياخذ علي وحده
أنا اللي اقدر عليه هو كلام وبس

 

[viva la glam]

الله يهديه بس سالفته ماتدش المخ شنو بيثبت حق اهله ؟

 

[فوفو22]

رد : زوجي يبي يتزوج علي

واهله دايما يسمعونه كلام انه ليــــش ما تـــزوج من عــــايلته ودايمـــا يحسسونه انــــه فيه نقـــــص

ليش نقص؟؟؟

اذكر مره سألوا الدكتور غازي القصيبي ليش ما تتزوج على زوجتك

<<علما بأن زوجته ام عياله المانية وهو سفير وقبلها كان وزير ومن عايله مرموقه وثرية

رد بطريقة عجبتني كثير

وقال


من اسهل الاشياء الارتباط ب ثانية وثالثة ورابعه

ولكن من اصعب الاشياء

اني اجلس مع عيالي بشكل يومي واعطيهم حقهم بالتربية والوقت

***************

اختي التفكير بالارتباط بثانية لهذه الاسباب تافهه

لو هو مقتنع فيج 100% مستحيل يفكر مجرد تفكير بالزواج

بس اتوقع محلوًه السالفه براسه مع حصوله على تشجيع ن اهله

اوقفي ضد هالموضوع بقوه

فوفو

 

[امواج الكويت]

شنو يعني من العايله وبرى العايله ليش تعنوا وخطبوج عيل اذا تفكيرهم ان بنات العايلة بيعنسون من بعد زوجج ليش يدورون برى العايله ولا يلعبون على بنات الناس بس

شنو هالتخلف هذا ليش يعني بنات العايلة بشر واللي من برى .......

عقب ما دبسج ببنت ياي يفكر بالزواج مو سبب هذا جان من اول قالج لا تحملين عشان انتي تشوفين نصيبج مع واحد من عيال العايله

اقول اذا السالفة وصلت للجد دخلي اهلج بالموضوع منو يرضى بالشريجه منو يبي الهم لنفسه

والله يعينج وسامحيني اذا انفعلت بس صج موضوع يبط الجبد

 

[الوردة المكنونة]

حبيبتي كلامه مو منطقي واسمحيلي ريلج ما يحبج ولا درا عنج لان اللي يحب مرته مستحيل يتزوج عليها من غير سبب وبعدين شلون تسمحيله يقول منو بيتزوج بناتنا ليش يبا قوليله انت مو ماخذني من الشارع انا بنت ناس وعيله واللي بناسبنا له الفخر بصراحه اسبابه مو مقنعه واسمحيلي انتي معطته ويه زياده انا لو منج ما اناقشه
بصراحه انا لو ريلي يه في يوم وقالي بيتزوج اقوله طلقني وتزوج على كيفك مثل ما اهو بيبدي حياة يديده انا بعد ابدي حياة يديده ما اقعد انطره متى يرد من مرته الثانيه واحر بعمري وهو عايش حياته

 

[Maryam]

ليش من ولده اهو





!!!!!!!!!!!!!!!!!!!!!!!!


اشدعوا على شنو شايف نفسة بالله

 

[BiiShOoO]

الله يهديه يااارب و يعينج

 

[Petite]

الله يهديه

 

[سيدة الذوق]

حبيبتي

هدي شوي

بس سوري السبب مو منطقي

اهم شي بيني انج مومهتمه وكملي هالفلم مو تبنين انج زعلانه وبتموتين

ترى والله جذي يموت من التفكير يقول اشفيها عادي عندها

ترى اذا بينتي انج زعلانه وانامالي غيرك تشجعينه

قوليله الله يهنيك انا ماني ميته وعندي اهلي وصديقاتي وبدش نادي اسلي روحي

اذاما احتر شوفي

صح كلامها وعن تجربه .. والله مايحرهم الا هالطريقه

سمعي كلامها والله محد حاس فيج الا اللي جرب هالشي

وانا اقولج سوي اللي تقوله

 

[sKntyny]

رد: رد : زوجي يبي يتزوج علي

د.شريفه اكيد انا مو راضيه ولا راح ارضى

أنا مادري شاللي قلب تفكيره

مع انه كان مفتخر فيني

اما اللحين يقولي منو راح يتزوج بناتنا

مع انه بنتي صغيره

من اللحين يفاول عليها

ربي لك الحمد هذا من صجه ..

من اللحين قاعد يقول يقول حق بنته بايره ..وانه محد يبيها

متى الواحد يقول جذيه بالله ..؟ مو اذا صارت بنته فاسده وخربانه هذي ماعرف خيرها من شرها وقاعد يقولها بتعنس

اللهم لك الحمد بس

انتي شنو موقفج يعني قلتي ابطلب الطلاق يعني .؟

انزين هدتيه بشي واخاف وارتدع ولا بعده مكمل ..؟

 

[ريتااجي]

رد : زوجي يبي يتزوج علي

شنو عاادي الوحدة يتزوج عليها ريلها

والله الشريجة تحر حتى لو في القبر

وبعدين أبد مو منطق ولاتفكير والسبب ابدا موقوي اللي يخليه يتزوج عليج

جان أهله من البداية ماخطبوج له لو هذي بنتهم راح يرضون عليها ؟

يرضون ان ريلها يتزوج عليها وهيه مو مقصرة في حقه؟

سبحان الله معظم الاهل يرضون على حريم اولادهم ومايرضون على بناتهم

حبيبتي ربي يعينج ويصبر قلبج