زوجي يبي يتزوج علي

[قلبي_محروق]

الســـــلام عليكم
اولا ادري اني اول مره اشارك بهالمنتدى بس من زمان وانا اقرا المواضيع اللي فيه
أنا مو عارفه شنو أكتب بس صج قلبي محروق

أنا متزوجه من ثلاث سنين وعندي بنت

و زوجي ما يصيرلي

يعني مو من عايلتي

واهله دايما يسمعونه كلام انه ليــــش ما تـــزوج من عــــايلته ودايمـــا يحسسونه انــــه فيه نقـــــص

وهو قالي أنه يبي يتزوج وحده من عايلته عشان يثبت لهم انه مافيه شي وعشان مايصير منبوذ

مع العلم انه نحن نحب بعض وايد

بس شسوي


قولولي والله قلبي محترق

أنا شنو ذنبي

وانا احبه وما ارضاله اي كلمة غلط تنقال بحقه

ابي رايكم

 

[pusy cat]

قولي اللهم آجرني في مصيبتي واخلف لي خير منها

 

[GA GA]

الله يهديه يااااااااااااااااااااارب

 

[قلبي_محروق]

رد : زوجي يبي يتزوج علي

أيه والله مصيبه معاج حق

 

[krkooora]

الله يهدييييييييييييه

شلون يفكر هذا !!
ياخذ وحده من اهله عشان يثبت انه مو منبووووذ استغفر الله !!!
مو عقليه هاذي

مالج الا الدعاء

 

[softlady]

حبيبتي

هدي شوي

بس سوري السبب مو منطقي

اهم شي بيني انج مومهتمه وكملي هالفلم مو تبنين انج زعلانه وبتموتين

ترى والله جذي يموت من التفكير يقول اشفيها عادي عندها

ترى اذا بينتي انج زعلانه وانامالي غيرك تشجعينه

قوليله الله يهنيك انا ماني ميته وعندي اهلي وصديقاتي وبدش نادي اسلي روحي

اذاما احتر شوفي

 

[fulla.81]

شنو يتزوج من أهله عشان يبين لهم إنه مافيه شي ؟؟
شنو هالتفكير الغبي
من البدايه ليش خذوج .. توهم يتذكرون بنات أهلهم !
كثري من الدعاء والله فوقهم وقادر على كل شي
الله يعينج​

 

[قلبي_محروق]

رد : رد: زوجي يبي يتزوج علي

الله يهدييييييييييييه

شلون يفكر هذا !!
ياخذ وحده من اهله عشان يثبت انه مو منبووووذ استغفر الله !!!
مو عقليه هاذي

مالج الا الدعاء

معـــاج حق مو عقليه ولا منطق

 

[قلبي_محروق]

رد : رد: زوجي يبي يتزوج علي

حبيبتي

هدي شوي

بس سوري السبب مو منطقي

اهم شي بيني انج مومهتمه وكملي هالفلم مو تبنين انج زعلانه وبتموتين

ترى والله جذي يموت من التفكير يقول اشفيها عادي عندها

ترى اذا بينتي انج زعلانه وانامالي غيرك تشجعينه

قوليله الله يهنيك انا ماني ميته وعندي اهلي وصديقاتي وبدش نادي اسلي روحي

اذاما احتر شوفي

أدري انه السبب مو منطقي وهو مايبيني ازعل بالعكس يبيني ما احس حتى صدقيني بكل وقاحه قالها انتي شوفيلي وحده من العايله
تصدقين هالشي
والله اني انصدمت
ويبي يعوضني بالفلوس

 

[بدوية بملامح كشميرية 86]

الله يهديه لج

ويصبرج ياار

 

[لا حيآآآه]

رد : زوجي يبي يتزوج علي

هاذي حجة وكلام فاضي
ولا يتزوج علشان اهله!!
وين الشخصية !!

 

[((shoOoshoOo))]

والله سبب كلش مومنطقي ولايدش العقققققل !!
الله يعينج ويصبر قلبج !!

 

[سارووونه22]

الله يعينج حبيبتي

 

[ســكره ورديه]

بذمه ذا سبب

عشان يثبت انه مو منبوووذ لا حبيبتي لاتسكتين قولي رأيك في الموضوع
الشريكه مو شي سهل يو حنا بشر ولنا مشاعر
يعني هو قالها روحي دوري لي امانه هذا همته مشاعرك
ولا تبيني له انك مو زعلانه ترا ماراح يزيد عنده شي ولا راح ينقص

يبي يتزوج وبس

قولي مو سبب ومو من حقك تجرحني يعني عادي انك تقولي روحي اخطبي لي؟؟

تكلمي معه بهداوه اقنعيه فهميه ووصليله شعورك

اعرفوا ان الرجال مو تفكيرهم مثلنا يعني اللي يجرحك مايجرحه يعني سكوتك اثبات رضاك تكلمي تكلمي تكلمي معه لاتسكتين وتنتظرين انه يقول ايه فهمت عليك..

والله يوفقك ياقلبي ويجعله مايشووووف غيرك يارب ويحنن قلبه عليك

 

[استكانه1]

لا والله اشلون يعنى يبى يتزوج من هلله ؟؟؟ ليش من هله مسلمين والباجى كفرا ؟؟؟؟
وبعد ترا مو داش برااااااااااااااااسى كلش هذا السبب ؟؟
ولا تزعلين على اقولج الصج ( ريلج لو مايبى جذى مايسويها . يعنى اهو يبى جذى وانتى مافيج شى ؟؟ قاعد يقطها براس هله ؟؟
لومكانج ( الله لايقول اقوله قسم بالله لو سوتها اذبحك انت واهى بعد ولا تستانسون مع بعظ )
هددينه وقولييله ترا بسوى فيك الاكوا والماكووووووووووووا
قوليله بسويلك سحراسود ماخليك تطالع انثى حتى لوجانت ديايه ؟<<<<<<<<<<<<<<<< حجى بس
قوليله اذبح شسمه ........................................
قسم بالله انا صاجه ترا الريال يخاف على رجولته ؟

والله يعينج حبيبتى​

 

[قلبي_محروق]

رد : رد: زوجي يبي يتزوج علي

بذمه ذا سبب


أنا وحده مثقفه وفاهمه وأدري انه مو سبب يدش العقل


يقولي احبج و بنفس الوقت يقولي اتزوج

مع انه هو اكثر واحد كان يعارض فكرة الزواج الثاني

بس الناس اللي حوله دوخوه وغيروله مخه

أنا كلمته وبينت له راي واني مستحيل اوافق

فرد علي بكل هدوء سكري هالموضوع وبعد سنه راح اظبط شغلي ويمكن اتزوج

واليوم الصبح قالي انا كنت صغير واتهورت واتزوجت من برا العايله

ابي ردودكم لاني راح اخليه يقراها ويشوف شنو راي الحريم
كل الحريم نفس راي

 

[مخمليـه]

شنو يقرا ردودنا لازم هالشي يكون منج عشان يعرف انتي ماينضحك عليج

 

[قلبي_محروق]

رد : رد: زوجي يبي يتزوج علي

هددينه وقولييله ترا بسوى فيك الاكوا والماكووووووووووووا
قوليله بسويلك سحراسود ماخليك تطالع انثى حتى لوجانت ديايه ؟<<<<<<<<<<<<<<<< حجى بس
قوليله اذبح شسمه ........................................
قسم بالله انا صاجه ترا الريال يخاف على رجولته ؟

تــدرين عاد اختي ( استكانه) ترى وربي ضحكتيني مع انه قلبي مو مشتهي الضحك

ايه نعم هددته وقلتله هالكلام واكثر بعد

والله يعيني صج مصيبه وحلت على راسي​

 

[قلبي_محروق]

رد : رد: زوجي يبي يتزوج علي

شنو يقرا ردودنا لازم هالشي يكون منج عشان يعرف انتي ماينضحك عليج

ابيه يقرا ردودكم لانه قـــــالي انــــــه الحـــــرمه عادي عنــــــدها هاالشي
وانه اي وحــــده مكاني راح تقبـــــــل

 

[د.شريفة]

رد : زوجي يبي يتزوج علي

شنو هالتفكير وشنو هالمنطق
اذا انتي راضيه على التفكير هذا جذي تثبتين للناس كلها انج مو زينه ولا بنت عايله سنعه
علشان جذي رضيتوا فيه
اوقفي بوجهه وقوليله انا شنو ناقصني تاج راسك وراس عايلتك كلها