زوجي يبي ولد

[شقرا كويتيه]

احملي حلو تجيبينهم ورا بعض

 

[جولينار]

الله ييسر لك كل خير

 

[ريتااجي]

أنا رائي تنتظري شوي

ترى زمنا غير زمن أهالينا الحين التربية يبي لها

ولدي عمرها 4 سنوات ان شاء الله اذا ربي رزقني وحملت بيصير عمره 5 سنوات

احس حلو الفرق بينهم ​

 

[jooosy]

والله انا رايي من رايج
لازم الوحده اتريح عالاقل سنتين وشي
علشان اتجابلين ولدج عدل
وعلى ماتحملين وتولدين الا اسم الله عليه صاير عمره 3 اسنين و وراه روظه
شايل روحه وكبر عكس لصغير يبيج انتي حق نومته وقعدته واكله
والبيبي بعد ابروحه يبيله سهر وامجابل
اتجابلين منو والا منو

 

[jooosy]

والله انا رايي من رايج
لازم الوحده اتريح عالاقل سنتين وشي
علشان اتجابلين ولدج عدل
وعلى ماتحملين وتولدين الا اسم الله عليه صاير عمره 3 اسنين و وراه روظه
شايل روحه وكبر عكس لصغير يبيج انتي حق نومته وقعدته واكله
والبيبي بعد ابروحه يبيله سهر وامجابل
اتجابلين منو والا منو

 

[دآنة آلرشآيده]

احملي دآم زوجج يبي
الله يوفقج يارب ويرزقج باللي تبينهـ​

 

[ماني من الناس]

صراحه الرجاجيل ما يراعون يعني يبون بكيفهم عيال عبالهم العيال تيك اوي بسرعه بسرعه ,,,,مفروض يتفهم حالتج النفسيه والخوف اللي عشتيه يعني اكيد يبيلج فتره عالاقل تنسين وتضبطين نفسيتج وتعرفين تربين ولدج عدل


قوليله حط نفسك مكاني وعطني فرصه اتنفس

 

[om MaRyooM]

الله يخليلكم ياه انشالله

وبالنسبة لعمر ولدج وقرار الحمال هذا شي يرجعلكم في حريم يقدرون في حريم ماعندهم استعداد للياهل الثاني


وان كان على التجربة .. ترا كل حمال تجربته مختلفة عن الثانية

وسوي استخارة

 

[الجيكرة ام عيون]

مومتزوجه وان شاءلله يفيدونج

 

[متى افرح]

لاني تاخرت بالذرية وان شاءالله مو محرومة

عن نفسي كل تسعه شهور بجييب واحد

 

[ورده عنابيه]

عادي خليهم يربون مع بعض

 

[شذى الحب]

الله يرزقنا بالولد الصالح

 

[miss_Ba6oOo6a]

والله انا سنتين ونص وعلا ما اييب الياهل الثاني 3 سنين جذي يكون احسن

 

[بيتي بوب بس كويتيه]

احلا شي تحملين الحين علي ما تولدين يكون بكمل 3 سنين تقريبا
انا الحين حامل بالثاني بينهم بكون 3 سنين وشهرين

 

[غلا التركي]

توكلي علي الله

وربي يسهل عليج ان شالله
والله يرزقكم الذريه الصالحه

 

[نـعـومـه]

شوفي انتي اذا قادره حملي وموقادره نطري عالاقل 6 شهور وانا كنت بقولج عادي حملي بس عقب ماقريت مشكلتج مع صدرج حرام ريحي

وانتي دام مومستعده حيل للياهل الثاني اجلي 6 شهور عالاقل لما تريحين اكثر وولدج يكبر اكثر بصراحه تعب ورا بعض واذا حملتي بعد 6 شهور مثلا يكون بينه وبين البيبي اللي وراه سنتين وشي هم فرق بسيط

انتي قنعي ريلج بتأجيل هالفكره بعد 6 شهور على مايطيب جرحج عشان صحتج اهم

وليش ريلج ضامن الولد ؟؟؟ يمكن تيله اخت ؟؟

وهذا رايي

 

[_Pure_]

انا ضد الحمل ورا بعض ظلم للطفل و الزوج و صحة الام

انا حملت ثاني مرة لمن كان عمر بنتي سنتين و 3 شهور و ولدت بيت بناتي 3 سنين بالظبط
والحمدلله مداني ارتاح قبل لا احمل و ولدت بنتي كبيرة

انصح بهالطريقة

و دام ولدج عمره سنتين استخيري و حملي و تجنبي الاشياء اللي سوتلج مشكلة الصديد

والله يوفقج و يسهل عليج

 

[ام حمد 85]

عسى الله يرزقج ان شاء الله

 

[shak!shoka]

الله يكتب لج الي فيه الخير

 

[قلبي محمد]

حبيبتي الله لا يوريج اللي شفتيه من بعد ولادتج الاوليه يارب
ولا تخافين ان شاءالله ما يتكرر هالشي مره ثانيه
بس انا من رايي تو الناس على الياهل الثاني ..
عشان انتي يمديج ترتاحين وتربين ولدج عدل
عموما استخيري رب العالمين وان شاءالله يهديج للحل اللي يريحج حبيبتي