زوجي يبي قرض

[كيكه ترفه]

بصراحه لاتعطينه الا بحاله وحده
اذا صج يقدرج ويحط واييب ويكدح ومومخلي عليج قاصر ابدااا والريال تشوفينه سنع وحدددج واثقه فيه اي والله طقيله ونص بعد
اما غير جذي​

تـــــــــمــــــســــــكــــــنـــــــي <> تـــــــمــــــــكـــــــــنــــــــي : )​

 

[يازمان العجايب]

حسب زوجج اذا يستاهل والا مايستاهل
انا اخذله بطيب خاطر اشدعوة ماكو فرق
وبعدين المبلغ صغير ٣٠٠٠
خلي يسويلج تحويل شهري اذا ماتبين تدفعين

​

 

[الشهد كله]

حبيبتي خليه يعرض سيارته ​

إن شاء الله ملابسه ​

بس لا تدخلين معاه بمتاهات ولا يكسر خاطرج عشان قرض

واللي تقول يسوي لج استقطاع ، هذا الإستقطاع شخصي يقدر يلغيه بأي وقت

وانتي تاكلين أقساط القرض بروحج
​

 

[noo7a]

على حسب زوجج اذا يستاهل ولا لأ
و هالديون الي صارت عليه على اشياء تستاهل ولا لأ
وانا اشوف ان ثلاث الاف مو مستاهله انج تخلين ريلج بضيقه ديون
حرام المفروض جيبج و جيبه واحد

 

[om deaj]

خليه ياخذ قرض حسن اذا فعلا مديون من الزكاه 3000 وقسطه 50 والله يفك عوقه ان شاء الله

:eh_s(9)::eh_s(15): خوش راي

 

[تذكر خافقي رمحك]

والله على حسب ريلج ,, اذا صج مديون واهوا ريال والنعم فيه وقايم فيكم ومو مخلي عليكم قاصر كلش وطلباتج اوامر اي يستاهل
اما انه مايدري عنكم ومايصرف عليكم لا والله لا تاخذيله

:rerrerek:

 

[بنت.المطيري]

انا عندي حل لو يموت ماخذا قرض منج


بس دام انه مبلغ مو خطير مثل ٣٠٠٠ هينه ان شالله

واذا انتي صج خايفه او مو واثقه فيه او تحسين ان حمل كبير عليج


دزيلي خاص واعطيج الحل مابي اقوله اهني

 

[Tom ♥ Jerry]

.،



قوليله حبيبي سوري انا مآ أقدر ؛$ !
عندي ارتباطات وآيد .،

 

[pusy cat]

الربا حرب من الله ورسوله ابتعدي عنها تراها من الكبائر

اخذيله قرض حسن بدون فوائد

استخيري احسن عشان اذا فيه مضره لج الله يبعده عنج

 

[neitfa]

لا والف لا مهما كان القروض عمات عين يدبسون هالحريم فيها لا لالالالالا لاتغلطين غلطه وحده اعرفها اخذت قرض. بس٢٠٠٠قال محتاج اخر شي راح المغرب فيهم وخلاها تولي لالالال خل يدبر من تحت القاع مديون لا

 

[neitfa]

noni103
من كبار شخصيات كويتيات

*


كويتيات رد: زوجي يبي قرض


اقتباس:
المشاركة الأصلية كتبت بواسطة happy january
خليه ياخذ قرض حسن اذا فعلا مديون من الزكاه 3000 وقسطه 50 والله يفك عوقه ان شاء الله
خوش راي

 

[shams2008]

ماانصحج تاخذيله القرض

 

[عبير-الشرق]

على حسب زوجج انتي اكيد تعرفينه عدل وتعرفين طبعه وتصرفاته اذا يستاهل اوكي واذا لا لاتاخذين له
مع اني ضد انه المره تاخذ قرض لزوجها

:eh_s(15)::eh_s(15)::eh_s(15): انا معاج

 

[أنهار الورد]

انا برايي حسب زوجج اذا هو زين وياج وكلمته ثقة
ساعديه اما اذا تحسينه بورطج وبصير القرض على راسج قوليله ماقدر ارتبط وتعذري له بأي شئ

 

[ELFAD3Ah]

شوفي حبيبتي نصيحه انا ريلي لو ابي ماي عيونه مايقصر عني بس لو طلب مني قرض بقوله اسمحلي لان الدنيا تخوف مايندرا شصير بعدين اليوم معاج باجر عليج

 

[om MaRyooM]

علا حسب حبيبتي هل ريلج فعلا صادق ولا لعوب؟ وهل فعلا بيقدر يسدد ولا بيترك القسط عليج
وعلا حسب وضعكم المادي يسنح تحطين ديون عليج ولا لا


اذا ودج تقوليله لا بس باسلوب قوليله عمري انا ودي اساعدك الله يعلم بس جذي انت بتطلع من دين وتدخلني بدين ثاني
يعني ماسوينا شي وتاسفيله


شوفي انا مع الوحده اللي تساعد زوجها، بس حتا لو زوجي ذهببب ولاقدر الله احتاج قرض مني رح افكر مليووون مرة لاني مااظمن احد بالدنيا
واحتمال كبير ماوافق بعد

 

[dectora 7elwa]

قوليله البنك ما وافقوا

 

[!! D m i r a a !!]

لا ثم لا ثم لا


ديري بالج تاخذين قرض


قولي له حبيبي انا ماحب القروض والله يبعدني ععنها

 

[حبك سراب]

بنات زوجي باع سياره على اخوه ٤ الالف يعني خلاص افتكيت من سالفه القرض بس زوجي سوا شغله احس قصده يحرجني قبل شوي جاي وجايب لي خاتم ذهب فاتورته مكتوب فييها ٢٧٥ دينار احس نفسي تفشلت انتو شاريكم صح قصده يحرجني

 

[الاسطورة]

بصراحه ما عجبني موقفج
كلها٣ الاف
عزيتيهم عيه
وهو بقمه حاجته
وترى طلب الريال من زوجته مبلغ من باب المساعده فيها كسر حق كرامته
هذا اذا كان محتاج صج
تخيلي انتي الي كنت محتاجه وطلبتي منه وماعطاج
شنو بتكون نظرتج له
جاوبي على سؤالي بكل صراحه