زوجي يبي قرض

[cute00]

اي بنات واجد اعرف اخذو عليهم قروض وكرهوههم بعيشتهم ليمن المره استخفت واطلبت الطلاق منه. وبالاخيير على ظهرها الدين والقسط مو اقل من 5 سنين

 

[بولندية]

البنات كفوو وفوو

من شفت العنوان وقبل لااقرا الموضوع و انا اقووووول لالالالالالالالالا

 

[بولندية]

علشان سيارة !!


انا مرة ريلي قال اخذيلي قرض يبي يشتري سيارة قتله انسى سيارة و عندك بعد شماله سيارة بس زيادة عدد

 

[washwoshh]

لا طبعا

 

[عسل مرت قيمر]

ليش رفض لما قلتيله تتجسل بسمج مو غلط!!!

انتي دافعه بعد !!


لا تاخذينله


وبعدين وين معاشه!!

وليش متأخر الاجار ثلاث شهور؟؟؟



شوفي لا تقلبينها هوشه

وخلي اعصابج بارده واستمري

لا تفتحين الموضوع وسوي نفسح نسيتيه

وتصرفي عادي ولا تسألينه اشفيك ولا مافيك


الصراحه انا اساعد ريلي وممكن اخذ حق شي في مصلحتنا


بس ريلج مبين تفكيره بس بنفسه !!

عشان جذي مو لازم تأمنين له لانج مو ملزومه

 

[أحترت أعبر]

الحين زوجج من قبل الزواج وهوطايح بهالقروض ...ووصل به الحال انه البنك رفض يعطيه قرض اضافي ....
انتي سألي نفسج ...هالقروض شنو سوى فيها .....والقرض اللي يبيج تاخذينه شنو يبي يسوي فيه ...
اذا لبيت او ارض وبيكتبها باسمج واسمه يعني شي لج وله مو مشكله ...بس اذا لسياره له او سفره حتى لو لكم انتوا الاثنين او اي شي ثاني فلا تورطين نفسج بدين وانتي ما تدرين بكره شيصير ...
يعني الحين واضح منتصرفه معاج انه مو قدها بدليل انه تصرف تصرف طفولي ومو ناضج بالمره ...يا تعطيني اللي ابيه او بزعل ...
نصيحه مني لا تحطين على نفسج دين لغيرج...حتى لو كان اقرب شخص لج ...

 

[ZaiN Kw]

لا تاخذيله قوليله القرض ربا وحرام ومن هالسوالف صج

 

[ناسفه البرقع]

لووووووووووووووو يفـــــــــــــحط لا تاخذين له

خوووش والله يبي سياره يديده من افااي

ليش يا يبته وناااسيته انا

وليييش مو دافع اجار مال 3 شهوووور

شكـله يبيج انتي الي تكـدين على البيت وبيتكل عليج

خوووش والله ريايل اخر ززززمن

 

[Om Ghanem 75]

قوليله تسلف من اهلك

انا مو ضد ان المرا تساعد ريلها وقت الحاجة لكن مبين ان ريلج ما يعرف يتصرف بالفلوس و غير هذا بيشتري سيارة بفلوسج و ما يبيج تسجلينها باسمج ليش ان شاء الله ؟؟!!

 

[am faisal]

حبيبتى
لااااااااااااااااااااااااااااااااااااااااااااااااااااا
لااااااااااااااااااااااااااااااااااااااااااااااااااااا
وحدة من قريباتى خذت لزوجها سبعين الف علشان بيت العز يا بيتنا بيت العمر
وبعد ما اثثت وسكنت من فليساتها بعد تخانقت مع اختة وتم تكفيخها وعمل اللازم وحذفها لبيت اهلها على الحديدة وخطب عليها
يعنى البيت والاثاث والخطبة على حساب المغفلة وهو داخل بمجهودة فقط
وكل شهر تدفع الاقساط وهى تصيح من قلب
يا حر قلبى حرااااااااااااااااااااااااااة

 

[Um Tuki]

طبعا لا

من صجج انتي
انا بطاقتي البنك احطها بيد ريلي من كثر الثقة و لأنه مو مقصر علي و اعطيه لان ماديته ضعيفة وايد و مع هذا لو ابي شنو مايقصر

بس ماتوصل فيني آخذ قرض و اقصص راتبي عشانه

حتى ريلي مايرضى اسويهاة


تحملي و الله باجر تندمين

شلج بالقروض و الربا دامج مو مجبورة

 

[Denya-3'areeba]

بيزعل اسبوع والا اسبوعين وتالي بينسى وبيرد عادي
عيب الريال ياخذ من مرته .. بدال مايعطيج ياخذ منج
6 الاف مو شويه غير فوايدها وبصراحة هذي فلوسج انتي قاعده تتعبين فيها يعني انتي اولى فيها

 

[حبيبي مالكني]

انا اقول لا
اهو ملزوم يعطيج مو انتي تعطينه

 

[ام سعود ديكسون]

والله أنا انحطيت بنفس موقفج بس علي مبلغ اكبر
و رفضت لأني ما اقتنعت ولا لقيت الضمانات
ولا مستعدة أخذ مبلغ بهالحجم و بقرض ربوي و يتقصص المعاش عدل
و زعل و صارت ضغوط من جانب اهله خاصة الحريم

ف انتي رجحي العقل و القناعة قبل اتخاذ القرار
اذا لقيتي انه مو مستقر و كلمة توديه و كلمة اتييبه
و يبيهم حق شغلة طقت براسه و ماهي ضرورية فحقري جنج ما تدرين
ف بلاها لا تفجين علي روحج باب الاتكالية و التعود ع الكماليات

 

[om al ghaleen]

ياليت هالموضوع يتثبت علشان بعض الحريم
ياخذون بنصايح الاغلبيه !!

 

[بنت النعــيمي]

جوفي ع ايام قبل
كان الزوج من بعد الله والاهل
ضمان حق البنت !!

بس الحين الزمن تغير !!

ضمانج الوحيد اهوه شغلج وراتبج !! :rerrerek:
​

الزوج بدقيقه يتغير !!

الزوج مب ضمان !

اليوم معاج حلو !

باجر الله العالم !!

لتصيرين مقصة ! :eh_s(4):

محد بياكلها الا انتي !!

القرض بيكسر ظهرج !

ومعاشج بصير منتف !!!

بعدين جنج تشتغلين ابلاش !!!


جوفي اذا كان القرض حق علاج حق أزمه حق بيت انا معاج اخذي !!

بس تضمنين انه البيت يتسجل بأسمج وبأسمه ! :rerrerek:

لانه هالاشياء مصيريه !
بس شي سخيف !
لا والف لا !


يزعل يطق راسه بالطوفة كيفه !!!

اليوم يزعل !
وباجر يرضه !!!


اهوه الريال وملزوم يدفع !!!! :eh_s(10):


خلج قد كلمتج وقولي لا !

لأنه اذا عطيتيه باجر بيتعود !

بيقولج ابي بعد قرض !!

فمن الحين كسري هالشي !!!

:rerrerek::rerrerek:
​

 

[لازورد]

والله تمسكي بقرارج ولا تاخذين له قرض ولو شنووو وهم استخيري واطلبي ربي يقويج ويعينج

ربي العالم بالغيب وادعي الله يصرف الفكره من بال زوجج .. وانتي قلتيها بنفسج متغير عليج وعلي ولده .. زعلان منج فهمنا الياهل شكو ؟؟ طيب مو حرام عليه ؟!!

هذا اوله ينعرف تاليه من هالموقف بينت طينته .. مو كفو تزعلين علشانه اسمحيلي أختي واعذريني على هالكلام

بس انتي ممكن تروحين ويا ولدج تتمشون ولا عند اهلج تغيرون جو بدل جو النفسيه اللي معيشكم فيه وانتي مو مجبوره ترضينه بشي ممكن يضرج وهذا رأي الدين فلوسج ماله حق فيها أبدا وهو الملزوم يصرف عليج ولا وين القوامه؟؟ لا وبيكشخ على حسابج وآخرتها انتي تتوهقين وتندمين خلج بالسليم علشان تنامين مرتاحه

 

[om MaRyooM]

قريييت كل الردود وشجعتوني على رفضي.......هو يبي القرض لسياره لأن سيارته قديمه حيل ويبي يبيعها ومنها ندفع قسط ايجار الشقه متأخر 3 شهور انا انصدمت عبالي يدفع كل شهر. .مو مقتنعه بهالموضوع واصلا ما يستاهل وانا مجربته ان عطيييته ما يرد السلف هالمره قرض واندبس 5 سنييين ماينعرف شيصيير

انتي سألتي السؤال و رديتي على نفسج

الحمدلله انج تعرفين الجواب

 

[om MaRyooM]

حبيبتى
لااااااااااااااااااااااااااااااااااااااااااااااااااااا
لااااااااااااااااااااااااااااااااااااااااااااااااااااا
وحدة من قريباتى خذت لزوجها سبعين الف علشان بيت العز يا بيتنا بيت العمر
وبعد ما اثثت وسكنت من فليساتها بعد تخانقت مع اختة وتم تكفيخها وعمل اللازم وحذفها لبيت اهلها على الحديدة وخطب عليها
يعنى البيت والاثاث والخطبة على حساب المغفلة وهو داخل بمجهودة فقط
وكل شهر تدفع الاقساط وهى تصيح من قلب
يا حر قلبى حرااااااااااااااااااااااااااة

وااي الله يعين قلبها بعد عمري !!!

 

[cute00]

مشكورييين عالردود. انا ما أخذت له قرض والحمد لله ما ضعفت بقراري وهو كيييييفه مرده بيرضى معطيييته طاف ودعييت ربي يصرف هالفكره من راسه وربي استجاب لي ماعاد تكلم بهالموضوع مشكووووووووووورييين يالغوالي على النصايح