زوجي يبي قرض

[Perfume]

حبيبتي ليش يبي القرض ؟
اذا سيارة اخذي القرض بشرط انه تنكتب باسمج

 

[جذابه بنت ذيابه]

حبوبه

اذا تحسين انه مضغوط حيل ومحتاجهم ولسبب قوي و مقنع اخذي له ..!

 

[مفعمه بالحيويه]

لا تاخذين له لانج مب مسؤله عنه

يزعل يعصب كيفه ، مو من حقه يطلب منج تاخذين له قرض

عيب عليه عيييب

 

[cute00]

قريييت كل الردود وشجعتوني على رفضي.......هو يبي القرض لسياره لأن سيارته قديمه حيل ويبي يبيعها ومنها ندفع قسط ايجار الشقه متأخر 3 شهور انا انصدمت عبالي يدفع كل شهر. .مو مقتنعه بهالموضوع واصلا ما يستاهل وانا مجربته ان عطيييته ما يرد السلف هالمره قرض واندبس 5 سنييين ماينعرف شيصيير

 

[فوفو22]

قريييت كل الردود وشجعتوني على رفضي.......هو يبي القرض لسياره لأن سيارته قديمه حيل ويبي يبيعها ومنها ندفع قسط ايجار الشقه متأخر 3 شهور انا انصدمت عبالي يدفع كل شهر. .مو مقتنعه بهالموضوع واصلا ما يستاهل وانا مجربته ان عطيييته ما يرد السلف هالمره قرض واندبس 5 سنييين ماينعرف شيصيير

الواحد يصير مغفل مره يا حيل الله

لكن يصير مرتين مشكله كبيره

اخذيها مني انا اكبر منج

الرجال بالعموم يفرحون ويمدحون الزوجه اللي تصير بنك مفتوح لهم

بس هالمدح والحب باول السالفه

وتالي

يبي يحس برجولته وقوته وامكانياته .....ويبي يحس انه هو اللي يقدر يصرف

بس هالاشياء ما يقدر يسويها عند مرته لانه وضعها احسن من وضعه

يدور وحده ضعيفه امكانياتها وتحسسه بحاجتها له

وهني يفرد عضلاته ويحس برجولته وقوته

صدقيني هذا الحاصل لا تتخليلون رياييلكم

مثل الصحابه والتابعين الصالحين

انا مكانج اقول لا اسفه ماني مسئوله عن سياره
تستمتع فيها وانا ينقص معاشي

فوفو

 

[بطوووطة$بيضة]

طبعا لا

اهوا الريال اهوا لازم يتصرف

خل يتسلف من اخوانه او ربعه

 

[omaseel]

لو هو كويس معاكي وهو الحين في محنه ولجئ لكي علشان تقفي جانبه ليه تكسري بخاطرو بس يكون القرض للضروره القصوي

 

[((غلاي))]

قريييت كل الردود وشجعتوني على رفضي.......هو يبي القرض لسياره لأن سيارته قديمه حيل ويبي يبيعها ومنها ندفع قسط ايجار الشقه متأخر 3 شهور انا انصدمت عبالي يدفع كل شهر. .مو مقتنعه بهالموضوع واصلا ما يستاهل وانا مجربته ان عطيييته ما يرد السلف هالمره قرض واندبس 5 سنييين ماينعرف شيصيير

لاحبيبتي لا تعطينه لو شيصير دام مسلفته و لايرد

يزعل يموت براحته
انتي مو مجبوره
تشتريله سياره
يوفر لنفسه و يشتري

الرياييل اذا اشتهو شي سووه
لاتاخذين لاتاخذين

اعرف وحده اخذت قرض و فلوس و تعطيه من معاشها و بالاخير طلقها حسبي الله ونعم الوكيل فيه

عادي عنده تاخذين سياره له و من فلوسج و الله عيب

 

[اميره1980]

المفروض تعرفين ليش يبي هالمبلغ الكبير اللي راح تقعدين سنين طويلة تدفعين مع فوايد بعد
اعرف وحدة زوجها طلب منها قرض تدرين شنو سويت ؟
طبعا زوجها قالها هذا دين علي انتي بس دفعي و اردهم لج بعدين
قالتله تكتبلي وصل بالمبلغ و هذا دين برقبتك و القرآن الكريم وصى بهالشي اذا تداينتم فاكتبوه و لازم شهود بعد
و هذا ما يزعل سواء الزوجة خذت له قرض او عندها المبلغ و سلفته حق زوجها لازم تكتبونه ضمان لحقوقكم

 

[malakshmmr]

والله محد مستاهل غير امج ألي بس لو تبي تاخذين لها

اما الرجال ..||ماينعطي وجه ...........ّ!

لو هوو بمكانج..وطلبتيه ماياخذ ........!ّ

عاد انتي ...شوفي شنو حابه تسويييين

 

[:: Diva ::]

اختي انا من النوع الي انصح تساعدينه في المواقف الجايده يعني محتاجهم لا ينسجن شرط انه يستاهل
لكن حق سياره حق سفر حق سبب ثاني لا !
شوفي نفسج و ريلج و استخيري ان شالله ربي ييسر امورج

 

[!الجادل الصعب!]

قرارج مضبوطلا يضغط عليج

الاجار مشكلته مو مشكلتج ليش م دفع وين وطا فلوس الاجار صرفها عليج مثلا ..؟!

سيارته قديمه هم مشكلته قروض قبل العرس مو مشكلتج .. لو عالاقل باني فيها دور تسكنون فيه فبيت اهله

مو قرض وطيره وبس

 

[om al ghaleen]

لأ وبالخط العريض
عيب الريال ياخذ من مرته اصلا وين رجولته؟!
خل يطنقر ولاتبينين انج مهتمه لاتسألينه انت زعلان ولارضيت ..

الريال اللي مرته تعطينه فلوس يستحقرها والله !!
تبين تعرفين ليش لانه يحس انها ارجل منه
وانها ذلته بالفلوس اللي عطتها اياه

والله مايسوى تحطين قرض على ظهرج علشان سياره
اهو المستفيد فيها .. ومصاريف الزواج لابد منها ولا ليش يتزوج بالاساس

خليج ع رايج واهم من كل هذا لاتغيرين معاملتج معاه
صيري احسن منه وخدميه بس مو قرض !!

\\\

 

[PuPa^^SWeeT]

شكله مدمن قروووض



لا تعطينه ولا تاخذيله شي


مد ريولك على قد لحافك

 

[شمـ305ــوخ]

لا تعطينه نصييييييييحه
هذا قرض مو لعبه اذا بيزعل عليج عشان فلوس
اسمحيلي مايحبج هذا

 

[نواره2011]

لا تسوين له شي
بيزعل جم يوم و يرضا
هذا اللي ناقص بعد
الحريم يصرفون ع الرياييل

شوفي ليش يبي الفلوس ؟؟ يبني ؟ يأثث ؟؟ عنده تجاره ؟؟؟
ولا بس لعب و سفر و خرابيط !!!


انا اقولج و لاتخذين قرض خليه
اهو ريال و هذي مشكلته و اهو يحلها

 

[popa]

لا والف لا وخل يزعل اذا بيزعل انج ماعطيتيه فلوس من امه لاتعطينه
شفيج تبين تصيرين مديونه مثله اقصاد وماتتهنين

 

[دايم على البال]

شوفي انا وزوجي نموت في بعض بس لو شنو مااخذ له قرض لو يزعل سنه

ياما حريم خذو قرض وتزوجوا ولا كل يوم يهينها لين تطلب الطلاق


لا تعطينا ولاتحسسينه انج تدرين انه زعلان عطيه طااااف وخليج عاديه ولا تسالينه شفيك متكدر ولا شفيك زعلان

انا انصحج لمصلحتج والله بكره تحسفين وانتي ادرى بزوجج بس من ناحية قرض مااعطيه
الا حق بيت العمر وشرط يكتب نص البيت باسمي
وهذا الحق ماينزعل منه خلي منج العاطفه

 

[bride2011]

مدري اذا بيكتب السياره باسمج مكن بهالحاله

 

[cute00]

مشكوريين عالردود. قلتله اسجل السياره باسمي ورفض. الحيين لنا فوق اسبوع عالحاله هذي لا يقعد بالبيت ولا يجابل ولده ولنفسيه زفت علينا وكله مطنقر وانا ماسكه نفسي ومهدييه اعصابي ومطنشه الوضع مو معبرته والله انكم حيييل شجعتوني اتمسك بقراري