زوجي يبي عيال وأنا رافضه أبي رأيكم بنات

[قلب زوجي وولدي]

الله يكتب للي فيه الخير



​

 

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[love love]

الله يسهل عليج امورج

 

[وردة وطني]

ارضي زووجج وان شاء الله يتيسر كل عائق
بالتوفيق حبوبه

 

[سماء الاحساء]

الله يعين ويسهل مأورى الحمال ورى بعض الا التعب والله ......انا عمري 26وحامل بالخامس عندي ولد بنت ولد ولد واللي جاي بالطريج لسه ما عرفت واهم شي السلامه والصحه وكامل الخلقة مع أني 11سنه من تزوجت الا احس أني خلاص مابي من تعب ماشفته ابي اتوظف وأفكر أسوق مع ان بالسعوديه مستحيل بس بالخارج وأفكر أرمم جسمي وحياتي كلها من جديد وي ضاع العمر بين حمال وتربيه لان مسؤليتهم طولل العمر طال عمرج اذا على كذا والخير في القليل

 

[M!Ss Smart]

راجعي دكتورتج وانصحج ترضين زوجج لان انتي وافقتي عليه وبينكم فرق العمر ومسأله جسمج الاحسن ان تيبيله ياهل وترضينه بعدين ارتاحي وسوي رجيم ورياضه فكري بتؤم والله يرزقج يارب

 

[سمراء كويتية]

لو كان عمرج فوق الثلاثين جان قلت معاج حق لاتكثرين
بس انتي صغيره يبي الحين ولمن توصلين ثلاثين وقفي واهتمي بنفسج ويكونون كبرو ماعندج ياهل يسهرج كلهم دشو تعدو 3سنين اتجلبلين ريلج نيولك ورجيم وصبغ وحطيلج خدامتين بدال الوحده والحين الوزن اسهل مافيه حدي حلقه و تنزلين 25 كيلو

 

[قلب زوجي وولدي]

يعطيكم العافيه بنات

والله يكتب اللي فيه الخير


​

 

[Om wldy]

ريلج مؤ وايد كبيييير! خليه ينطر عالاقل سنتين بين كل بيبي و الثاني

 

[مهندسة2007]

حبيبتي حملي والله يسهل عليج وتابعي مع دكتوره ريجيم خلال الحمل إذا صج صج هامج وزنج وإن شاء الله تزيدين بمعدل طبيعي بحيث تقدرين تنزلينه بعد الولاده مباشرة

 

[Nokia N95]

استانسي بالسنة ... بالكامل .... بعدين حملي

 

[نرجس 2]

عمر زوجك مو كبير وانتي بعدك اصغيره
نطري كمان سنتين بعدين بتخلفي لانه الوحده بسن الثلاثين تحن تنجب
انا زوجي عكس زوجك ما يبي احمل وما تفرق معاه بس انا الي اخطط واعمل الي بريحني انا لاني انا الي اتعب والمسؤاليه تكون علي اكثر منه
يعني ازا انتي مو مقتنعه بالحمل حاليا ما انصحك بالحمل لانه الرجل ما يتعب ولا يكبر الهم والمسؤليه على المراه اكثر بكثير من الرجل
انتي كمان اشوي راح تحسي نفسك بجيل زوجك ازا مو اكبر من الخلفه والتعب

انا الي اقرر احمل او اوقف مو زوجي لانه زوجي ما شاء الله عنه كل يوم عن يوم يصغر وانا يوم عن يوم اكبر خخخخخخخخخخخخخخ
موفقه حبي

 

[نوناتي حياتي]

حتا أَنٌا نفس مشكلتج مع الوزن

 

[قلب زوجي وولدي]

اي والله أنا عن نفسي بصراحه مو مقتنعه بس لو بحمل عشانه
اهو بس مو عشاني


​

 

[امـ خــزامـى]

الله يكون بعووووووووونك

وبصراحه من كلامك حسيت عمره 40

حنا عندنا بعمر زوجك توهم يتزوجون معاريس يعني


فكرة زوجك جددددا غلط
يعني بالله احد ضامن عمره ؟؟؟

محد

فليش استعجل واجمع من هالبزران كان الدنيا بتوقف

اللحين المعيشه غييييييييييييير

حنا يالحريييييييييييم غير

مافينا صحه ولا قوه

قولي لزوجك زمن اول تغييير


وللمعلوميه ترى حتى الشرع وصى انه لابد الطفل يتشبع من حنان امه لين عمر السنتين
بعدها تحمل الام


انا فكرتي بين كل طفل والثاني 4 سنوات وحدي 4 اطفال مو اكثر

ابي اربيهم احلى تربيه واتعب عليهم صح اعلمهم واثقفهم ازرع فيهم الثقه والذكاء واغرقهم واشبعهم بحبي وحناني ودلعي

وبعد هالاربع سنين اجيب طفل ثاني ويبداء مشوار تأسيسي مره ثانيه
لطفل صالح خلوق مؤدب ومتشبع حب وثقه


الله يكتبلك اللي فيه الخير

 

[ام غازي 2012]

انا ضدج ومع زوجج

صح انتي الحين صغيره
والحمدلله بعافيتج
جيبيهم واري بعض
علشان تربينهم كلهم
مع بعض
وعاد بعدين تهتمين
بنفسج وبجسمج
احلي شي
انا كل الي أعرف
يسوون جذي
يعني يجيبون
خمسه وخلااص يوقفون
عاد تبدي هي تهتم بعمرها
وبنفسهاا

 

[نوف الصقعبي]

ارضى ربج وزوجج

لاتخلينه يسوي شي من وراج ويتزوج وحده غيرج تترس عليه البيت عيال


وايد حريم يحملون ورا بعض وعقبها الله يبارك بالعيادات والمستشفيات والحين شخباري المتن كلها ابرة مخدر موضعي عند احمد المسلم وتطلعين مانيكان وبنفس اليوم يسحب دهون جسمج بدون جراحه عن طريق الليزر وثقب صغير​

 

[beauty rose]

يببيهم ورا بعض و تفرغي لنفسج عقبها
احسن من تعدلين وزنج و نفسج و تردين تحملين يخترب كل شي سويتيه

و احسن من تييبينهم على كبر و يصير عندج جيلين كبار و صغار
تعبي فيهم مره وحده و كبريهم

 

[قلب زوجي وولدي]

يعطيكم العافيه بنات

بس الله كريم أتم السنه ويصير خير ان شاءالله



​